¹ Leka ukutemwa kwabunina konkanyepo. ² Mwilalaba ukupokelela abapitanshila. Pantu bambi, balipokelelapo naba malaika ukwabula ukwishiba. ³ Muleibukisha abafungwa, kwatimwafungilwa nabo pamo, muleibukosha balya bonse abo balecusha, kwati mulinabo mu mubili. ⁴ Lekeni icupo cibe icacindamikwa ku bantu bonse. Lekeni ubusanshi bwa mucupo bube ubwabula ifiko, pantu Lesa akapingula ababulalelale naba cilende. ⁵ Lekeni imibele yenu ibe iya fuma kukutemwa ulupiya. Muleteka imitima nafimntu mulimukukwata pantu Lesa umwine alanda ukuti," nshakamishe mweka, nangula ukumilekelesha." ⁶ Natuteke imitima pakuti twingaba abakulanda mukupama ati, "Shikulu ekafwa; nshabe nomwenso. Cinshi cintu umuntu engancita?" ⁷ Mulemona bantungulushi benu, balya abalandile icebo cakwa Lesa kuli mwebo, mulemona ifisabo fya mititile yabo. Mulebapashanya mu citetekelo. ⁸ Yesu Klistu abafya cimo cine mailo, lelo, nokuya umuyayaya. ⁹ Mwisendwa na masambilisho yambi yambi ayapya. Pantu nacipitila mu kusenaminwa temufya kulya ifishafwa abenda ukupitila muli ifyo. ¹⁰ Twalikwata icipailo kuntu ababomba mu cinyumba nyumba tabakwata insambu sha kulyako. ¹¹ Pantu umulopa wena untu beipaila amasambi uletwa na shimapepo mukalamba muncende umwashila. Lelo imibili yanama koca kunse yankambi. ¹² Yesu nao aliculile kunse ya mwinshi wa musumba, pakwebati asangulile abantu ukupitila mumulopa wakwe. ¹³ Eico twendeni kuli ena kunse ya nkambi, ukusenda ne nsoni shakwe. ¹⁴ Pantu tatwa kwata incende yamusumba iya kubelelela kuno. Nomba tulimukulolela imo iya kuti ikese. ¹⁵ Ukupitila muli ena, pali ici, lekeni lyonse lyonse tupele ilambo lyakutasha kuli Lesa, amalumbo ayali fisabo fyo milomo yesu ifyishiba ishina lyakwe. ¹⁶ Twilaba ukulacita icisuma nokulaafwana cilaumo naumo, pantu malambo ya musango uyo aya totela Lesa. ¹⁷ Muleicefya nokumfwila intungulushi shenu, pantu balolekesha pa myeo shenu, nga abakalondolola palwa mwebo. mulebomfwila kubili mulecita ifi nainsansa, kabili ukwabula ukuilishanya, icikaba icafye kuli mwebo. ¹⁸ Muletupepelako, pantu natushinikisha na kampingu uwaololoka elo kabili tule fwaya ukwi kala muli bubwino muli fyonse. ¹⁹ Ndekonkanyapo ukumikoselesha ukucilapo ukucite ifi, pakutila ningabwelela kuli mwebo bwangu. ²⁰ Nomba Lesa uwacibote, uuwabweseshe kachema mukalamba ukufuma kubafwa Shikulu Yesu, kumulopa wacipangano camuyayaya, ²¹ amipele icisuma conse pakuti mucite ukufwaya kwakwe, ukubombela mulifwebo icimusekesha, ukupitila muli Klistu Yesu, kuli ena kube ubukata umuyayaya. Ameni. ²² Nomba ndemikoselesha, bamuninane, ukwikatila kwishiwi lya cikoselesho ilyo nalembele kuli mwebo. ²³ Ishibeni ukutila muninefwe Timote alilubulwa, uo nkesamimona nao ngaaisa bwangu bwangu. ²⁴ Posheni bantungulushi benu bonse nabonse abacisumino. Abena Itali bamiposha. ²⁵ Ukusenaminwa kwingaba namwebo bonse.