¹ Elo bafalise na bakafundisha bamafunde bafumile ku Yerusalemu baizile kuli Yesu . Bamwipusizye ati, '' ² Nindo basambi bobe banamla tambi zyabakulu ? pantu tabasamba mwinwe zyabo lintu bakolya mukate.''' ³ Alibasukile nokutila kuli bena, '' Nanga mwebo nindo mupulila mu mafunde yakwa leza pa mulandu wa lutambi lwenu? ⁴ Leza asosa ati, cindika wiso na noko , kabili onse walanda vibi pali wisi nangu nyina afwakile kumwipaya. ⁵ lelo mutila uli onse wayeba wisi nangu nyina '' cilicose cakwa mvwa cintu mwinga pokelela kufuma kuli nebo nomba cabupe kufuma kuli Leza.'' ⁶ Uyo mutu talingile kucindika wisi muli yeyi zila mulonaula cebo cakwa Leza pamulandu tambi. ⁷ Mwe babumbimunda ! Cine cine Ezaya ausesemete pamulandu wenu lintu asosele, ⁸ 'Baba bantu bacindikave pa milomo zyabo, lelo mitima zyabo zyalitaluka kufuma kuli nebo. ⁹ Baicuzyave pakumpepa na mafunde bafunda, mafunde ya bantuve!'' ¹⁰ Kabili Yesu cita cintu bwinji akolyeba ati, '' umvwen kabili mumvwishe- ¹¹ Tapali cingila mukanwa kamuntu cikowezya muntu. Lelo cifuma mukanwa , ceci eci kowezya muntu. '' ¹² Elyo basambi baizile na kulanda kuli yesu, ''Namwiziba ati ba Falise nabafulwa pavyo ulandile?'' ¹³ Yesu abasukile ati,'' Bata ba mu mulu akoiza kuzyula citi conse atalimbile. ¹⁴ Balekeni beeka, ni mpofu nga yatungulula impofu zinakwe ninsi zyonse kuti zyaponela mu cilindi .'' ¹⁵ Elyo Petelo ayasukile nokutila kuli Yesu , tulondolweleko yoyu mulumbe. ¹⁶ Yesu abasuka ati, '' bushe kasi na mwebo tamukutuluka? ¹⁷ Tamwaiziba kuti conse caingila ku kanwa cipita mumala , lintu caiza fumila kunze ? ¹⁸ Lelo vintu vifuma mu kanwa , vifuma mu mutima . Navevi vintu evikowezya muntu . ¹⁹ Pantu ni mu mutima , emufuma vyakutotokanya vibi vili nga misoka , lubembu bucilende, bupulumusi , bukambone bwabufi na musaluila. ²⁰ Vevi evikowezya muntu , lelo kulya kwambula kusamba kuminwe tacikowezya muntu . ²¹ Elo Yesu afumilepo kabili cile ku cende ca turi na Sidoni. ²² Panuma umwanakazi mwina kenani , aizile kuli Yesu akobilikizya nokutila, '' mbeleleni luse nebo, shikulu , mwana Davidi mwana wanji mwanakazi mupasi wakolewla ulamucuzya.'' ²³ Lelo yesu tamwasukile yayi, Elyo basambi baizile na kumupapata , ukutila, '' mwebe okuya, pantu akotukoka , akotunpanga congo .'' ²⁴ Yesu ayasukile ati, '' Nebo natwamwave ku mbelele zyaluba mu bena Isileali.'' ²⁵ Mwanakazi nao aiza kufukama pali Yesu ati, '' we mfumu ngafwako .'' ²⁶ Yesu ayasukile nokutila, '' Tacilingile kubula cakulya ca bana no kupozela imbwa.'' ²⁷ Mwanakazi ayasukile ati, ''Ee kwena ni evyove , lelo ne mbwa zine nazyo zilalyako vumvwa zipona kwi tebulo lyakwa shikulu waziko.'' ²⁸ Elo Yesu ayasukile nokutila , '' we mayo cisumilo cobe camaka, kacicikite momove ukofwaila.'' pasita yeyove no mwana wawe apola. ²⁹ Yesu afumileko aile akokoka lulamba lwa bemba wa Galileya . Elo aninile lupili epo aikele . ³⁰ Cintu bwinji caizile kuli Yesu pantu ali bakoleta vilema, mpofu , vilema , bacibulu na bambi benji bamalwele yapusana pusana Bakobabika pali Yesu nao akobapozya. ³¹ Bantu pakubona kutu bacibulu bakolanda, vilemna vikoenda , ne mpofu zikoboma balapapa, balalumbanya na Leza wa bena Isileali. ³² Kabili Yesu atilile basambi bakwe akobeba ati, '' Nalanguluikila bantu , nomba twaikala nabo siku Zyaba zitatu , elo ne vyakulya tabakwete . Ae sikofwaya kuti babwelelamo ne zala, epali bafwa uluzile mu zila.'' ³³ Basambi bakwe bamweba ati, '' Nanga muno mu cende twadfunga kwani mikate yakuti twalizya cintibwinji ceci? '' ³⁴ Yesu abepusizye ati, ''mukwetepo mikate inga?'' Nabo bayasuka ati , ''palive ili cine lubali no tunswi tunini.'' ³⁵ Elyo Yesu aeba cintubwinji ukwikala pasi, ³⁶ Kabili abuula mikate cine lubali no tunswi atasha leza. Elyo nkotaula , apeela na basambi, basambi nabo bakopela bantu. ³⁷ Awe bonse balys no kwikulta baikuta . Elyo kolonganika vipandwa vyassheleko baibuzya misece cine lubali . ³⁸ Kasi balileko bali banalume makana yane kwabula kupendelako bannakazi na baice . ³⁹ Elyo yesu ati asalangana cintu bwinji , aingila magadani.