¹ Nomba abo abaice pali ne tabakwete cimbi kanofye ukulampunya- aba baume banono abo bawishi bali nokukanya ukubombela pamo ne mbwa shandi. ² Mu cinefye, amaka ya maboko yaba shibo, musango nshi yali no kwafwa nebo- abaume abo akaka ya nshiku shabo yashilila? ³ Bo bayondele ukufuma ku cipowe naku nsala; balikushikitika panshi mu mfimfi yama wanga ne cimfulumfulu. ⁴ Bo balikusaba amabulayafya mucele na mabula ya mpanga; imkishila ya fimuti ya misama efyo balikulya. ⁵ Bo batamfiwilwe ukufuma mu bantu bali kubapandilila ngo kupindilila kwa mupupu. ⁶ Eco baikele mu mikonko ya mumana, mu fimpokompoko fye sonde na mu cengo shamabwe. ⁷ Mu cimpukusa balikulila kubati ni mpunda ba kolongene pamo mwisamba lya cikololo. ⁸ Bali bana baume baba welewele, cinefye, bana baume ba bantu babula mashina! Bo balibatamfishe pa mpanga ne fyembya. ⁹ Lelo namba nsangukile icakwimba mu lwimbo; Nsangukile icakulandapo kulibo. ¹⁰ Bo bansangwile icabunani no kutalukako kuli ne; tabaleka ukusakila amate pa cinso candi. ¹¹ Pakuti Lesa aliputawile ulunshingwa ku mumfwi wandi no kuncusha, nabo abancusha babika ubucushi ku cinso candi. ¹² Ku kulyo kwandi kwafuma abanjimina; bantamfya noku bikamo imputa ukucilikila. ¹³ Bo baonaula inshila yandi; babiko ubucushi kuli ne, abaume abashikwete wa kubabwesesha kunuma. ¹⁴ Banjimina kuba ati bashilika bakopita mu cipunda cikulu ica cibumba wa musumba mu bonaushi emo bakonkulukila paline, ¹⁵ Ba cisanguka balukila pali ne; umucinshi wandi wafumapo ngo mwela; ukushuka kwandi kwapita nnge kumbi. ¹⁶ Nomba ubumi bwandi bukofuma mukati kaine; inshiku shakucula shilifulile pali ne. ¹⁷ Mu bushiku amafupa yandi yalilashilwe muli ne; ukukalipwa ukwaba pali ne takupwa. ¹⁸ Amaka yakwa Lesa yalicilikile imifwalile yandi; cili pombele nge cisalu icitali. ¹⁹ Wo uli posele mu matipa; nsangukile ngo lukungu ne mitoyi. ²⁰ Nkolila kili we, Lesa, lelo taukongasuka; Naiminina, ukuloleshafye pali ne. ²¹ Uli pilibukile no kuba inkashi pali ne; ku maka ya kuboko kobe unkocusha. ²² Ulinjimishishe ku mwela kabili uliengele wa nsenda; Umposelemo na kabili ifyofine mu cipupu. ²³ Pakuti ndishibile ukondeta ku mfwa ku nganda yasontelwa aba mweo bonse. ²⁴ Kwena, takuba nangu umo utambika ukuboko ku mafya ulo awa? Bushe takuli nangu umo uli mu bwafya akuta kuku mwafwa? ²⁵ Bushe shalilile wo uwali mu bwafya? Bushe shakungumene pa muntu wali kukabila? ²⁶ Ulo nasubile ubusuma, ububi ebwaishile; ulo nalikulolela ulubuto, imfimfi ishilepo. ²⁷ Umutima wandi uliculile kabili tautushishe; inshiku shaku cula shilishile pali ne. ²⁸ Nkoya nga ulya uwaikele mu mfimfi, lelo tepa mulandu wakasuba; nkoiminina mu lukuta no kwikala kuku ngafwa. ²⁹ Ndi wabo wakuba mumbwe, cibusa wakuba kalukuluku. ³⁰ Inkanda ilifitile elo ukopona ukufuma kui ne; amafupa yandi ya kokaba. ³¹ Eco icilimba candi calilila inyimbo sha kulosha, icipeta candi calilila abalila.