¹ Elyo papitile nsiku muta nda ,yesu apitile petele na yakobo na yowane,muwakwe baile kunina lupili lutali kwakuti babeve beka . ² Elyo yesu aaluka pamenso abo.mpumi yakwe yatampa kubakama nge kazuba.Ne nsalu zyakwe zyaaluka zya amba kubeka nelubuto. ³ Awe papalyave babona moze na eliya bakolanda na yesu. ⁴ Elyo petlo aebo yesu ati,''we mfumu,kuti cawama twaikala papa nove,Nga uukofwaya kuti twapangapo nsakwe zitatu,imo yobe imbi yakwa moze,elyo imbi yakwa eliya. ⁵ Elyo petlo acili akolanda,awe kumbi lyabeka lyavimbilizya mucinzingwa.Elyo ziwi lyafumamwikumbi ati,''woyu emwama wanji no natemwa,uo nsekelamomukumumvila. ⁶ Lolya basambi baumvwa efi,bapona pansi bwivuneme ku mulandu wa kwikatwa nemwezo. ⁷ Elyo yesu aiza kuntu bali.abakunga abeba ati,''imeni mwitina .'' ⁸ Awe bati benule menso,tababwene nangu umo,kanove yesu eka. ⁹ Elyo balikutentemuka lupili,yesu akobakonkomezya ati,''Tecakwezya kweba muntu nangu umo.pavyo mwangubona,kanove lintu mwana wamuntu akoza kubuka ku bafwa. ¹⁰ Elyo basambi baipusha yesu ati,''Nanga lelo bakafundisha bamafune ba sosele ati,''Eliya euli nekubalilapo kwiza cindo? ¹¹ Yesu abasuka ati,''Kwena evyove.Eliya ali nekwiza kubo kuti vyonse vilive ngemo vifwile kubela. ¹² Lelo nkomweba nati,Eliya aliza kale.nomba bantu yabamwizibile awe.Bena bamucitile mo balikufwaila.Evyo bakoza kucuzya ne mwana wa muntu. ¹³ Elyo basambi bailuka kuti,ni pali yowani kanatisha epo yesu alikulanda. ¹⁴ Yesu ne basambi babalya batatu, babwelela kucintu bwinji,Elyo kwaizee muntu umo,aizile kufukama pali yesu,amweba ati , ¹⁵ ''We mfumu,langulukilako mwana wanji.Alipena,nekambi acula saana mikuve inji akoponela mu mulilo,nangu mu menzi. ¹⁶ Nomba muleta ku basambi bobe,nomba bavilwa kumupozya. ¹⁷ Yesu epakwasuka ati,''mwe nkulo yabula cisumilo,yaumalala mitima!Bushe ndi nekuba nenu mpaka lilali?leteni kamulumbwana kokuno. ¹⁸ Elyo yesu akalipila mupasi wakowela.Awe nao wafuma mu kamulumbwana,nako kapola papove. ¹⁹ Elyo basambi baize kuli yesu,namwipusha kumbali bati nga fwebo nindo twanguvililwa kuutamfya? ²⁰ Yesu abasuka ati,//Nico muli ba cisumilo cinini.Nkomweba cisinka,amuba necisumilo ngekambuto ka kulubanga,nga kuti mwaebe lupili ati,fuma papa selela koko,nalo kuti lwasela.teti kube nangu cimo ico mwingavilwa. ²¹ Nomba teti mutamfye ciwa caku wayu musango,kamove kumapepo nekunga kulya. ²² Elyo yesu ne basambi bali pamo mu Galileya,elyo yesu abeba ati,''mwana wamuntu kapozwa mu minwe ya bantu. ²³ Bakamwipaya elyo busiku bwalenga zitatu akoza kubuka kubafwa,Awe basambi baikalave cifundo cifundo. ²⁴ Lolya yesu ne basambi bakwe bafikile mu musumba wa kapenamu,bakasonkesha wamisonko ya mwi tempele baizile kuli petelo,ba amba kumwipusha bati,''Bushe kafundisha wene ena tazonkamuzonko we tempele?'' ²⁵ Petelo abasuka ati,''Alazonka''Elyo petelo ainjila munanda ati,''simoni,iwe ukotipo shani?Bushe mfumu zya pamo calo ni kuli banani zipoka muzonko ne mutuulo?Bushe niku bana baziko nangu niku bantuve?. ²⁶ Petelo asuka ati,''Niku bafuve.''yesu amweba ati,''kansi bona bamene tabali nakuzonka. ²⁷ Nomba te mulandu,pakuti twileka baba bantu bafulwe,iwe ukoza kuya kuli bemba.inwsi ukoya kubalilapo kuloba ulicenamule kanwa,ukoya kusangamo ndalama ilingene ne musonko wa mwi tempele,uye ubuule,ubapeele,usonkeleko me nawemwine kuno.