¹ Icine kwali ba iilindi fya Silfele, incende uko bawamisha Golide. ² Icela cipitwa ukufuma pesonde; umukuba usungulwa ukufuma kwi libwe. ³ Umuntu acita imfimfi ukupela nokufwalikisha amabwe ayafisama namu mfimfi iikulu, mpakafye nakululwe. ⁴ Atoba ifilindi fyasuka ukufuma umo abantu bekala, incende iyo amakasa ya onse tayendamo. wakobekwa kutali nabantu apelauka uku naku. ⁵ Pamo nge calo, umufuma umukate, cili pililwile panshi ngo mulilo. ⁶ Amabwe yaciko encende epo amabwe ya lubungu (Sapphices) yasangwa, no lukungwa lwaciko lwabamo golide. ⁷ Takwaba iconi icilya ifyoni finankwe ica ishiba inshila yaciko, nangula ilinso lyakwa lukoshi talyaimona. ⁸ Inama shamutembo tasha endamo muli ilya nshila, nangula inkalamo iya kalipisha ukupitamo. ⁹ Umuntu watambalika ukuboko kwakwe pelibwe lyacimpokompoko; upilibula impili kumishila yashiko. ¹⁰ Ulapanga inshila pamabwe; amenso yakwe yamona icintu conse icakucindama. ¹¹ Ulesha utumilonga ukuti twipisha menshi; uleta ifyafiswa paswa palya apakubuta. ¹² Nikwisa uko amano yacifyalilwa yenga sangwa? Nikwisa ukwaba incende yakwiluka? ¹³ Umuntu taishiba umutengo wayako; nelyofye yasangwa muncende yabomi. ¹⁴ Amenshi ayashika panshi ye sonde yalanda,'Tacaba muli ne; bemba ulanda ,'tacaba kuli ne.' ¹⁵ Tekuti cishikwe na golide; nelyo silfele ingapimwa ngo mutengo waciko. ¹⁶ Tekuti filingane ukucindama nge ncende umwaba golide, na onyx wacindama nangu ulibwe lyalubungu. ¹⁷ tekuti filingane na golide ne libwe lya cela; nelyo ukucinjinya namkasa ya golide uwakuwami shiwa. ¹⁸ takuli icikososwa icingalingana na koro nangu Jasipa; mucine cine, umutengo wamano ya cifyalilwa wakulapo ukucila ba rabi. ¹⁹ Tekuti filingane na Topasi waku kushi; nelyo ukucindama muli golide wakuwama. ²⁰ Elo, nikwisa uko, amano yacifyalilwa yafuma? Nikwisa ne kwaba ince yakwiluka? ²¹ Amano yacifyalilwa yali fiswa kumenso yafintu fyonse ifya bumi kabili fyaliba ifyafiswa kufyoni fyamulwelele. ²² Ubonaushi nemfwa filonda, ' Twalwumfwefye pali co amangufu ngufu namatwi yesu.' ²³ Lesa walishiba inshila yaciko, wo walishiba incende yaciko. ²⁴ pantu ulolesha na kumpela ye sonde noku mona panshi ya mwulu yonse. ²⁵ Ulapanga amaka yamwela nokupima ubukulu bwa menshi. ²⁶ Ula pangila imfula icipope ne nshila kucibululumo. ²⁷ Elo walimwene amano yacifyalilwa noku yabili kisha; mucine cine, wali cipampamikile kabili wali cicententele. ²⁸ Ku bantu walandile, 'moneni, akatina kakwa Lesa-emano ukufuma kububi kwiluka.''