¹ Nomba icisumino cili mukushininkishiwa pafintu ifyo tuli mukusubila ne fintu fimo ifyo tatulati tufimone. ² Nipali ififine ifikolwe bashininkishefye ku cisumino cabo. ³ Ku Cisumino eko fwebo tuli mukumfwikisha ukutila ifya citilwe fya lengelwe kuli Lesa, mukulanda, mukutila ifimoneka tafya pangilwe kufintu ifishimoneka. ⁴ Napali ici mucisumino Abeli apelele Lesa ilambo ilya wama ukucila Kaini, ukupulinkanya aeshiwilwe mukuba ubololoke, na Lesa ali mukulanda bwino pali wena pamulandu wakupela kwakwe, namucisumino Abeli acili mukulilila ukulanda, nangula alifwa. ⁵ Nipali ici mucisumino emo Enoki asendelwe ukwimishiwa pakutila emona mfwa. "Wena tasangilwe, pantu Lesa ali musenda." Pantu ena libe talati ukwimishiwa ukuya, calishininkishiwe ati alesekesha Lesa. ⁶ Nomba ukushili icisumino kuti caba icishinga citwa kukumusekesha. Pali ici tengaba bwino icakutila uuli onse uuli mwisa kuli Lesa afwile ukusumina ukuti ekoaba nomba ena ekalambula wabonse abali mukumufwaya. ⁷ Nimu cisumino emo Noah, ali mukupokelela ilyashi palwa fintu ifyo tamwene, nabu Lesa apekanye ukupanga icibwato icakuti apusukilemo naba munganda yakwe. Mukucita ifi, ena ali mukusula icalo conse napali ici aishileba imyani yabolilike ico icali mukukonkana necisumino. ⁸ Napali ici nimucisumino eo Abrahamu, ena pakwitwa, ali uwanakilila nokufuma ukuya ku ncende uko alino kupokelwa icakukwata. Alifumine nokuya, ukwabukula ukwishiba nikwi eko ali mukuya. ⁹ Nimucisumino ena aile mu calo icalailwe ngomweni. Ali mukwikala mumatenti na Isaki na Yakobo, ikuba ubupyani bunabo bwacilayo. ¹⁰ Pantu aki muku lolesha kuntanshi kumusumba uuli nomufula, uyo kelenganya nakakula ni Lesa. ¹¹ Nimu cisumino, nao Sala umwine eka ali ingumba, apo Abrahamu apokelele ishuko lyakuba tata wa bana. Ici calimukucitika nangulafye ena aliumukote, ifyo fine ena alilangulukilwe uwa cisumino umo uo bapele ubulayo. ¹² Nipali ici, ukufuma muli wine umuntufye umo-ngo alifye nga umo uwafwa-umo umwafyelwe abana nge ntanda ishamulwelele peka abashinga pendwa ngomusensenga uwa mumbali yacimana. ¹³ Nimu cisumino eco bonse abafwile ukwabula ukupokelela ifilayo. Mucifulo cakutila, panuma ya kulolesha nokuposhanyafye nabo ukufuma ukutali ukuputulwako, bena bali mukulelwa kwati nga abalifye abeni. Napamo imbutushi pa Calo. ¹⁴ Pali ico abali mukulanda ifintu ifyamuli uyo musango bali mukupanga ifintu ifyakumwensekesha kwati bali mukufwaya icalo cabo. ¹⁵ Nga balimukula tontonkanya palwa calo ico bena bafuminemo, nganakalimo ngaishuko lyakubwekelamo. ¹⁶ Nomba ifyo cili mukuba, bena bakwete itontonkanyo lyakukwata icalo icawamisha , eico ici, elwelelefye lumo. Nipali ico Lesa ena tali mukuba nensoni icakuti baleitwa ati Lesa wabo, ukutulafye apo abakanishishefye umusumba wabo. ¹⁷ Nimu cisumino eco Abrahamu, ena ilyo ali mukweshiwa, alipele ubupe Isaki. Ico ena akwete fye umwana wakwe mpoo eo apelefye, ilyo uwali no kupokelela amalayo. ¹⁸ Nifyo fine Abrahamu kuli ifyo cali mukulanda, "kupitilafye muli Isaki ukutila mubufyashi bobe emo uli nokwinikwa. ¹⁹ Abrhamu alikwete ukwluka ukuti Lesa alinsmaka yakwimya Isaki ukumufumya kubafwa, namukulanda mumanshoko, ngefyo cili mukufuma muli bena kwati apokelele ena mukubweshiwa. ²⁰ Nipali ici napeka mucisumino palwa fintu ifili mukwisa ukuti Isaki alipalile yakobo na Esau. ²¹ Nimu cisumino emo Yakobo, ena ali mukufwa, alimukupala umo umo abana bakwa Yosefe. Yakobo ashinshimuna, alesambilila pa muluwa nkonto yakwe. ²² Nimu cisumino, emo Yosefe, ilyo impela yakwe yapaleme, alandile ukufuma abana ba Israli mu Egypiti nokubakonkomesha palwa pamafupa yakwe. ²³ Nimu cisumino emo Mose, ena ilyo afyelwe, bali mufishile pa myeshi itatu ku bafyashiba kwe pantu bali mwene ali umwana musuma. Bena tabali aba mwenso wakutina icipope camfumu. ²⁴ Nimu cisumino emo Mose, panuma nomba nakula, alikene ukulamwita umwana uwa mwana mwanakashi wakwa Farao. ²⁵ Mucisumino cakutila, ali mukusalapo ukucula pamo na bantu Lesa, ukucila ukulasansamuka mufya fisuma fyamuma sambi ukwakashita akanono. ²⁶ Ena ailwike ukutila ukusebana pamo nokukonka Klistu kwacilapo ubunonshi ukucila ifyuma fya bena Egypiti. Pantu ali mukutonta amenso yakwe pa cilambu. ²⁷ Ni mucisumino eco Mose ashilile Egypiti. Ena tatulumwike ubukali mfumu, pali ici akoselele ngo uuli mukumona umo uushimoneka. ²⁸ Nimu cisumino emo asungile icakucilila neca kuti kube ukukana umulopa, icakutila konaula uwa mabeli teti ekateko kubena Israeli abana amabeli. ²⁹ Ni kucisumino eko bapulile mumumana wa Kashika kwati nakalimo kupula mumulundu uwauma. Ilyo abena Egypiti bali mukwesha umukucita ifi, balisendelwe. ³⁰ Ni kucisumino eko ifibumba fya Jeriko fyawilile panshi, panuma bali mukati kakushingulukwa panshiku sebeni. ³¹ Ni kucisumino eko Rahab cilende tafwile nabonse abo limukuba nabo abo abali abashinakila, pantu ali pokelele inengu mumutende. ³² Nga nakalimo fintunshi ninga landa? Pali ici akashita kali mukufilwa nebo nganalanda ulwa pali Gidioni, Baraki, Samusoni, Yephta, David, Samwele na pali bakasesema. ³³ Nipali ico ukupitila mucisumino bali cimishe amabufumu, babombele ubulungami, nokupokelela amalayo. Bena balesesha utunwa nkalamo, ³⁴ balimukushimya amaka yamulilo, balimukufuma mutunwa twa lupanga, bali mukundapwa mumalwele, baishileba impalume munkondo, nokulacimfya abashilika bamu fyalo fimbi. ³⁵ Abanakashi bali mukupokelela ukubabwesesha abafwa ukupitila kwa mukubushiwa. Nabambi nabo baleba culusha, balebakanina ukubalekako, pakutila bakwatemo ukusalapulwa ubwa busuma bwa kubushiwa. ³⁶ Bamo baleeshiwa kwa ukulaba punika, nokupumwa, nakuminyololo namufifungo. ³⁷ Baletobwa amabwe. Baleputulwa kuli Ba sawe pabili. Baleipaiwa naku mipanga. Bale ya namumikupo ya mbelele namu mikupo yambushi. Baleba abapina, abatitikishiwa, abacitwa ubuluku. ³⁸ Icalo tabawamine. Baleba lyonse abalubana nokulasabantafye mu matololo namu mpili, mumimba namufi mendo ifya panshi. ³⁹ Nangula cakutila ababantu bali abashininkishiwa na Lesa pa mulandu wa cisumino cabo, tabali mukupokelela ubulayo. ⁴⁰ Lesa alipekanya ifintu fimo ifisuma pali fwebo, pakutila ukwabula fwebo, bena ngatabali abapwililika.