¹ Abafalise na basaduke baizile kuli Yesu mukumwenzya . Bamulamba kuri acitepo cimo cepezyamano cakulangizya kuti aba na leza. ² Yesu abasuka ati, '' lintu kwaba cungulo , ku mulu nga kwasweta , mulanda ati, '' Bukaca bwino. ³ Lucelo lwena , nga kumulu kwasweta , kwaba ne cikutuma, mutila , '' lelo kukoba cimwela. Mwaliziba kupilibula viboneka mulu, nomba mwavilwa kupilibula vizibilo vya yeno nsita. ⁴ Yeyi nkulo ibi kabili yaalungila Leza inkofwaya cizibilo cakupapusah, nomba tayaize kubona cizibilo yayi cakwa yona.'' Yesu abasha afumapo . ⁵ Elo basambi bayabukile kwisilya , kasi nisi balilabileko kupita mikate. ⁶ Yesu alandile kuli bena, '' Mulecenjela no kuyamukuisunga ku kututumuka kwa Bafalise na Basaduki .'' ⁷ Nabo epakulalazyana ati, '' Nico tatupitile mikate.'' ⁸ Yesu nao ico aizibile vintu balimukulanda abeba ati , '' mwe bantu bacisumilo cinini, vindo vintu mukouvwana , nico tatukwete mikate. ⁹ Bushe kasi na nomba tamulakutuluka ? Bushe tamulaiukishja ivyo nalisizye bantu makana na yasano ne mikate isano? Bushe mwaibuzizye misece zinga ku vipandwa vyasheleko? ¹⁰ Kabili nelyo nalisizye bantu makana yane ku mikate cine lubali , bushe mwaibwizya misece zinga ku vipandwa vyasheleko? ¹¹ Nga kasi cindo mutalakutulukila kuti te mikate nangyuya mukulandapo ? Kasi cenjeleni ku kututumuka kwa bafalise na basaduki!'' ¹² Elyo basambi bailuka kuri kututumukanyaya yayi , lelo ni kumafunde ya bafalise na basaduki. ¹³ Nomba lintu Yesu aizile mu calo mwabele musumba wa kesaila filipi . Aipusizye ba basambi bwakwe ati, '' Bushe abantu batila mwana wamuntu ninani? ¹⁴ Nabo bamwasuka ati, '' Bambi balanda ati ni Yoani kabatisha , bambi balanda ati ni Eliya , elyo bambi nabo ati ni Yeremia nangu umo pali bakasesema.'' ¹⁵ Yesu nao abafumba ati, '' Nga mwebo, mutila nine nani? '' ¹⁶ Elyo Simoni Petelo ayaswike ati , '' Nimwe kristu , mwana wakwa Leza wamweo.'' ¹⁷ yesu amwaswike nokumweba ati, '' Walishuka Simoni , mwana Yona , pantu teli muntu akusokolwela ceci, ni tata wa mu mulu . ¹⁸ Kasi nebo kokweba ati, niwe Petelo , nakambi paclibwe papa epo koiza kukula cilonganilo canji . Na maka ya mfwa tayaize kulucevya yayi. ¹⁹ Kakupa ne vyakwizwilaka vya bufumu bwa mu mulu . Conseve cintu bakanya pano calo, nisi naku mulu bakanya na conseve cintu wazumillizya pano calo nisi na mu mulu cazumiliziwa.'' ²⁰ Elyo akonkomezya basambi bakwe ati, '' Tecekwezya kwebako ko muntu nangu umo kuti nine kristu.'' ²¹ Kutulave lolyave, Yesu kulanfa ku basambi bakwe pabuta tuutu ati, '' Ndi pakuya ku Yerusalemu kutu bakalamba , basimapepo bacindami na kucuzya pakuli . ²² Bakoiza ku njipaya , lelo busiku bwalenga zitatu kabuka ku bafwa.'' ²³ Elyo Petelo amupita pambali alamukalipila ati, '' cece cena twco, we shikulu ! Awe yayi vevyo teti vikucitikile.'' Yesu apilibukla kuli Petelo nokumweba ati, ''fuma papa we satana we! unkocilikila inzila . Mitotonkanizizye yoe teyakwa Leza yabuntunseve.'' ²⁴ Elyo Yesu aebele basami bakwe ati, '' umuntu nga akofwya kuyamukukoka, akoikanya mwine , akopita no musalaba wakwe, elintu akonkoka. ²⁵ Pantu oyo onse afwaya kupususha mweo wakwe, akoiza kuulovya . lelo oyo onse alovya mweo wakwe pamulandu wanji akausanga. ²⁶ Bushe muntu kuti abonamo vindo , nga cakuti awina vyuma vyonse vya pacalo, elo aluvizyamo mweo wakwe? Nga cintu ndo muntu engapela cingalinga kusitwisja no mweo wakwe? ²⁷ Ala mwana wa muntu walaswa eze no kucindama kwaka wisi pamo na bamalaika bakwe pakwiza kumupela cilambu bonse kulingana nevyo bali mukucita. ²⁸ Ndemikokomezya , bamo pali mwebo mwe bemilile papano , tabaize kufwa mpaka bakasuka bakabona mwana wa muntu kutu akoiaa no bufumu bwakwe.''