¹ Ico, apo twali shungulukwa kwikumbi lyaba bunte ilikulu nga tatule fya tufinina fyonse namasambi ayatulambatila. Tubutuke nomukonsha ulubilo lwa bikilwako fwebo. ² Natutonte pali Yesu, katampa elyo kuwaminisha wacitetekelo. Pamulandu wakwangilwa kwa bikilwe pali ena, ashipikishe pa musalaba, nokusula kasebanya, nokwikala kukulyo kucipuna csbufumu cakwa Lesa. ³ Eco tontonkanyeni pali ena, uwashipikishe kufikansa fya babembu mukutalikana nankwe, pakuti mwiisaba aba abasakamana mu mitima yenu nokulabako. ⁴ Mwebo tamulakanya nangu mukupilikita nolubembu, pakafye na mukusumya umulopa, ⁵ kabili mwalilaba ukukoselesha ukwalangilwe kuli mwebana baume: We mwana wandi umwaume, we yangusha kufunda kwa kwa shikulu, nangulafye citomposhi kukwebaula kuli ena, ⁶ pantu shikulu ebaula uyo onse atemwa, no kulopaula umwana onse uyo apokelela. ⁷ Muleshipikisha mumacushi pakufundwa Lesa alepanga mwebo ngabana baume. Pantu mwaa mwaumenshi uyo wishi ashebaula? ⁸ Nomba nga mwaba ababula ukwebaula, uko abantu bonse bakumako, ninshi tamuli bana baume bakwe. ⁹ Kabili, twali naba fyashi abale tusalapusha fwebo bene twaliba cindike. Bushe tekuti tunakile umufyashi wamipashi nobumi." ¹⁰ Batata besu batusalapwile pakashita akanono mwabelele ama tontonkanyo yasuma. Nomba Lesa atukansha fwebo mufisuma fyesu, pakuti tukumeko kuli bumushilo bwakwe. ¹¹ Panshita yakusalapula nga yabapo, nomba ilakalifya. Nomba panuma mufuma ifisabo fyamutende nobulungami kuli abo abali muku kanshiwa palico. ¹² Kosheni amaboko yenu aya bunagani na makufi yenu aya lukwako. ¹³ Pangeni nshila ya makasa yenu, pakuti abalemana befumamo nomba bondapwe. ¹⁴ Bombeleni mukuba nomutende kuli onse, napeka nabumushilo ukwabulefyo takwakabe nangulafye umo uukamona shikulu. ¹⁵ Sakamaneni pakuti umuntu nangulafye umo epalebela kucikuku cakwa Lesa, nomba epali umushila uwalula wakula nokuleta ububi, tekuti iyingi yonauke kuli uyo, ¹⁶ Sakamaneni ukukana kumako cenjeleni kwiba uwabulale lale nangu muntu ushaishiba Lesa pamo nga Esau, uwa shitishe insambu shabubeli kukulya. ¹⁷ Pantu mwali shibe panuma yaififintu, elo apekenye ukupoka amapalo, alifililwe, mulandu takwete ulubali ulo engalapililamo, napamofye nangula aletibinta mu filamba. ¹⁸ Pantu tamwapalamina kulupili ulushingekatwako, ulupili ulubilimo mulilo, nemfimfi, kufinkunkuma, kucipupu ca mwela ukalamba. ¹⁹ Tamwaiishile ukulilila kwepenga nangu kucinda cakulanda kwa mashiwi abo abaleumfwa balipapete ukuti abale umfwa balipapete ukuti kwibako ishiwi limbi ilyakulanda kuli bena. ²⁰ Pantu nabena taba shipikishe icakonkomeshiwe: "atemwa ninama yakwata kulupili, ikatoba ulwe amabwe." ²¹ Nacintu camoneke kuli bena cali cakutinisha saana efyo Mose alandile, "naumfwa umwenso nolukwako," ²² Nacimbi, mwebo namwisa kulupili lwa shioni kumusumba wakwa Lesa wamweo, Yelusalemu wakumulu, nakuli ba ngeli amakana ikumi abalesefya. ²³ Namwisa kukulengana kwa mabeli abalembwa mumulu. Namwisa kuli Lesa, kapingula wa bonse nakumipashi yaba kaele ababa aba pwililika. ²⁴ Namwisa kuli Yesu, kampanika wa cipangano candakayi, nakumulopa wa sanshilwe mukulanda ifisuma ukucila pa mulopa wa kwa Abele. ²⁵ Moneni ukuti tamukene kuulelanda kwauyo umo. Pantu nga taba puswike elyo bakene uyo umo walwba cenjeshako pano pesonde. pali bufi fwebo tatwakapusuke ngatwa taluka ku uletu cenjesha kufuma mumulu. ²⁶ Panshita imo, uyo ishiwi lyakwe lya sunkenye isonde. Nomba nalaya nokulanda kuti, Inshita imo neibiye nkasunkanya tesonde lyeka iyo, lelo nmumyulu.'' ²⁷ Naya mashiwi, napeka, "ngapanshita imo neibiye," icalola mukufumya ifintu ifingasunkana, nge fi, ifintu ifyapangwa, pakuti nge fintu ifishakasunka nishiwe fika shale. ²⁸ Eco, pakukupokelela ubufumu ubushisunkanishiwa, tubombele Lesa mumaka muli yo wine musango muku mutatakula Lesa mukufuka namukatina. ²⁹ Pantu Lesa wesu mulilo upwililisha.