¹ Ali ni Melkiseke, imfumu yakusamu, shimapepo mukalamba wakumyenye Abrahamu alebweluluko kufuma mukwipaya ishamfumu nokumupala. ² Nikuli ena Abulamu atulile icamwikumi camuli fyonse. Ishina lyakwe "Melkisendeke" icilepilibula "Imfumu yalungama,: Nalimbi shina lyakwe ni mfumu yakusaleme," cilepilibula, "imfumu yamutende." ³ Takwete ba wishi nangu niba nyina, nangu fikolwe fyakwe ushakwata ukutampa ukutampa kwanshiku nangu nimpela yamweo. Mulici, apala umwana wakwa Lesa, pantu ashala shimapepo umuyayaya. ⁴ Lolesheni ubukalamba bwa muntu uyu uutu cikolwe Abrahamu apele ca mwikumi camuli fyonse akwete apokolwele munkondo. ⁵ Abana baume bakwa Lebi aba pokelele bushimapepo babakambisho ukufuma kwifunde ukupoka camwikumi ukufuma kubantu, emukutila ukufumya kuli ba munyinabo, nangu bene, apo bsfuma kumubili wakwa Abrahamu. ⁶ Nomba Melkisedeke, ushili wa mucifyalilwa cabo nangu ukufuma mwifumo lyabo, apokele icamwikumi ukufuma kuli Abrhamu, no kumupala, umo wali nefilayo. ⁷ Tapali ukukana kwakuti umuntu munono eupalwa nomuntu wa kulisha. ⁸ Epamulandu uyu, abantu abafwa bapakelela fyapekumi, lelo pamulandu uyu calishininkiahiwa kuti aba nomweo. ⁹ Nalimo kuti twalanda Lebi, uwapokele fyamwikumi, nao apele ifyamwikumi umupitila muli Abrahamu, ¹⁰ pamulandu Lebi ali mumubili wa cikolwe ilyo Melkisedeke akumenye Abrahamu. ¹¹ Ukupwililika kwa bushimapepo bwa bena Lebi kwalya nshishe (nomba pesamba lyabantu aba pokelele amafunde), ninshi bale fwaila napeka shimapepo naumbi wakwima waba nga Melkisedeke. Nokukana itwa mubukankani bwakwa Aroni? ¹² Pakuti efyo bushimapepo bwali mukupilibuka, ifyo fine namafunde yalipili bwike. ¹³ Pantu walandilwa palifi fintu wa mumukowa umbi, mushafumu nangu umo waku bombela pacipailo. ¹⁴ Nomba mucine, ni mukufuma muli Yuda emo shikulu afyalilwe, mumukowa Mose talondolwelepo pali bu shimapepo. ¹⁵ Finshi alandile cacine muli naumbi shimapepo wakwimishiwa wapalako Melkisedeke. ¹⁶ Tefyamu fipope fya mumafunde yabumuntu umwafuma bushimapepo, nomba cilingile mwatuntuka caba maka yamweo wa mu Yuda. ¹⁷ Epakuti amalembo yaba bukumbone bwapali ena; "Webo uli shimapepo umuyayaya bwa bukonkani bwakwa Melkisedeke." ¹⁸ Pakweba ati ifyakale fyali fumishiwapo pamulandu wa kukana umfwa nokunakuka, ¹⁹ (pantu amafunde tamwalungeme nangu cimo), ne cawama lisubilo lintulangilila, ukupitila motwingeshila ukupalama kuli Lesa. ²⁰ Naco tacalipo pabulo mulopa! Bambi baba bushimapepo kwabulo mulopa, ²¹ nomba aishileba bushi mapepo ilyo Lesa alandile kuli ena, "nashikulu alapa na peka teti apilibule amatontonkanyo: Uli shimapepo umuyayaya. ²² Nipalici Yesu aipele apabula akantu kuku wamya icipangano. ²³ Bashimapepo bakale bafulishe, apo imfwa yali ba cingile ukufilwa uktwalilila mu ncito. ²⁴ Nomba apo Yesu atwalilila ukwikala umuyayaya, eco abela nabushimapepo ubushipwa. ²⁵ Eico alilinga kukupususha umupwilapo kulyabo bonse abesa kuli Lesa ukupitila muli ena, eco abela ukubula bonse abamweo ku kubapapatila. ²⁶ Napeka ati shimapepo mukalamba alilinga kuli fwebo ushili mupulumushi, uwabula bubi, wabuta, wafuma mu bupulumushi, nao aisasumbulwa ukucile myulu. ²⁷ Taipangile mukwifwaila, ukuba ngashimapepo mukalamba, upela amalambo cila bushiku, pakubalilapo impulumushi, napeka pampulu mushi sha bantu. Ena apagilefye limo fyonse, pakwipela bulilambo umwine. ²⁸ Pakweba ati amafunde Yasontele bashimapepo mukalamba mubantu ababa abanaka. Nomba ishiwi lya kulapa, lyaishile panuma ya mafunde, asontele umwana, uyo wapangilwe umusuma umuyayaya.