¹ Nomba necipangano cakubalilapo cali mukukwata amafunde yakupepa neng'anda yamushilo. ² Pantu icinyumba nyumba calipekanishiwe, icumba cakubalilapo, umwali icikalilo cakatolitoli, itebulo nomukate wa kubako caleitwa ati incende yamushilo. ³ Kunuma yansalu iyacibili kwali icumba nacimbi caleitwa incende yamushilo wamushilo. ⁴ Calikwete icakufutumwinapo icena, ica Golide. Kabili calikwete mpao ca cipangano ica fimbilwe conse na Golide. Mukati ninomgo ya Golide eyaikete mana, inkonto yakwa Aloni iya lefumya amaluba, nama tebulo ya cipangano. ⁵ Pamulu wa cipao cipangano, ba Kerubi babukata bacingile inkupiko ya cakuwikishanya ico teti tulande ukuya apatali. ⁶ Panuma yakupekanya fyonse ifi, ba shimapepo lyonse bali mukwingila mucumba ca kunse ya cinyumba nyumba pakubomba umulimo wabo. ⁷ Nomba shimapepo mukalamba fye ewaleingila mucumba kabili tekuya umuku umo pamwaka, kabili tekuya ukwabula umulopa uwatulila umwine ne membu shantu ishabula ukutememwa. ⁸ Mupashi wamushilo alilangile ukweba ati inshila yancende yamushilo wa mushilo yali taila moneka pantu, icinyuma nyumba cakubalilampo cali naciminina. ⁹ Ici cali cilangililo ca ino nshita. Fyonse ifyabupe nefyakuninika ifilepelwa teti filungamike kampingu wa ulepepa. ¹⁰ Fyalesakamanafye kufyakulya nefyakunwa nafimbi ifya kusamba kwa kusefya, ifyebo fyakumubili, mpaka ikafike inshita yakuwamya. ¹¹ Klistu aishile nga shimapepo mukalamba uwa fintu ifisuma ifyaisa. Apitile mu cinyumba nyumba icikulu icapwililika icishapangilwe ne minwe ya bantu ico icishakuma kuli cilya ica pangwa muli cino Calo. ¹² Teku mulopa wa mbushi notwana twa n'gombe lelo noku mulopa wakwe aingilile mucende yamushilo wamushilo limo pamwaka pancende ya bonse nokutupokela ukulubuka kwa muyayaya. ¹³ Pantu ngo mulopa wambushi ne né n'gombe shilume nokukana imito ya ngombe shikatapai abo abaishileba abakowela, ilaba yakubapatula kuli Lesa paku wamya umubili, ¹⁴ nga pali bufi umulopa wakwa Klistu, uyo ukupitila mumupashi wa muyayaya aipele umwine kuli Lesa uwabula akalema, ifyo bakampingu bakawamishiwa ukufuma kuncito ishafwa pakubombela Lesa wa mweo? ¹⁵ Pali uyu mulandu, aba nikawikishanya wa cimpangano cipya. Icicili mukweba ati, pantu imfwa yacitike pakulubula ku masambi abo abali mu cipangano cakubalilapo, abo abaitwa bakapokelela ifya bupyani ifya lailwe. ¹⁶ Pantu apali ifilayo, imfwa ya muntu uwapangile ilingile ukuishininkishiwa. ¹⁷ Pantu ifilayo kulaba ukufikonka ilyo paba imfwa, apantu tafikwata amaka ilyo uwa fipangile acili alelola. ¹⁸ Eco nangu cipangano capakubala tacalepangwa ukwabula umulopa. ¹⁹ Pantu ilyo Mose apele amafunde yonse mu malango ku bantu bonse, asendele umulopa wa bana bangombe nembushi namenshi amasako ya mikoko aya kashikana nisopo nokukana pebuku line nabantu bonse. ²⁰ Elyo alandile, Uyu emulopa wa cipangano ico Lesa akonkomeshe pali mwebo,'' ²¹ munshila imo ine, akanine umulopa pa cinyumba nyumba nefipe fyonse ifyo bali mukubomfya pa mulimo. ²² Ukulingana na malango ifingi fila sangululwa nomulopa. Ukwabula ukusumya umulopa takwaba ukwelelwa. ²³ Eico cali icikankala ukweba ati ifya palana nefya mumulu filingile ukusangululwa namalambo yanama. Nomba ifintu fya mumulu ifine fyalingile ukusangululwa na malambo ayacilapo. ²⁴ Pantu Klistu taingile umwashilisha mwaba califye cikope cacintu icacine. Lelo aingile mumulu mwine ukuya monekela fwebo pa cinso cakwa Lesa. ²⁵ Taile kulya mukuya mukupela imiku iingi nge ficita shimapepo mukalamba, uwingila umwashilisha umwa ino mwaka nomulopa waumbi, ²⁶ nga efyo cali mukuba kanshi nga ali icalo catampilo. Lesa nomba amonekela pampela yanshita pakufumyapo ulubembu pacelambo cakuipela umwine. ²⁷ Nga filya fine umuntu bamusonta ukufwa umuku umo, elyo panuma kwaisa ubupingushi, ²⁸ eifyo fine na Klistu apelwe umuku umo pakusenda imembu shabengi kabili akamoneka umuku wa cibili, temukubomba lubembu, lelo mpamulandu we pusukilo lya abo abale mupembela.