¹ Cali kwebati panuma ya mfi fintu Lesa aeseshe Abraham. Kalabila kuli ye, "Abraham!" Abraham ayebele , "ndimpano". ² Nomba Lesa kaeba, "senda umwana obe, umwana umo lukoso, uoo watemwa, Isaac, no kuya ku calo ca Moriah. Upele ye nge lambo nkulya, ilya koca pali lumo ulwa pa mpili nshilya ulo nakukweba". ³ Elo Abraham alapukile ku macaca, kaikala pa mpunda, no kupita abaice abalumbwana nokuya nabo, peka pamo na Isaac umwana wakwe. Kaputaula nenkuni shakocele lambo, nakambi kateyanya ulwendo lwakuya nko Lesa amwebele. ⁴ Pa bwalenga shitatu Abraham abwene ncende apalepele. ⁵ Abraham kalabila kubalumbwana bakwe, "Mwikale mpano ne mpunda, nande no mwaice twaya nkulya. Tukoya mukushinshimuna nakambi tukobwela kuli mwe." ⁶ Elo nomba Abraham kabula nenkuni sha kocele lambo no kutwika Isaac umwana wakwe. Apitile mu minwe yakwe umulilo no lubeshi, nakambi kabaya babili ca pamo. ⁷ Isaac kalabila kuli Abraham wishi nakambi kasosa, "mwe bata", nakambi kasosa, ndimpano, we mwana wandi", kalabila, "bona umulilo nenkuni, nomba ilipi mbelele ya kocela ilambo?. ⁸ Abraham kalabila, " Lesa umwine akotupa imbelele ya kocela ilambo, we mwana wandi," Elo batwalililepo ukuya, bonse babili capamo. ⁹ Ulo bafikile kuncende uko Lesa amwebele, Abraham kapanga icipailo nkulya kabikapo nenkuni pali co. Elo nomba kaka Isaac umwana wakwe, no kumubika pa cipailo, pamulu wankuni. ¹⁰ Abraham kafungulula ukuboko kwakwe no kubula ulubeshi ukwebati epaye umwana wakwe. ¹¹ Kanshi malaika wakwa Yahweh kaita kuli ye ukufuma mwiulu, no kulabila, "Abraham, Abraham!", nokulabila, "ndimpano." ¹² Kalabila, utambikapo kuboko kobe pa mulumendo, wicitapo nangu cimo nangu kucena, pantu nomba naishiba ukwebati ulatina Lesa, mukubona ukwebati taumwikatilepo mwana obe, umwana obe enka, ukufuma kuli ne". ¹³ Abraham elo aloleshe, mwiulu, nomba bona kunuma yakwe kwali umwana wambelele kalikakilwe mucimpukusa ku ma sengo. Abraham kaya kapinta umwana wa mbelele no kupa ilambo, ukucila umwana wakwe. ¹⁴ Nomba Abraham kaita njilye ncende, "Yahweh eupa, "nakambi casoswa pali mbu bushiku," pa lupili lwakwa Yahweh cakupelwa". ¹⁵ Abangeli ba ku Yahweh kabeta Abraham umuku walenga bubili mwiulu ¹⁶ no kulabila - nku, ekubilikisha kwakwa Yahweh`s palwendi neka ndilapile - ukwebati pantu wacita nci cintu, pantu tawikatilillepo umwana obe umwana umo enka. ¹⁷ Nkoshininkisha nkokupala nakufusha uluko kubati nintanda shamwiulu, nakambi ngo mucencenga uuli mumbali ya bemba, no luko lobe bakapoka apagwingilila abalwani babo. ¹⁸ Ukupitila mubufyashi bobe bonse abapacalo bakupalwa, pantu ulyumfwilile ishiwi lyandi" ¹⁹ Nomba Abraham kabwelela kubalumendo bakwe, elo kababwelela bonse ku Beersheba, nakambi kaikala ku Beersheba. ²⁰ Cakwebati panuma yamfi fintu Abraham kabamweba ukwebati, "Milkah alifyele abana, naye, kuli wenu Nahor." ²¹ Bali Uz umubele wakwe, Buz ndume yakwe, Kemuel wishi waku Aram, ²² Kessed, Hazo, Pildash, Jidlaph ukubikapo na Bethuel. ²³ Bethuel aishile kuba wishi wakwa Rebekah. Mbalaya bana cine konse - konse ebo afyele kuli Nahor, wabo waku Abraham. ²⁴ Nakanakashi wakwe ishina lyakwe lyali ni Reumah, nakambi afyele Tashash, na Maacah.