¹ Nomba insoka kaiba iikengele ukucila pa fya mu mpanga fimbi ifi Yahweh Lesa apangile. Yo kayeba umwanakashi ati, "Bushe Lesa alabile ati, 'Mulokulyako ku citi conse ica mwibala'?" ² Umwanakashi ka asuka insoka ati, "Tungalya ifitwalo fya ku fiti fya mwibala, ³ lelo ku citi icili pakati ke ke bala, Lesa aebele ati, "Mukalyako, pantu ulu mwakulyako, mwakufwa.'" ⁴ Insoka kayeba umwanakashi ati, "Tamwakafwepo. ⁵ Pantu Lesa alishibile ati ubushiku mwakulyako amenso yenu yakwisuka, nakambi mwakuba kubati ni Lesa, abeshibile ubune no bubi." ⁶ Ulo umwanakashi abwene ati iciti cali iciweme ukulyako, nakambi calokuboneka bwino, kaswako fimo ku fitwalo fyaciko kalya. Kapelako fimbi ku mulume wakwe uu ali nakwe, naye kalya. ⁷ Amenso yabo bonse babili kayesuka, nakambi kabeshiba ati tabafwelepo. Kababilanya amabula ya mukuyu no kuifimba. ⁸ Kabomfwa imishinshi yaku Yahweh Lesa akoenda mwi bala ulo akasuba kanakile, eco umuntu no mukashi wakwe kabafisama ku cinso caku Yahweh Lesa mu fiti fya mwibala. ⁹ Yahweh Lesa kaita umwalalume no kumweba ati,"Uli pi?" ¹⁰ Umwalalume kalabila ati, "Ndyumfwile imishinshi yenu mwi bala, nande nasakutina, pantu nshasamukufwelepo. Efi nebo mfisamine." ¹¹ Lesa kalabila ati, "Ninani akwebele ati taufwelepo? Bushe ulilile ku citi ici nakwebele ati ukalyako?" ¹² Umwalalume kalabila ati, "Umwanakashi uumwampele ukuba nakwe, eumpeleko ifitwalo fya ku citi, nande nalya." ¹³ Yahweh Lesa kalabila ku mwanakashi ati, "Endo iyi wacita?" Umwanakashi kalabila ati, "Insoka eimbepele, nande nalya." ¹⁴ Yahweh Lesa kalabila ku nsoka ati, "Pantu wacita mfi, watipwa we wenka pa fitekwa fyonse na pa nama shonse isha mpanga. walokwendela pa kafumo kobe, nakambi walokulya ulukungu inshiku shonse isha mweo obe. ¹⁵ Nkobika no bulwani pakati bana bobe na bana bakwe. Balo kukupama ku mutwi nawe, nawe walo kubapama ku fitende." ¹⁶ Ku mwanakashi kalabila ati, "Nakufusha ukucula kobe pa kupapa abana; mu kucula emo walo kupapila abana. Walokufunga enka umulume obe, lelo ye alokukuteka." ¹⁷ Kuli Adam kalabila ati, "Pantu waumfwa kwi shiwi lya mukashi obe, nakambi walya ku citi, icinakukenya, naebele nati, 'Ukalyako,' watipwa umushili pa mulandu obe; walokubombesha pa kulya ifilyo fya mu mushili shonse nshiku isha mweo obe. ¹⁸ Walokukumesesha imyunga nefya kukulasa, nakambi walo kulya ifimena mu mpanga. ¹⁹ Mukupiba icibe emo walo kubwena icilyo, mpaka ukabwelele ku mushili, pantu eko wapangilwe. Pantu uli lukungu, naku lukungu eko wakubwelela." ²⁰ Umuntu kainika umukashi wakwe ishina ati Eva pantu ye e nyina wa ba mweo bonse. ²¹ Yahweh Lesa kabilila Adam no mukashi wakwe ifyakufwala fya mpapa no kubafwika. ²² Yahweh Lesa kalabila ati, "Nomba umuntu aba kubati wa pali fwe, uwishibile ubune no bubi. Eco takofwaikwapo ukutambika ukuboko kwakwe, no kubulako ku citi ca mweo, ukulyako, no kwikalilila." ²³ Efi Yahweh Lesa amutamfishe kunse ye bala lya Edeni, mukulima umushili uko apangilwe. ²⁴ Efi Lesa atwele umuntu kunse ya Edeni, nakambi kabika ba kerubi ku mutulesuba we bala lya Edeni, no lupanga uluko aka ulwalokwalukila monse monse, ukucingilila inshila ya ku citi ca mweo.