¹ Mba ebafyelwe ukufuma kuli Esau (nafuti uwitwa Edomu). ² Esau abulile abakashi ukufuma kubena Kennani. Mba ebali abakashi bakwe: Adah umwana waku Eloni umwina Hiti; Oholibamah umwana waku Ana, umwishikulu waku Sibioni umwana Hibi, ³ na Basemath, umwana waku Ishmael's, nkashi waku Nebaioth. ⁴ Adah kafyala Eliphaz kuli Esau, na Basemath kafyala Reuel. ⁵ Oholibamah kafyala Jeush, Jalam na Korah. Mba ebana abalalume mbo Esau afyele ulo ali mu mpanga ya kennani. ⁶ Esau kasenda abakashi bakwe, abana bakwe abalalume nabana bakwe abanakashi, nabonse abali munanda yakwe, ifitekwa fyakwe - nashimbipo inama shonse, ne fikwatwa fyakwe, ifi alongenye mu mpanga ya Kanaani, no kuya ku mpanga ukufuma ku mukwabo Yakobo. ⁷ Acitile mfi pantu ifikwatwa fyabo fyalifulile sana ukwebati bangekala pamo. Impanga iibaikelemo tayabalingilepo pa mulandu wa fitekwa fyabo. ⁸ Efi Esau, nakambi uwitwa Edomu, aikele mu calo campili icitwa Seri. ⁹ Mba ebali ebafyashi bakwa Esau, icikolwe cabena Edomu mu calo ca mpili ica Seri. ¹⁰ Nga, eyali emashiwi ya bana balalume bakwa Esau; Elifasi mwana Ada, umukashi wakwa Esau, Revele mwana Basemati, umukashi wakwa Esau. ¹¹ Abana balalume bakwa Elifasi bali ni; Temani, Omari, Sefo, Gatamu na Kenaz. ¹² Timna, umwana kashi wapambali uwakwa Elifasi; mwana Esau kafyala Amaleki. Mba abali abeshikulu abalalume abakwa Ada, umukashi wakwa Esau. ¹³ Mba ebali ebana balalume abaku Reveli; Nahati, Sera, Shama, na Missa. Mba ebali abeshikulu abalalume abaku Basemati, umukashi waku Esau. ¹⁴ Mba ebali ebana balalume abaku Oholibama, umukashi waku Esau, uwali ni mwana Ana nakambi umwishikulu umwanakashi uwaku Sibioni. Afyele kuli Esau Jeushi, Yalamu, na Kora. ¹⁵ Ndu elwali elupwa ulwali mu bufyashi bwakwa Esau; ubufyashi bwakwa Elifasi, Ibeli lyakwa Esau; Temani, Omari, Sefo, Kenasi, ¹⁶ Kora, Gatam na Amaleki. Ndu elwali elupwa lwatuntukile ukufuma kuli Elifasi mu mpanga ya Edomu. Bali ebeshikulu abalalume abaku Adah. ¹⁷ Ndu elwali elipwa ukufuma muli Reveli, mwana Esau; Nahath, Zerah, Shammah, Mizzah. Ndu, elupwa lwatuntukile ukufuma muli Reveli, mu mpanga ya Edomu. Baali ebeshikulu bakwa Basemath, umukashi wakwa Esau. ¹⁸ Ndu elwali elupwa lwakwa Oholibamah, umukashi waku Esau; Jeush, Jalam, Korah. Ndu, elupwa lwatuntukile ukufuma ku mukashi waku Esau Oholibama mwana Anah. ¹⁹ Mba, ebali abana baku Esau (uwaishibikilwe ukwebati Edomu), namba ebali e mfumu shabo. ²⁰ Mba ebali ebana baku Seri umwina Horite, abaikele mu mpanga; Lotan, Shobal, Zibeon, Anah, na ²¹ Dishon, Ezer na Dishan. Mba e bali elupwa lwa bena Horites, abekashi ba mumpanga ya Seri mu mpanga yaku Edom. ²² Abana baku Lotani abalalume bali ni; Hori, Heman, na Timna ali ninkashi yaku Lotani. ²³ Mba ebali abana balalume baku Shobali; Alvan, Manahath, Ebal, Shepho na Onam. ²⁴ Mba ebali ebana balalume abaku Zibeon: Aiah na Anah. Ngu e Ana uwasangile akamfukumfuku ka menshi ayakabile mu matololo ulo ali kulisha impunda shakwe. ²⁵ Mba ebali ebana baku Anah: Dishoni na Oholibama, umwana mwanakashi waku Ana. ²⁶ Mba ebali ebana balalume baku Dishoni; Hemdan, Eshbani, Ithran, na Keran. ²⁷ Mba ebali ebana baku Ezer; Bilhan, Zaavan na Akan. ²⁸ Mba ebana balalume baku Dishani; Uz na Aran. ²⁹ Ulu lwali elupwa lwa bena Horites; Lotan, Shobal, Zibeon na Anah, ³⁰ Dishoni, Ezer, Dishani: ulu lwali elupwa lwa bena Horites, ukulingana no lupwa lwabo efilwatanteme mu mpanga ya Seir. ³¹ Mba ebali emfumu abatekele mu mu mpanga ya Edoni ulu mfumu nangu imo italatekapo pakati ka bana balalume abaku Isreali: ³² Bela umwana mwalalume uwaku Beori, atekele mu Edoni, neshina lya mushi waku ilyali ni Dinhabah. ³³ Ulo Bela afwile, elo Jobab umwana mwalalume waku Zerah waku Bozrah, kateka mwipunda lyakwe. ³⁴ Ulo Jabab afwile, Husham uwali wa mu mpanga yabena Temanites, kateka mwipunda lyakwe. ³⁵ Ulo Husham afwile, Hadadi umwana mwalalume waku Bedadi uwa cimfishe abena Midianites mu mpanda ya Moab, kateka mwipunda lyaku, ishina lya mushi lyali ni Avith. ³⁶ Ulo Haded afwile, Elo Samlah uwaku Masrekah atekele mwipunda lyakwe. ³⁷ Ulo Samlah afwile, elo Shaul waku Rehoboth kunika ewatekele mwipunda lyakwe. ³⁸ Ulo Shaul afwile, elo Baali - Hanan mwana malalume waku Akbori kateka mwipunda lyakwe. ³⁹ Ulo Baali - Hanan umwana mwalalume waku Akbori, afwile, elo Hadar atekele mwipunda lyaku. Ishina lya mushi wakwe lyali ni Pau. Ishina lya mukashi wakwe lyali ni Mehetabel, umwana mwanakashi waku Matred, umwishikulu umwanakashi uwakwa Me Zahab. ⁴⁰ Nga eyali emashina yantungulushi isha lupwa ishafylwe ukufuma mu bufyashi bwaku Esau, ukulingana no lupwa elo ne miputule yabo, mu mashina yashiko: Timna, Alvah, Jetheth, ⁴¹ Oholibamah, Elah, Pinon, ⁴² Kenaz, Teman, Mibzar, ⁴³ Magdiel, na Iram. Mba ebali kutungulula umukowa waku Eadom, ukulingana nomo baikele mu mpanga ishi bakwete. Ngu ali ni Esau, wishi wabena Edomu.