¹ Eifyo, mweba muninefye ba mushilo, ubunte bwa mumulu. Ukutontonkanya pali Yesu, umutumwa nashi mapepo mukalamba uwalulumbi. ² Ali uwacishinka kuli Lesa, uwamusontele, ngafilya Mose pamulandu nao ali uwa cishinka mung'anda yakwa Lesa. ³ Pantu Yesu alilingwa mubukata bukalamba ukucila Mose, pamulandu wakuti uyo umo ukala ing'anda mwinepo ukucila ing'anda ine. ⁴ Ing'anda yonse ilawama kuli umo, lelo umo ukula fyonse fyonse ni Lesa. ⁵ Pantu Mose ali uwacicetekelo ngomubomfi mung'anda yakwa Lesa yonse, nokupanga bakambone pali fyonse ifyalandilwe pafya kuntanshi. ⁶ Nomba Klistu aba uwacishinka ngomwana uwaba mubutungulushi mung'anda yakwa Lesa. Tuli ing'anda yakwe ngacakuti twaikata bwangu mukushipa mwisubilo mukuitakisha. ⁷ Palifyo, ngefyo umupashi wamushilo walanda: "Lelo, ngacakuti waumfwa ishiwi ⁸ mwifisa mumitima ngaba cipondoka, ngenshita yakweshiwa muciswebebe. ⁹ Iyi yali ninshita ifikolwe fyenu fyanfutwike mukungesha nebo, nalisa, ukulingana nemyaka amakumi yane, balimukumona imititile yandi. ¹⁰ Palifyo nalikalipe nailya nkulo. Ndimukulanda, "Bena lyonse balimukuyafye nefyabo mumitima yabo. Tabaishibe inshila yandi.' ¹¹ Ifyo nalapile mucifukushi candi: Tabakengilemo mukutusha kwandi nebo." ¹² Mube aba cenjela, mweba muninefwe, pakuti muli mwebo tamuli umo uli nomutima wabipa uwabula ukusumina, umutima upilibuka kali Lesa wamweo. ¹³ Munshita yakuti, muleikoseleshako umo na umo cila bushiku, nangu cingalepa uka "Lelo." pakwebati takuli nangu umo muli mwebo ku kubeleleka ulubembu. ¹⁴ Pantu twaba palaminako kuli Klistu nga cakuti twaikatisha mukuicetekela muli ena ukufuma mukwamba namuku fika mukupwa. ¹⁵ Efya landikwa palifi, "Lelo, ngacakuti mwaumfwa ishiwi, mwikosha imitima, ngaba cipondoka." ¹⁶ Bushe ali ninani uwaumfwilw Lesa nokupondoka? Bushe tabali nibonse abafumine mu Egypto na Mose? ¹⁷ Bushe nganibani aba akalipile pamyaka amakumi yane? Bushe teyabo aba bembwike, abo ifitumbi fyabo fyaponene mumatololo? ¹⁸ Nikuli bani alapile mukukana ingila mukutusha, ngacakuti tebonse abashamunakile? ¹⁹ Tulimukumona ukuti taba kwanishe ukwingila mukutusha kwakwe pamulandu wakukana sumina.