1 Yakobo naye kalole nshila yakwe, nabangeli bakwa Lesa kabamukumanya. 2 Ulo Yakobo ababwene, kalabila, "ngu emutanda waku Lesa." Kanshi kainika ishina njilya ncende Muhanaim. 3 Yakobo katangisha kuntanshi bakapaso mukukumanya wakwe Esau mu mpanga ya ku Seir, mu muputule wa Edom. 4 Kabakonkobesha, ukwebati, "mfi efi mukalabile kuli shikulu Esau: Mfi efi umubomfi obe Yakobo alabila: Nalikwikala na Labani, nakambi efi nashingashingila ukubwelelamo ukufuka nanduno. 5 Ndikwete ngombe ne mpunda, ne fitekwa nafimbi, abakobomba abalalume, nabakobomba abanakashi. Natuma nga mashiwi kuli shikulu, pakwebati ningasanga ukusekelela mumenso yobe."" 6 Ba kapaso kababwelelamo kuli Yakobo no kulabila, "Twalile kumukwanu Esau. Akoisa mu kukumanya, nakambi abalalume imyanda shine ebo ali nabo." 7 Elo Yakobo kaumfyo mwenso no kufulunganishiwa. Emfi aabenye abantu mbo ali nabo mu fipani fibili, nakambi nefitekwa, na maombe ne ngamali. 8 Kalabila, "acakwebati Esau aisa kucipani cimo no kucisansa, kanshi icipani cimbi cingaya no kufyuka." 9 Yakobo kalabila, "Lesa wa bata ba Abraham, nakambi Lesa wa bata ba Isaki, Yawe, uwalabile kuli nebo, `Bwelela ku calo cobe naku bantu bobe, nakambi na kukulenga ukutumpuluka`, 10 nshilingilepo micitile yonse iya cipangano cacishinka no kucetekelwa konse mfi mwacita pa mubomfi wenu. Pantu kunkoto yanji lukoso eko nayabukile ngu Yolodani, nakambi naba fipani fibili. 11 Napapata mumpokololeko kufuma muminwe ya mukwasu, ukufuma muminwe yakwa Esau, pantu nkomutina, ukwebati akwisa mu kunsansa naba nyinabo na bana. 12 Nomba kamulabila ukwebati, "necakacine nakukulenga ukutumpuluka. Nakulenga ubufyashi bobe ukuba kubati mucanga wa kubemba, uutanga pendwa mumpedwa waiko."" 13 Yakobo kaikala mpalya mbulya bushiku. Kasenda fimbi ifi ali nafyo nge cabupe kuli Esau, umukwabo: 14 Imbushi shanakashi imyanda ibili naba peepe amakumi yabili, impanga ishanakashi imyanda ibili neshalalume amakumi yabili. 15 Ingamali amakumi yatatu ishikoonsha no twana twashiko, igo`mbe amakumi yane naba bulupo ikumi, impunda ishanakashi amakumi yabili ne mpunda ishalalume ikumi limo. 16 Mfi, efyo apele mu minwe yababomfi bakwe, cila mukuni palwa uko. Kalabila ku babomfi bakwe, tangileni kuntanshi yandi no kushe ncenda pali cila mukuni." 17 Kalangilila umubomfi wakwe uwakutampilapo ukulabila ukwebati, "Ulo Esau umukwasu akukumanya nokukwipusha, ukulabila ukwebati, "muli bakwani? nipi mukoya? ninama shabani nshi ishili kuntanshi yobe?" 18 Elo akulabila,`fya mubomfi obe Yakobo, fya bupe ifituminwe kuli shikulu Esau. Boneni, akoisa naye ali panuma yesu". 19 Yakobo naye kalangilila ibumba lya cibili, ilya butatu, na bonse abalalume ablikukonka imikuni, kalabila, "mukalabile ifintu fimo fyenka kuli Esau ulo akumukumanya. 20 Mukabikepo nokwebati, "umubomfi obe Yakobo akoisa ali panuma yesu."" Pantu katontonkanye, "Na kumusekesha nefya bupe ifi nkotagisha ukumutumina. Elo panuma, ulo twakubonana, pambi akumpokelela." 21 Efi fyabupe kafitangila kuntanshi yakwe. Ye mbulya bushiku kashalilila pa mutanda. 22 Yakobo kabuka munshita yabushiku, no kusenda abakashi bakwe babili, ababomfi bakwe babili abanakashi, nabana bakwe abalalume ikumi na umo. Kabatuma ukwabukila pa cabu ca Yaboki. 23 Mulinji nshila emo abatumine ukwabuka akamana nafyonse ifikwatwa fyakwe. 24 Yakobo kabamusha enka, no mwalalume kashomboka naye mpaka kumaca. 25 Ulo umwalalume abwene ukwebati, tekutipo amucimfyepo, kapama palutungu lwakwe Yakobo, no lutungu lwakwa Yakobo kalufyutuka ulo ali kushomboka naye. 26 Umwalalume kalabila, "ndekako ndokuya, pantu bwaya mukuca,". Yakobo kalabila, "Nshakulekepo ukwebati ulo koya sembi umpale," 27 Umwalalume kalabila kuli ye, "ishina lyobe niwe nani?" Yakobo kalabila, "Yakobo." Umwalalume kalabila, "Ishina lyobe talyaketwepo nakambi Yakobo, kano Isreali. 28 Pantu wasa kushya - shayala na Lesa nakambi na balalume nakambi ulicimfishe." 29 Yakobo kamwipusha, "napapata njebe shina lyobe." Kalabila, "nindo ikolenga ukunjipushe shina lyanji?" Efi amupalile nkulya. 30 Yakobo kainika njilya ncende Peniel pantu kalabila, "nabona Lesa amenso na menso, no mweo wandi walubulwa." 31 Akasuba kakatwalilila pali Yakobo ulo ali kupita pa Peniel. Ali kusunta pa mulandu wa lutungu. 32 Emulandu wakwebati ukufika nakulinkano kasuba abantu baku Isreali tabalilapo iminofu yacingilila ulutungu ulwa bela mpalya apa kumanina intungu, pantu umwalalume kacena iminofu ulo intungu yakwa Yakobo yatelele.