¹ Bashikulwibo, peleni ababomfi benu ifisuma ne fya mulinganya. Namwishiba ukuti na mukwata Shikulu wenu kumulu. ² Konkanyenipo ukwiminina mwi pepo. Beni abaibukila mumatotelo. ³ Muletu pepelako nafwebo bene , pakuti Lesa esule icibi cacebo, ukulanda ifyankama fyakwa Kristu. Pamulandu waici, nebo nalikakwa. ⁴ Pepeni pakuti ncite icisuma, elo nande efyo mfwile ukulanda. ⁵ Endeni namano kuba kunse, no kubomfya inshita. ⁶ Lekeni amashiwi yenu yabe aya senaminwa. Lekeni yabe aya bikwamo umucele, pakuti mwingeshiba efyo mwingasuka cila muntu. ⁷ Fyonse ifikumine nebo, Tukiki akafilenga fikeshibikwe mwebo. Ena ni muninefwe uwa temwikwa, umubonfi uwacishinka, nomusha munensu uwakwa Lesa muli Shikulu. ⁸ Namituma kuli mwebo pali ifi, pakuti mwingeshiba umulandu wa pali fwebo, pakuti finga koselesha imitima yenu. ⁹ Nalimutumine pamo na Onesim, uwacishinka ni muninefwe uwatemwikwa, uwa muli mwebo. Bakamyeba fyonse ificitika kuno. ¹⁰ Aristaki, umufungwa munandi, alemiposha, pamo pene na Mako, umufyala wakwa Banabashi (pamo ngefyo mwapelwa ifunde; ngaisa kuli mwebo, mupo keleleni), ¹¹ pamo pene na Yesu uwitwa Yusti. Aba abaputulwa ebo tubomba nabo mubufumu bwakwa Lesa. Ebankoselesha nebo. ¹² Epafra alemiposha. Uyu umo uwa pali mwebo umusha muli Shikulu Yesu. uyu alamilwilako mu mapepe, pakutila mwiminine nomupwilapo abacingililwa mubufwayo bonse ubwakwa Lesa. ¹³ Namubela bukambone, ukuti amibombele na maka, kuli bonse abali ku Laodi, nakubali ku Hiepoli. ¹⁴ Luka umutemwikwa ing'anga na Demas bali mukumiposha. ¹⁵ Posheni bamuninefwe abali ku Laodi, naku Numfa, ne cilonganino caba mu ng'anda yakwe. ¹⁶ Iyi nkalata ngaya belengwa kuli mwebo mukabelenge necilonganino caku Laodikea. ¹⁷ Landa kuli Arkipi, ''lolesha ulukuta wapokelela kuli Shikulu, ukuti ufikilishe." ¹⁸ Ndimukumiposha nokuboko kwandi- Polo. Ibukishani iminyololo yandi. Uku seneminwa kube naimwe.