¹ Ulo Rakelo abwene ati tafyalilepo Yakobo umwana, Rakelo kalokumfwila nkashi munakwe akaso. Kaeba Yakobo ati, "Mpela abana, ngateifyo nkofwa." ² Ubukali bwaku Yakobo kabwimina Rakelo. Ye kalabila ati, "Bushe ninebo Lesa uukutanine abana?" ³ Kalabila ati, "Bona, epali umusha wandi Bilha. Kabiye ulale nakwe, ukweba ati engafyala abana pa makufi yandi, nande nkwate abana muli ye." ⁴ Efi ye amupele umusha wakwe Bilha ukuba umukashi. Na Yakobo kalala na ye. ⁵ Bilha kaimita no kufyalila Yakobo umwana. ⁶ Elo Rakelo alabile ati, "Lesa ampingula, nakambi alyumfwile ishiwi lyandi no kumpela umwana." Pa mulandu wa nci kamwinika ati Dani. ⁷ Bilha, umusha wakwa Rakelo, kaimita nakabili no kufyalila Yakobo umwana wa cibili. ⁸ Rakelo kalabila ati, "Ni mukutintana ukukulu emo ntintene na nkashi inandi nande ndicimfishe." Ye kamwinika ishina ati, Naphtali. ⁹ Ulo Lea abwene ati aleka ukukwata abana, kabula Silpa, umusha wakwe, no kumupela kuli Yakobo nga umukashi. ¹⁰ Silpa, umusha wakwa Lea, kafyalila Yakobo umwana. ¹¹ Lea kalabila ati, "Uku kushuka!" efi amwinikile ishina ati Gadi. ¹² Elo Zilpa, umusha wakwa Lea, kafyalila Yakobo umwana wa cibili. ¹³ Lea kalabila ati, "Natemwa! Pantu abana banakashi bakunjita uwatemwa." Efi amwinikile ishina ati Asheri. ¹⁴ Rubeni kayako mu nshiku sha kusombola ingano no kusanga mandrakes mu mpanga. Kaleta kuli inyina Lea. Elo Rakelo alabile kuli Lea ati, "Mpelako mandrakes wa mwana obe." ¹⁵ Lea kamweba ati, "Bushe cinono kuli, ukweba ati ulimpokele umulume? Bushe nakambi waisa mukupoka mandrakes wa mwana wandi nayo?" Rakelo kalabila ati, "Kanshi akolala nobe lelo, palwa manndrakes wa mwana obe." ¹⁶ Yakobo kabwela mu mpanga mu cungulo. Lea kaya mukumukumanya no kulabila ati, "Ulingile ukwisa kuli nebo, pantu nakwita na mandrakes wa mwana wandi." Efi Yakobo alele na Lea mbulya bushiku. ¹⁷ Lesa kaumfwa kuli Lea, naye kaimita no kufyalila Yakobo umwana wa busano. ¹⁸ Lea kalabila ati, "Lesa ampa amalipilo yandi, pantu kampela umusha wandi ku mulume wandi.'" Kamwinika ishina ati Isakari. ¹⁹ Lea kaimita nakabili no kufyalila Yakobo umwana wakulenga mutanda. ²⁰ Lesa kalabila ati, "Lesa ampela ubupe ubuweme. Nomba umulume wandi alokuncindika, pantu namufyalila abana mutanda."Kamwinika ishina ati Zebuluni. ²¹ Napanuma kafyala umwanakashi no kumwinika ishina Dina. ²² Lesa kaibukisha Rakelo no ku mumfwa. Ye kamwafwa ukwimita. ²³ Kaimita no kufyala umwana. Kalabila ati, "Lesa apinta insoni shandi." ²⁴ Kamwinika ishina ati Yosefe, kaeba ati, "Yahweh andundilapo umwana naumbi." ²⁵ Panuma Rakelo afyele Yosefe, Yakobo kaeba Labani ati, "Leka ndokuya, ukweba ati mbwelele kwesu nakambi ku calo candi. ²⁶ Mpela abakashi bandi na bana bandi abo na bombela, nakambi leka ndokuya, pantu ulishibile ifinakubombela." ²⁷ Labani kamweba ati, "Kani nomba ndisangile uluse menso yobe, pembela, pantu ndishibile pakumfya umupashi ukweba ati Yahweh ali mpalile pa mulandu obe." ²⁸ Elo amwebele ati, "Lumbula amalipilo yobe, nande nkolipila." ²⁹ Yakobo kalabila kuli ye ati, Ulishibile ifi nakubombela, nefi inama shobe shaikele kuli nebo. ³⁰ Pantu wakwete likoso ishinono ninshi nshingaisa, nasho nomba shilifulishe. Yahweh ali kupaalile konse uko nabombele. Nomba ni lwisa nande nakubombelapo abamu nanda yandi?" ³¹ Efi Labani aebele ati, "Nindo nkokulipila?" Yakobo kalabila ati, "Umpelapo nangu cimo. kani wacite fyo kuli nebo, nakabili nalokulisha amatanga yobe no kuyasunga. ³² Ndeka ngendaukemo mu matanga yobe lelo, mfumyemo shonse impaanga ishili ne fisemba na mantonintoni, ne shifitile shonse pa mpaanga, ne mbushi ishili ne fisemba na mantonintoni. Mfi e fyakuba amalipilo yandi ³³ Bu cishinka bwandi bwakundabililako ku ntanshi, ulo wakwisa mukubona pa malipilo yandi. Yonse iitakwetepo ifisemba na mantonintoni pa mbushi, ne shitapo shifitile pa mpaanga, kani imbi yasangwa kuli nebo, yakwebwa ati yakwiba." ³⁴ Labani kalabila ati, "Nasumina. leka cibe fyenke fiwalabila." ³⁵ Nkalya kasuba Labani kafumyamo shonse mbushi ishalalume ishakwete imishilwa na mantonintoni, ne mbushi ishanakashi ishali ne fisemba na mantonintoni, na yonse iyo iyakwetemo ifitubile, ne shifitile shonse pa mpaanga, no kushipela mu minwe ya bana bakwe. ³⁶ Labani kafumapo ubulendo bwa nshiku shitatu pakati kakwe na Yakobo. Efi Yakobo atwalilile ukucema amatanga yakwa Labani. ³⁷ Yakobo kabula ifyembya ifitontwele ifya poplar, na alimond ne citi ca muarmone, no kusukulamo imishilwa, ukucita iciti icitubile icamukati ukuboneka. ³⁸ Elo abikile amembya ayo asukwile pa ntanshi ya matanga, pa ntanshi ya fyakunwenamo uko shalokunwena. kashilokwimita ulo shalokwisa mukunwa. ³⁹ Amatanga kayalo kusampa kuli yayo membya; na matanga kayalo kufyala utwana utwa mishilwa, ifisemba, na mantonintoni. ⁴⁰ Yakobo kapatulula ntu twana twa mpaanga, lelo kacita ishashala ukulolesha ku nama sha mishilwa ne mpaanga ishifitile mwi tanga lya kwa Labani. Elo apatwile itanga lyakwe lyenka nakambi tashisankenyepo pamo ne tanga lyakwa Labani. ⁴¹ Lonse ulo ishikosele pa mpaanga sha pe tanga shalo kusampa, Yakobo kalokubika amembya umwakunwena kuntanshiya matanga, ukweba ati shilokwimita muli yayo membya. ⁴² Lelo ulo inama ishilemene shaisa, talokubikako amembya pa ntanshi yashiko. Inama ishilemene kashiba shakwa Labani ne shikosele shakwa Yakobo. ⁴³ Uyu muntu kalunduluka sana. Kakwata amatanga ayakulu, abasha banakashi na basha balalume, ingamali ne mpuunda.