¹ Eico imfumu na Hamani baile mumutebeto wakwa namfumu Estere. ² Pali ubu bushiku bwa lenga bubili, ukutampa kwa kusefya kwa mwangashi, imfumu yalandile kuli Estere ati, "ni cinshi ica kukabia cobe, we namfumu Estere? Cili nokuba ica pelwa kuli iwe. Ni cinshi icakulomba cobe? Ukufika na kuli citiika wa bufumu, kabili cili nokuba ica pelwa." ³ Elyo na mfumu Estere ayaswike ukutila ati, "nga cakutila ati nasanga ububil mu menso yenu, mwe mfumu; kabili nga cakitila ati camisansamusha, lekeni umweo wandi uupelwe kuli ine-ici ecakukabila candi kabili nde lomba ici nakabili pa bantu bandi. ⁴ Pantu ifwe nabatu shitisha, ine na banti bandi, kukonaulwa, ukutwipaya, nokutulofya. Nga ca kuti ati ifwe batushitishafye mu busha bwekafye, nga baume nabanakashi abasha, nga na ikele tondolo, pantu takuli ubucushi ubuweme ngo bubuli nokulufyanya imfumu." ⁵ Elyo imfumu Ahasuerusi yalandile kuli Estere na mfumu ati, bushe ninani uyo wine? ni kwisa uyu muntu uko enga sangwa uyo uwaisushiwamo nokupama mu mutima wakwe ukucita icintu ca musango uyo?" ⁶ Estere alandile ati, "icipondo, umulwani uyu umubi Hamani!" Elyo Hamani atinine ku cinso ca mfumu nakuli Na mfumu EStere. ⁷ Imfumu yaimine mu cipyu ukufuma mukunwa umwangashi pa mutebeto no kuya mwi bala lya kwisano, lelo Hamani aikele ukupapatila pa mweo mweo wakwe ukufuma kuli na mfumu Estere. Amwene ukuti ubusanso bwalafika pali ena ukufuma kumfumu. ⁸ Elyo Imfumu ya bwelele ukufuma kwibala lya kwisano yaingile mumuputule umo balesefesha umwangaashi. Hamani ninshi na ponena pa ca kwikalapo apo apali Estere. Imfumu yalandile ati, "Bushe uuli no kucenda na namfumu mu menso yandi mu nganda yandi?" Mukwangufyanya kwa aya mashiwi aya fumine mu kanwa ka mfumu, aba bomfi bafimbile icinso cakwa Hamani. ⁹ Elyo Harbona, umo uwa mubalashi uyo uwalebombela imfumu, alandile ati, "kuli icimuti icalepa mubutali imikono amakumi yasano ica iminina lubali mu nganda yakwa Hamani. AcipangileMordekai, uyo umo uwa sosele ukucingilila imfumu. Imfumu yalandile ati, "mukulikilenipo pali ico." ¹⁰ Eico bakulike Hamani pa cimuuti ico apekanishishe Mordekai. Elyo icipyu ca mfumu cafwile panshi.