¹ Mweba temwikwa, tamuli nakusumina imipashi yonse, Mulingile ukuyesha ukumna nga cakuti ifumine kuli Lesa, pamulandu wakuti bakasesema babuffi abengi na basalanganina mu calo. ² Nga mwacita fi ninshi mukalaishiaba umupashi uwakwa Lesa-Umupashi onse uwashiba ukuti Klistu Yesa aishile yaluka umuntu nishi wafuma kuli Lesa. ³ Na kabili umupashi onse uukana ukuti Yesu tafuma kuli Lesa. Uyo mupashi wa bumukanya Klistu, uyo mwalyumfwa ukuti uleisa, nomba walisa kale mu calo. ⁴ Mwebo mwafuma kuli Lesa, mwe bana batemwikwa, kabili mwalicimfya bonse, pamulandu wakuti uwaba muli mwebo mukulu ukucila uwaba muba mu calo. ⁵ Aba bafuma ku calo; eico nefyo bali mukulanda fifuma ku calo, ne calo cili mukubomfwa bena. ⁶ Fwebo twafuma kuli Lesa. Uyo onse uwaishiba Lesa alatumfwa. Noyo onse uushafuma kuli Lesa tatumfwa. Kulici eko twishibila umupashi wacinshinka no wabufi. ⁷ Mwe batemwikwa, tuletemwana umo no mubiye, pantu icitemwiko cafuma kuli Lesa, uyo onse uwaba nokutemwa uyo afyalwa kuli Lesa na Lesa alimwishiba. ⁸ Umuntu ushaba nokutemwa ninshi taishiba Lesa pantu Lesa kutemwa. ⁹ Pamulandu waici emo Lesa atulangila ukutemwa muli fwebo, uyu Lesa eco atumine umwana umwaume uwafyelwe eka muno calo ukuti fwebo twikale na ena. ¹⁰ Ici citemwiko caba ifi, tepa mulandu wakweba ati fwebo twalitemwa Lesa, lelo ena alitutememwe fwebo, eco ena atumine umwana wakwe umwaume mukwisaba ilambo lya kufumya imembu shesu. ¹¹ Mwebatemwikwa, nga Lesa atutemwa ngefi, nefwebo bene na tutemwe abanensu. ¹² Tapaba nangu umo uwamonapo Lesa . Nga fwebo twatemwana, Lesa akabelelela muli fwebo, nokutemwa kwakwe kukalatwalilila muli fwebo. ¹³ Pali ici fwebo twalishiba ukuti twaba muli ena na ena muli fwebo, pakuti ena alitupelako mupashi wakwe. ¹⁴ Kabili twalimona elyo kabili tuli bakambone mukushininkisha ukuti Lesa atumine umwana wakwe umwaume pa kuti apusushe icalo. ¹⁵ Nangula cingaba ukuti Yesu mwana umwaume uwakwa Lesa, Lesa aliba muli ena na ena muli Lesa. ¹⁶ Kabili twalishiba no kusumina twalisumina ukuti Lesa alitutemwa. Lesa kutemwa, noyo onse uwaba no kutemwa ninshi aba na Lesa na Lesa aba muli ena. ¹⁷ Pa mulandu neci, kanshi icitemwiko nga caliba icapwililika muli fwebo, ninshi fwebo tukaba abacilumba pa bushiku bwa bupingushi, pantu ena aba, ngefyo nafwebo twaba muno calo. ¹⁸ Apali ukutemwa tapaba mwenso. Icilingile, icitemwiko icapwililika cipwisha umwenso, pantu umwenso fibomba ngoupanikwe. Nomba umo uwamwenso ninshi tafikapo pa kutemwa. ¹⁹ Eico fwebo tuletemwana pantu Lesa ewabalilepo ukutemwa fwebo. ²⁰ Nga umo alanda ati, "ena alimutemwa Lesa" nomba apata munyina wakwe, ena ninshi wabufi. kulyabo abashatemwa bamunyina, abo bamona, teti batemwe Lesa, uyo untu tabamonapo. ²¹ Eico ili efunde fwebo twakwata ukufuma kuli ena: uyo onse uwatemwa Lesa eico ali nokutemwa na munyina wakwe.