¹ Pantu Shimapepo mukalamba onse, asalwa ukufuma mubantu, bamusontele ukula afwa abantu mu fyakwa Lesa, epakutila beshibe fyakupela ifyamabupe namalambo yapa membu. ² Kuti abomba uwaicefya nakuli abo abashaishiba cintu nakuba lufiwa pantu nao wine kuti apendelwa nga bamaka. ³ Pali ici, nao alingile ukupela amalambo yapa membu shakwe, ngefyo acitile pa membu sha bantu. ⁴ Tekumwine ukuti uuli onse asende ubucindami, nomba aitilwefye kuli Lesa, ngefyo Aloni ali. ⁵ Munshila imo ine, nangu Klistu aipele ubucindami umwine palwakuba shimapepo mukalamba. Nomba uulelanda kuli ena, alandile, "uli mwana wandi; Napali lelo naba wiso." ⁶ Cili ngafilya alanda muncende shimbi, "uli shimapepo muyayaya ukukonka panuma yakwa Melchize deki." ⁷ Muli shilya nshiku shamuli bumubili bwakwe, Klistu alepela amapepo nokulomba nomusowa uukulu filambu kuli Lesa, uuli na maka yakumu pususha mu mfwa, nao ali mumfwile ukulingana naba mweo wa bulesa. ⁸ Nangula cakutila ali umwana, alisambilile ukua uwa nakila nakufyo acushiwemo. ⁹ Ali uwapwililika no kwishila, uyo onse uwamunakila, nokupokelela ipusukilo lya muyayaya. ¹⁰ Apangilwe kuli Lesa nga shimapepo mukalamba ukukonka panuma yakwa Melkizedeki. ¹¹ Tuli nefya kuti tulande fingi psli yesu, nomba nacafya ukulondolola pantu namusanguka muli bacibulu mukumfwa. ¹² Pantu nangu ino nshita mulingile ukuba bakafundisha, nomba mucili mulefwaikwa abakumisambilisha inkonka sha mashiwi yamu cebo cakwa Lesa. Mulefwaikwa umukaka, tefyakulya fyakosa iyo! ¹³ Pantu onse uwabela ukulya umukaka ninshi talabelela ifya mumashiwi fya bulingami, pantu acilifye ngo mwano munono. ¹⁴ Nomba ifyakulya fyakosa fyaba kulu. Aba ebalya kumulandu wa bukulu bwabo kuti bamulekanya ifisuma mububi.