¹ Nomba Yakobo aishile mukwishiba ukwebati muli filyo mu Egypt. Kalabila ku bana bakwe abalalume, "findo mukololeshanishisha umo umo?" ² Kalabila ukwebati, " Boneni nkuno, ndumfwile ukwebati kuli filyo ku Egypt. Kamuya nkulya mupolomoke no kushita ifyesu ukufuma nkulya pa kwebati tube no bumi pakwebati twifwapo. ³ Ba wabo baku Yosefe abali kumi kabapolomoka mukushite filyo ukufuma nkulya ku Egypti. ⁴ Nomba Yakobo tabatuminepo, Benjamin, wakwe wakwa Yosefe ukubikapofye naba wabo, pantu kalabila kwebati, "nkotina ubusanso bungesa kuli ye". ⁵ Abana ba ku Isreal kabesa mukushita na balikwisa, pantu insala yali mu mushi wa Kenani. ⁶ Nomba Yosefe kali nicilolo kuli njilya ncende. E walikushitisha ku bantu bonse aba muncende. Ba wabo ba kuli Yosefe kabesa ka bafukama panshi kuli ye, ne fiso fyabo kafiwa panshi. ⁷ Yosefe abwene ba wakwe no kubebukisha, nomba kafisa ye kulibo nolabilapo amashiwi abukali kulibo, kalabila bwaka kulibo, "bushe mwatula pi? nabo kabalabila ukwebati, "ukufuma ku mapanga ya kenani". ⁸ Yosefe kabeshiba ba wakwe, nomba bo tabamwishibilepo. ⁹ Nomba Yosefe kaibukishe ciloto nco alotele pali bo, nakambi kalabila kulibo, "muli ba kulola! mwishile mukubona incende mu fiputulwa fya ncende ifitacingililwapo". ¹⁰ Kabalabila kuli ye ukwebati, "awe, mwebashikulu. Abasha benu beshile mushite filyo. Tuli bana balalume aba muntu umo. ¹¹ Tuli balalume bacishinka, tatupo ba kulola". ¹² Kalabila kuli bo, "awe, mwaisa ku kubona ifiputulwa fya mpanga ifitacigililwapo". ¹³ Kabalabila, "fwe basha benu twaba ikumi naba babili, abana ba muntu umo mu mapnga ya Kenani, boneni uwaice buno bushiku ali na ba ta, nakambi wesu tabapo no bumi". ¹⁴ Yosefe kalabila kulibo, "emfilya ndabila kuli mwe, muli ba kalola. ¹⁵ Mulinco, muli nokweshiwa. Pa bumi bwa ku Falao, tamwafumeko nkuno, mpaka ulo umwaice wenu akese nkuno. ¹⁶ Tumeni umo uwa muli mwe aye akaminte wenu. Muli no kushalya mu cifungo, pakwebati, amashiwi yenu ya keshiwe, nga cakuti muli cine muli mwe. Lelo nga tefyo, na pa mweo wa ku Falao, icine muli kulola. ¹⁷ Kabababika mucifungo panshiku shitatu. ¹⁸ Yosefe kabeba mu bushiku bwa citatu, "citeni nci mube no bumi, pantu nkotina Lesa". ¹⁹ Nga cakuti muli balalume ba cine, lekeni umo wenu ashale asungwe mu cifungo, lelo mwe muye muminte filyo fya cipowe kuma yanda enu. ²⁰ Kaleteni wenu mwaice kuli nebo pakwebati amashiwi yenu akapitulukwemo nakambi tamwakafwepo". nebo nalikucita nco. ²¹ Kalabila kuli umo no munakwe, "tulishininwe ukusakamana wesu muli nco twabele ubulanda ulo alikutupapata ukwebati tulofyapo bumi bwakwe kambi tatwaumfwilepo, nomba mbu bulanda bwaisa pali fwe". ²² Rubeni alyasukile ukwebati, "bushe nshamwebelepo, uku tekweshapo kubembukila mulumendo, kambi tamwaumfwilepo, nomba boneni umulopa wakwe ukofwaikwa kuli fwe". ²³ Tabaishibilepo ukwebati, Yosefe akobomfwa, pantu mpalya pali ukupikulula pakati kabo. ²⁴ Afumine kuli bo no kulila, kabwelela kuli bo. No kulabila kuli bo, kabula Simoni no kumufumya muli bo no kumukaka ninshi bakoboneka. ²⁵ Na Yesefe kaeba ababomfi bakwe ukubike filyo mu masaka yabo, no kubike ndalama ukubwelesha mu masaka yabo, nokubapa nafimbi filyo fya pa lwendo, nakambi kaficitika kuli bo. ²⁶ Ba wakwe kabapatika ifyakulya fyabo pa mpunda no kuya ukufuma nkulya. ²⁷ Umo pali bo, kaisule saka pakupele mpunde fyakulya pa ncende yakulongelapo, kabone ndalama. Boneni epakwisula isaka. ²⁸ Kalabila kuli ba wakwe, "indalama shandi bashibweleshamo. Shiboneni, shili mwisaka lyandi, "imitima yabo kaikatwa bulanda kabatampa ukututuma, "kuli umo nomunankwe katalala, "nindo ngu Lesa acitila mfi kuli fwe. ²⁹ Kababwelela kuli Yakobo, wishibo mu mapnga ya Kenani no kulabila fyonse fyo alabile fya citikile kuli bo, kalabila. ³⁰ "Umuntu, shikulu wa mpanga, kalabila mu bukali kuli fwe no kutontonkanya tuli bakulola mu calo. ³¹ Twalilabile kuli ye, tulibalalume bacishinka. Tatupo bakulola. ³² Twaba ikumi na babili ba wesu, umbi tabapo na bumi kambi mwaice ulo ali nabata mu mpanga ya Kenani. ³³ Umuntu, shikulu wa mpanga, kalbila kuli fwe, muli nci nakwishaba ukwebati, muli balalume ba cishinka. Sheni umo uwa muli ba wenu ashale nande, piteni ifilyo fya cipowe ku mayanda yenu, nokuya ulwendo lwenu. ³⁴ Mukalete umwaice sana pali mwe kuli ne. Elo nakwishiba ukwebati mwe tamupo ba kulola. Nga cakwebati muli balalume ba cine. Elo nakulekelako wenu kuli mwe, nakambi muli no kushitisha mu mpanga . ³⁵ Caishile mukupwisha amasaka yabo, Elo boneni, uuli onse muntu mwali icola candalama mwisaka lyakwe. Elo bona ba wishibo balibwene Silvele kabatina. ³⁶ Yakobo wishibo kalabila kuli bo, "mwanengela ukulosha pa bana. Yosefe tabapo na bumi, Simoni aliya, nakambi mupinte Benjamini naye aye. Mfi fyonse tafikosuminishapo kuli ne". ³⁷ Rubeni kalabila kuli wishi, kalabila ukwebati, mwanjipaila bana bandi bangashibweshepo Benjamin ukubwela kuli mwe. Mubikeni mu minwe yandi, nakambi nokumubwesha kuli mwe". ³⁸ Yakobo kalabile, "abana bandi tabayepo nenu. Pantu wabo alifwa ye enka eulipo. Nga cakwebati ukucena kwaisa pali ye mu musebo ngo mwakuyamo, elo nomba mukaleta imfwi shandi mubulanda".