¹ Yobo wabwekeshapo ukusosa nokulanda, ² "Yangu, kanshi ngefyo nali imyeshi yafumako ulo Lesa wansakamene, ³ Ulo inyuli yakwe yabali kule pa mutwe wandi, kabili ulo naendele no lubuto lwakwe mu mfimfi. ⁴ Yangu kanshi ngandi ngefyo nali munshiku shakusombola kwandi ulo icibusa cakwa Lesa cali pe tenti lyandi. ⁵ Ulofye uwamaka yonse wali nandi nabana bandi balinshingulukile. ⁶ Ulo inshila yandi yafimbilwe no mukaka wakutikama, nelibwe lyalinoli tulwilile utumilonga twa mafuta! ⁷ Ulo naile pampongolo yamusumba ulo naile muncende ya musumba pakalangami, ⁸ abalumendo balimbwene kabili balitalukile kuli ne mumucinshi, kabili abantu abakulu balimine nokunjimininako. ⁹ Abana bamfumu abanakashi bali lekele ukulanda ulo naishile; balitambalikele amaboko yabo pa tunwa twabo. ¹⁰ Amashiwi yabantu abacindama yali tondolo, ne ndimishabo shalikambatile kumulu ya tunwa twabo. ¹¹ pantu panuma amatwi yabo yangufwa nga bali mpalile; panuma yamenso yabo ukumbona, ngabalipele ubunte kuli ne noku nshinina. ¹² pantu nali puswishe umo uwali uwa umulanda ulo wakutile, kabili umo uutakwete wishi ulo takwete nangu umo uwakumwafwa. ¹³ Ipalo lyawali mukonaika lyali shile pali ne; Nali lengele umutima wakwa mukamfwilwa ukule kwimba nensansa. ¹⁴ Nafwala ubulungami nabo bwamfwala umulinganya wali ngo mwingila ne citebo. ¹⁵ Nali amenso kumpofu; nali amakasa kubacema. ¹⁶ Nali wishi kubantu ababusu; Nali kubebeta nomulandu wa umo uyo ntalikwishiba. ¹⁷ Nali tobawile insekete ya muntu uutalungama; Nalikakalwile uwamilandu ukufuma pakati kameno yakwe. ¹⁸ Elo nalandile,'Nkafwila pacisala candi; Nkafusha inshiku shandi ngeske shamicanga. ¹⁹ Imishila yandi ilisalanganine ku menshi, nomume ukoima ubushiku bonse pamisambo. Ubushiku bonse pamisambo yandi. ²⁰ Ubucindumi muli ne tabupwa, nobuta bwamaka yandi bupya mukuboko kwandi lyonse.'' ²¹ Abantu bali kutikile kuli ne; bali nindile; bali kele tondolo kukufwa ici koseleshi candi. ²² Ulo napwishishe amashiwi yandi, tabasoselepo nakambi; ukulanda kwandi kwaponene nga menshi pali bo. ²³ Balikuninda lyonse ngefyo bali kulinda mfula; balyasamwine utunwa twabo kukunwa amashiwi yandi, ngefyo bengacita kumfula yaku tekelesha. ²⁴ Nali bamwentwilile ulo tabali kwenekela tabakene ulubuto lwa cinso candi. ²⁵ Nalisalile inshila yabo nokwikala nge mfumu yabo nalikelle nge mfumu mufita fyakwe, nga umo katalalika waba kulosha.