¹ Kanshi Lesa nga bushishe Klistu, fwayeni ifintu fyamumulu, uko Klistu aikala kukuboko kwa kulyo ukwa kwa Lesa. ² Tontonkanyeni pacicililepo, tepafintu fya pa calo. ³ Pantu mwalifwile, ne myeo yenu yalifiswa muli Klistu muli Lesa. ⁴ Ilyo Klistu akamoneka, uuli mweo wenu, kanshi na mwebo mukanonekela pamo nao mubukata. ⁵ Bikeni kumfwa, kabili, ifintu fya pa calo- ulunkumbwa lwa cimubii, ubutapa, umufimbila, ulwinso, akaso, ifili kupepa utulubi. ⁶ Ni pamulandu wa ifi fintu ubukali bwa kwa Lesa bulimukwishila pa bana ababula icumfwila. ⁷ Nififine fintu ifyo mwendalemo ne mwe lintu mwaikelemo. ⁸ Nomba mufwile ukufuma kuli ifi fintu- ubukali, icipyu, amapange yabipa, insele, ne lyashi lyabipa ukufuma mutunwa twenu. ⁹ Mwilaibepaika cila umo no munankwe, pantu mwalifula ubuntu bwa kale pamo ne milimo yakwe, ¹⁰ nokufwala umuntu umupya icili kupangwa mukwishiba ukulingana nokupalana kwa wa lipangile. ¹¹ Umu tamwaba umwina Hela nangu umu Yuda, uwaputulwa no uushaputulwa, umututu no uwaishiba umubomfi elo no uwabula umulandu nomba fyonse na muli fyonse ni Klistu. ¹² Eico, nga abasalwa bakwa Lesa, abamushilp kabili abatemwikwa, fwaleni imitima yankumbu, ukutemwa, ukucefya ukunakila elo nokutekanya. ¹³ Muleyumfwila uluse. Muleshipikishanya cilaumo. Nga aleilishanya paa mulandu wa munankwe, muleelela nga filya Shikulu amyelele. ¹⁴ Nakuulisha, mukwa citemwiko, icaikatilila ukufikapo. ¹⁵ Lekeni umutende wakwa Klistu uteke mumitima yenu. Ni muli uyu wine mutende mwaitilwe mu mubili umo. Kabili muletasha. ¹⁶ Lekeni icebo cakwa Lesa cikale muli imwe mubwingi, mulesambilisha mu mano nokukoseleshanya. Cilaumo nomunankwe ne nyimbo sha kushinshimuna na munyimbo sha mupashi. Muleimba na ukutotela mumitima yenu kuli Lesa. ¹⁷ Conse ico mulecita, ukulanda, nangu mukucita citeni fyonse mwishina lya kwa Shikulu Klistu muletotela Lesa Tata ukupitila muli ena. ¹⁸ Mwebakashi, muleba abanakilila kubalume benu, nga fintu caba muli Shikulu. ¹⁹ Mwebalume, muletemwa abakashi benu, mwilaba nobukali awe kuli bena. ²⁰ Mwebana muleba ababnalkila kubafyashi benu mufintu fyonse, pantu ici ku sekesha Shikulu. ²¹ Mwebawishi, mwilafulwisha abana benu, pakuti bekala tompoka. ²² Mwebabomfi muleumfwila ba wisokulu, ukulingana nomubili mufintu fyonse temulandu wa kumimona kubantu, lelo citeni nomutima uwawama. Mutima uwawama. Muletina Shikulu. ²³ Conse ico mulecita citeni no mweo wenu onse nga kuli Shikulu tekubantu awe. ²⁴ Mwalishiba ati mukapokelela icilambu ukufuma kuli Shikulu ica bupyani. Ni Shikulu Klistu uo mubombela. ²⁵ Pantu onse uucita ububifi akapokelela icilambu cabubifi acitile, takwaba kapatulula.