¹ Pali bulya bwine bushiku imfumu Asaelisi yapele namfumu Esta ifipe fyakwa haman umulwani wa ba yuda, na mordecai atampile ukubombela ku cinso ca mfumu, pantu esta alyebele imfumu ifyo modecai ayali nankwe. ² Imfumu yafulile inindaminwe yakufwatikilako, ilyo yapokolwele kuli haman nokuipela kuli modecai. Esta abilile modecai ukuba kangalila wa inganda yakwa haman. ³ Elyo nakabili easta asosele ku mfumu. Akontamike impumi yakwe panshi no kulila no kupapata kuli yena ukupwisha amapange ayabipa ayakwa haman umwina Agagi,ayo akwete ayakupwisha aba yuda. ⁴ Elyo imfumu yabulile inkonto ya golide no kupela kuli esta, aiminine no kwimaninaku cinso ca mfumu. ⁵ Asosele ati,'' Nga casekesha imfumu,elyo nga nasanga ububile mu menso yenu,nga cakuti ifintu fyamoneka ifilibwino ku menso ya mfumu, elyo na sekesha mu menso ya mfumu, lekeni cipampamikwe cilembwe icakukanya ku makalata ayo Hamani umwana mwaume wakwa Hammedata umwina Agagi, ama kalata ayo alembele aya konaula aba Yuda abali mufitungu fyonse ifya mfumu. ⁶ Pantu bushe kuti natemwa ndemona ubonaushi bulepona pa bantu bandi? Bushe kuti nashipikisha ukutamba icinkunka pali balupwa lwandi?" ⁷ Imfumu Asaelusi yasosele kuli namfumu Esta na kuli Modecai umu Yuda ati, "Moneni, ine nimpela Esata inganda ya kwa Hamani, elyo nabakulika Hamani pa cimuti, pantu ali no kusansa aba Yuda. ⁸ Lembeneni nacimbi icipope nacimbi pa ba Yuda mwishina lya Mfumu no kucipampamika ne nindaminwe ya mfumu. Pantu icipope ico icabapo calembelwe mwishina lya mfumu no kukakatikwapo inindaminwe yamfumu teti cifumishiwepo." ⁹ Elyo baitile abakalamba baku mfumu ba betile iyo iyine nshita, mu mweshi wa lenga itatu, emweshi wa sivani, mu bushiku ubwakulenga amakumi yabili na shitatu ku mweshi. Icapampamikwa icalembelwe mwali fyonse ifyo Modecai akonkomeshe ukulingana palwa ba Yuda. Calembelwe ku Balashi ba mufitungu, abalashi na ba cilolo ba mufitungu ifyo ifyali ifyapalamine ukufuma ku India na Kushi, ifitungu fyali 127, kuli cila citungu calembelwe ukulingana mufilembo fyabo, elyo kuli cila bantu mululimi lwabo, elyo na kuba Yuda mufilembo fyabo no lulimi lwabo. ¹⁰ Modecai alembele mwishina lya mfumu Asuelesi elyo no kukakatikapo ica kupampamika inindaminwe ya mfumu. Atumine ba kalata na basenda abensha ba kabalwe, bakabalwe abo abasalwa ukubomba ku mulimo kumfumu, abafyelwe kuli ba kabalwe abasalwa. ¹¹ Imfumu ya pele ku ba Yuda abo abali muli cila musumba ukubasuminisha ukulongana capamo elyo noku panga icaimikwa ukucingilila imyeo shabo; ukulofya, ukwipaya, no konaula abashilika abali bonse ukufuma kubali bonse nangu mucitungu abo abesa mukuba sansa bena, abaice ukubikapo fye nabanamayo, nangu ukonaula ifikwatwa fyabo. ¹² Ici Caishileba mumisumba yonse iya mfumu Asuelesi, pa bushiku ubulenga ikumi limo na shitatu mu mweshi uwalenga ikumi limo na shitatu mu mweshi uwalenga ikumi limo na ibili, uyo emweshi wa Adar. ¹³ Icikope cimo ica lembelwe ca pelwe nga ifunde muli cila citungu no kusabankanishiwa ku bantu bonse. Aba Yuda bali no kuipekanya ukuopokolola ku balwa babo. ¹⁴ Eico abasenda abensha bakabalwe aba kwisani abo abalebomfiwa ku milimo ya ku mfumu. Baile ukwabula ukushinga shinga. Icalembelwe ica mfumu ca pelwe ukufuma kwisano mu Susa. ¹⁵ Modecai afumine pa ceni camfumu nafwala ifyakufwala fya kubufumu ifya mukumbi makumi ne fyabuta pamo ne cisote icacindama ica golide no mwingala uutali uwa kashika uwayemba, elyo umusumba wa Susa wapundile no kusekelela. ¹⁶ Aba Yuda bali aba angukilwa no kusekelela ne nsansa no bucindami. ¹⁷ Muli cila citungu elyo nacila musumba. umwali icebo ca mfumu umo cakakatikwe califikile, mwali icongwe ne nsansa mu ba Yuda mwali umutebete no kutusha. Abengi ukufuma ukufuma ku bantu bambi aba pusana pusana aba mucalo baicitile ukuba aba Yuda, Pantu batumine aba Yuda ati balepona pali bena.