¹ Pantu amalango yeka yali cinshingwa yafintu ifisuma ifyali mukwisa, tayali fintu fya cine ifya pwililika ifine fyeka. Aba abali mu kupalamina kuli Lesa, teti balengwe ukuti babe aba cine kufya malambo fintu bashimapepo bali mukutwalilila ukuleta umwaka nomwaka. ² Nangu cine fyo, ngata yalekelwe ukutulwa? Pantu aba pepa, apo bali mukusangululwa limo teti babe ne mutima yakukuntwa ku membu peka. ³ Nomba muli ayo malambo yali nokula bebukisha imembu umwaka nomwaka. ⁴ Pantu cintu ca afya ku mulopa wa G'ombe nembushi muku fumyapo ulubembu. ⁵ Ilyo Klistu aishile pano Calo, alandile ati, "Ilambo neca kuninika tamwa cifwaile, nomba umubili mwebo eo mwampekanishisha nebo; ⁶ kufya ocewa nefya palubembu tamwa fitemenwe. ⁷ Nomba nali mukulanda, moneni, nebo epondi- ngefyo calebelwe pamulandu wa nebo mucapombwa- mukucito kufwaya kwenu." ⁸ Pakutampa alandile, ati, "Nangu malambo, necakuni nika, necakoca cituntulu, neca malambo ca pamembu ico mwebo tamwafwaile. Nangu kufipokelela ukufuma kuli bena." Aya malambo nefyakuninika bale tula umwalola amafunde. ⁹ Nomba alanda ati, moneni, kuco naisa mukucita ifyo mufwaya: Afumyapo icantanshi icobalecita lyonse, nokupyanishapo icabubili. ¹⁰ Pali ubu bufwayo, emo twabela abashishiwa ukupitila muli bulilambo bwa mumubili wakwa Yesu Klistu uwaitulile limofye pali bonse. ¹¹ Ubushiku nobushiku bonse ba shimapepo abali mukwiminina nokubomba umulimo kuli Lesa. Bali mukutula amalambo peka- na peka amalambo ayo ayashali nakula fyumya imembu. ¹² Nomba ilyo Klistu atulile bonse umuku umo ilambo lyapa lubembu, alikala kukuboko kwa kulyo ukwakwa Lesa. ¹³ Ali mukulolela abalwani bakwe ukubapanga icipina ica kunyantapo amakasa yakwe. ¹⁴ Pantu paca kuninika cimo cilalenga abo bonse ukuba abamushilo. ¹⁵ Nomupashi wa mushilo pamo ushimiko bunte kuli fwebo. Pakutampa alanda ati, ¹⁶ "Ici ecipingo cintu nkapingana pamo nabo panuma yanshiku shilya, efyo alandile Shikulu. Nkabika namafunde yandi mu mitima yabo, noku yalemba mumano yabo. ¹⁷ Nemembu shabo nefya bupulumushi fyabo nshake bukishe awe." ¹⁸ Nomba kuntu kuli uku belelwa uluse palifi, takuli nakabili ukutulila pa lubembu. ¹⁹ Eico, ba munyinane, natu kwata ukupama ilya kwingila mu cifulo camushilo mumulopa wakwa Yesu. ²⁰ Iyi enshila iipya nomweo iyo atwiswila ukupitila mu cipembe, ekweba ati, mumubili wakwe wa buntunse. ²¹ Pantu natukwata shimapepo umukulu uwamu ng'anda yakwa Lesa, ²² natupalamineko ne mitima iisuma mu mwisulo wa cisumino, pakukwata imitima iyakanwa iya sanguluka ukufuma kububi noku kwata imibili iya sambwa ku menshi aya sanguluka. ²³ Nafwebo pamo tukwatishe ukulumbula kwa- cicetekelo cesu ukwabula ukuwaya waya, pantu Lesa, uwatulaile wa cishinka. ²⁴ Natukwate ukulangulukilana pakusekesha umo no mubiye nokutemwa ne milimo iisuma. ²⁵ Natukwate ukukana leka ukulongana pamo, ngefyo bamo bacita. Mukwe bati, balekwata ukula koselesha umo nomubiye lyose lyonse, na lyonse lintu tuli mukumona ubushiku buli mukwisa mukupalama. ²⁶ Nga cakweba ati tuleya tulecitila ulubembu ku bufwe apo twali pokelela ukwishiba kwa cine, ilambo lyapa lubembu takwaba ilyashalako. ²⁷ Emukweba ati, kwabafye ukulolela kwa kutina ukwa bupingulo, nokuluma kwa mulilo uuli nokumina abalwani bakwa Lesa. ²⁸ Uyo onse uuli mukusula amafunde yakwa Mose afwa ukwabula uluse pa kumushinina pali bakambone babili nangu batatu. ²⁹ Ubupingushi bwakwe ifyo muli mukutonto nkanya kuli umo umubi uwanyanta kumakasa yakwe umwana wakwa Lesa, uwo cita umulopa wa cipingo ati cinangwa- umulopa untu ashishiwemo- nokutuka umupashi wa luse? ³⁰ Pantu twalishiba umo uwa landile ati, "Icilandushi caba kuli nebo; Nebo nka bwesha. "Na peka, "Shikulu ali nokupingula abantu bakwe." ³¹ Ici cintu cakutinya ukwebati caponena mu minwe yakwa Lesa wa mweo! ³² Nomba uleibukisha inshiku shanuma lintu mwamwene ulubuto, ilyo mwashishimishe nokulwisha uku kulu uko mwaculile. ³³ Wali mukumonwa monwa mukusebana nefyabucushi, na bucibusa nabo abaleya mubucushi bwa uyu musango. ³⁴ Pantu walikwete fyuma nabo abali abafungwa, nokubapokelela pamo munsansa mukupokwe fyo mwanonkele. Na mwishiba webo we mwine uli necisuma ne fyuma fya muyayaya. ³⁵ Elo wiesha ukuposa ukupama kobe, icaba ecilambu cobe cikulu. ³⁶ Pantu muli mukukabila ukuteka umutima, elo ati muli nokupokelela cintu Lesa alaya, panuma muli mukucita ubufwayo bwakwe. ³⁷ Pantu mu nshita iinono iyalinga, umo uuli mukwisa icine cine ali mukwisa tali nakukokola. ³⁸ Uwalungama wandi akekalilila mu cicetekelo. Nga abwelela kunuma, Nshisekelela muli ena." ³⁹ Nomba tatuli mukuba ngabo bamo abali mukubwelela kunuma mukonaika. Ekweba ati, tuli ngabamo abamuli abo abakwete cicetekelo pakusunga imyeo yesu.