¹ Eico, natube abaishiba ukuti tapali nangu umo muli mwebo uwingamoneka ukufilwa ukufika kucilayo icashele kunuma yamwebo pakwingila mukutusha kwa kwa Lesa. ² Ndefyo batwebele ilyashi lisuma ndefyo bali. Nomba ilya insebo tayasekeshe abo abali abai katana mucitetekelo nabo abaumfwile. ³ Uyo uwakwata ukusumina akengila kulya kukutusha, ndefyo asosele, "Ngefyo nalapile mu cifukushi candi, tabakatale ingila mukutusha kwandi." Nangu cibe ifi, incito yakwe yalipwile ukufuma pakuntampa kwa Calo. ⁴ Ngefyo asosele kuno palwa bushiku bwalenga cine lubali: Na Lesa alitushishe pabushiku bwa cine lubali ukufuma kuncito shonse.'' ⁵ Napeka muli ayayene mashiwi asosele, " Tabakatale ingila mukutusha kwandi." ⁶ Eico, pantu cili icasungwa kuli bamo ukwingila mukutusha kwandi, na ilyo bambi abena Islaeli abaumfwile ilyashi lisuma tabaingilemo pantu nabucintomfwa, ⁷ peka Lesa apekenye ubushiku bumo bwabwite "Lelo." Panuma yanshiku ishingi alandile ukupitila mu Davidi, ngefyo alandile pakwamba, "lelo ngacakuti mwaumfwa ishiwi lyakwe, mwikosha imitima yenu." ⁸ Nga Yosha alibapele ukutusha, Lesa ngata landilepo pabushiku bumbi, ⁹ eico kucili isabata lyakutusha ilyasungwilwa abantu bakwa Lesa. ¹⁰ Onse ilyo waingila mukutusha kwakwa Lesa umwine nao akwata ukutusha muficitwa fyakwe, ngefyo Lesa acitile ifyakwe. ¹¹ Elo natwiipele ukwingila kukutusha, pakuti pekaba nangu umo uwakuponena mumusango waku shumfwila ngefyo bacitile. ¹² Ishiwi lyakwa Lesa lyakwikalilila nokwikalilila nokutwa ukucila umupanga uwatwa konse kubili lilalepula namukwa kanya kwa mweo ukufuma kumupashi, nokupita ukufuma kubuntomfyo. Lileshiba nakampingu yamutima namapange. ¹³ Tapaba icapangwa icafisama kuli Lesa. Icilingile, conse cilifye pabwelu nokwisuka kumenso yauyo onse uyo tufwile twalubulwilako. ¹⁴ Eico, ilyo natu kwata kashimika mukalamba uyo uwapita ukupitila kumulu, Yesu umwana wakwa Lesa tulekeni tushipe nokukwata ukusumina kwesu. ¹⁵ Apo tatukwete kashimika mukalamba ushinga tumfwila uluse pa bunake bwesu. Icilingile, twakwatako umo uwingakwata ukweshiwa munshila shonse ngefyo tuli, ukufumyakofye ico ali ukwabula ulubembu. ¹⁶ Natuleya necitetekelo kumyunga yakusenaminwa, pakuti twingapokelela uluse nokusanga ukusenaminwa nokwafwa munshita yabu kabe.