¹ Eico, natushe imbila yakubalilapo iya kwa Kliastu nokuya kutanshi mu kufikilishapo. Twibika umufula wakulapila nakabili ukufuma kumilimo iyafwa noku cetekela muli Lesa, ² nangula umufula wakusambisha kwa mbatisho, ukupikapo amaboko, uku shukuka kwabafwa, ubupingushi bwa muyayaya. ³ Tuli nokucita ifi nga Lesa asuminisha. ⁴ Tacili ica anguka kuli abo abapokelele ulubuto, abasondele icabupe ca myulu aba akeneko Umupashi wamushilo, ⁵ abasondele icebo icisuma ica kwa Lesa namaka aya kulo ilimukwisa, ⁶ lelo aba wile-cili iciyafya ukuba bwesha kubulapilo. pamulandu wakuti baletanika umwana wakwa Lesa abene beka nakabili, nokumulenga ena insoni palwalala. ⁷ Pantu icende iyi pokelela imfula iyiloka lyonse, imenesha ifisabo ifibomba kuli abo bonse aba bomfeshe impanga-iyi epanga iyi pokelela ipalo ukufuma kuli Lesa. ⁸ Nomba ngamwa mena imyunga na ficilasa, yaba iya cabe cabe kabili iya tipwa. mukulekelesha koca. ⁹ Lelo tuli abashinikisha pafintu ifisuma, mwebatemwikwa, ifintu ifikumine ipusukilo, nomba nangu tulelanda ngefi. ¹⁰ Lesa taba ushalungama. Lesa takalabe imilimo yobe nokutemwa uko wangile pe shina lyakwe, pantu wabombele abantu bakwe aba mushilo, kabili ucili eleba bombela bena. ¹¹ Tulekabila apakalamba ukuti cila umo alenge ukucincila kumo kwine ukufika kupela, pakuti isubilo lifikilishe. ¹² Neci cingamilenga ukukanaba abanan'gani, lelo abenekesha abo bonse muci cetekelo nakutekanya muku pyana amalayo yakwe. ¹³ Ilyo Lesa apangile umulapo kuli Abrahamu, ailapile umwine, pantu takuli nagu umo uyo engalapilamo uwamucila. ¹⁴ Alandile ati, "Ndinokukupala nokuku pela ubufyashi ubwingi." ¹⁵ Muli uyu musango, Abrahamu apokelele icalailwe panuma nalolela saana. ¹⁶ Abantu balalapila ukupitila muli uyo uwacila bena napanuma yakushupana, nomulapo uba ngecakushinikishako nomba ¹⁷ Lesa elyo alefwaya ukulanga apabuta tutu ipyani shacilayo umubelo wakukana cinja umulimo wakwe, apishishe ici mumulapo. ¹⁸ Apangile ifi kufintu fibili ifishinga cinja-icaba icayafya kuli Lesa ukukana bepa-fwebo, fweba butuka ubucingo pakuti tukwate ukukoseleshiwa kwesubilo ilili kulifwebo. ¹⁹ Twakwata ici nga kapuba kabwato aka kucingilila kabili akashintililapo umweo, isubilo ilya ingila mucumba camukati ukucila pansalu yacacingapo, ²⁰ uko Yesu, atutangilile fwebo, nokutwingililamo muli ilya cende fwebo. Nokwisaba shimapepo mukalamba umuyayaya ukukonka inkonka yakwa Milchizedek.