¹ Abraham kayenda ukufuma nkulya nokuya kumpanga yaku Negav, nakambi kaikala pakati kaku kadeshi na Shur. Kali mwina fyalo uwali kwikala mu Gerar. ² Abraham kalabila pa mulandu waku Sarah umukashi wakwe, "ye ni nkashi yandi". ³ Na Abimelech imfumu ya ku Gerar kaita Sarah nokumubula ye. Nomba Lesa kaisa kuli Abimelech mu coshi mubushiku, no kulabila kuli ye, "bona, we uli muntu uufwile pa mulandu wa mwanakashi uumpitile pantu ye mukashi wa mwanalume umbi". ⁴ Nomba Abimelech tapalaminepo naye nakambi kalabila, "Mwe Mfumu, bushe mungepaya ne calo cilungeme?". ⁵ Bushe temwine enka alabile kuli ne ukwebati, "ninkashi yandi"?. Ndicitile nci ukulingana nobwishibilo bwa mutima wandi nakambi nabakaele ubwa minwe yandi." ⁶ Lesa kalabila kuli ye mu coshi, "Eee, nande ndishibile ukulingana nobwishibilo bwa mutima obe ico ucitile nci, kambi nande nalikusungilila ukubulo kubembuka kuli ne. Enco, tanshisuminishepo we ukwebati umwikatemo ye. ⁷ Enco, bwelesha umukashi wamwine, pantu ye ni kasesema. Akoya kupepela we, nawe ukoba no mweo. Na we nga tawamubweleshepo ye, wishibe we nambo bonse abobe mukofwa bonse." ⁸ Abimelech kabuka mu macha - cha nakambi kaita nababomfi bakwe ukwisa kuli ye. Kalabila fyonse mfi fintu kuli bo, nabalalume kabomfwo mwenso sana. ⁹ Nomba Abimelech kaita Abraham no kulabila kuli ye, "findo wacita kuli fwe?. Nindo nabembuka kuli we, namfi waleta apali ne napa bufumu bwandi ulubembu ulukulu?, wacita nci kuli nebo ico taulingilepo ukucita". ¹⁰ Abimelech kalabila kuli Abraham, "nindo yacilenga we ukucita nci cintu kuli nebo"? ¹¹ Abraham kalabila, "pantu natontonkenye, "cishinka tamupo kutina kwa ku Lesa muli njino ncende, kambi bakonjipaya pa mulandu wa mukashi wandi". ¹² Icicililemo, ye cishinka ninkashi yandi, umwana waku bata, nomba mwana mwanakashipo waku ba ma, kambi kaisa kuba umukashi wandi. ¹³ Ulo Lesa kanenga nebo ukusha inanda yabata no kwenda ukufuma pa ncende nokuya pa ncende imbi, kandabila kuli ye, we unange ne bucishinka ngo mukashi wandi ku ncende konse uko twakuya, labila pacine, "nindume yandi."" ¹⁴ Elo Abimelech kapite mbelele ne ngòmbe, na basha abalalume nabanakashi, nakupela bo kuli Abraham. Kanshi kabweleshemo Sarah muka Abraham, kuli ye. ¹⁵ Abimelechi kalabila, " boneni, mpanga yandiiili pali we, ikala konse uko kotemwa wemwine." ¹⁶ Kuli Sarah kalabila kuli ye, "bona, nkopela indume yobe ikana lya Silvere, lya kufimba pa cilubo candi pali we mu menso yandi pali bonse mbo abali nane, nakambi napali ela umo, mwe muli aba pwililikile mu cishinka". ¹⁷ Nomba Abraham kapepa kuli Lesa, na Lesa kaposha Abimelechi, umukashi wakwe na basha bakwe abanakashi pakuti bengatampako ukukwata abana. ¹⁸ Pantu Yahweh kalenga bonse abanakashi abananda yaku Abimelechi ukwaluka ingumba, pamulandu wa ku Sarah, muka Abraham.