¹ Bulya bushiku imfumu tayalele. Akonkomeshe aba bomfi ukuleta icitabo ica fya lembwa ica fya malyashi yakale ica kutendeka kwa kuteka kwakwe, kabili bali abaipekanya ukushinguluka ku mfumu. ² Ca sangilwe apo balembele kulya ukutila ati Mordekai alyebelwe palwa kwa Bigtani na Tereshe, bakabilo babili aba mfumu abo abalelonda ukwa kwingilila, abo aba eseshe ukucita ububi ku mfumu Ahasueresi. ³ Imfumu yali pwishe ati, "cinshi cacitilwe ukumupela ukutasha nangu icibukisho kuli Mordekai pa kucita ici?" Elyo umulumendo wa mfumu uyo uwalebomba kuli ena alandile ati, "tapali nelyo cimo ica citwa pali ena." ⁴ Imfumu yalandile ati, "bushe ninani uuli mulubansa?" lelo Hamani aingile mu lubansa lwa kunse ulwa nganda ya mfumu ukusosa kuli ena palwa kukobeka Mordekai pa fimuti ifyo apekenye pali ena. ⁵ Aba bomfi ba mfumu balandile kuli ena ati, "Hamani eminine mu lubansa." Imfumu ya landile ati, "mulekeni ese mukati." ⁶ Ilyo Hamani aingile, imfumu yalandile kuli ena ati, "finshi finga citwa pa muntu uwo imfumu ilesekelamo mukucindika?" Lelo Haman alandile mumutima wakwe ati, "ninani uwo imfumu ilesekelamo mukucindila ukucila pali ine?" ⁷ Hamani alandile ku mfumu ati, "pa muntu uwo imfumu ilesekelamo muku mucindika, ⁸ lekeni balete amalaya ya mfumu, amalaya ayo imfumu ifwala, na kabalwe uyo imfumu ininapo kabili uyo uukwete kumutwe icifimbo ca bufumu. ⁹ Elyo lekeni amalaya na kabalwe fipelwe kuli umo uewacilapo bakataba bacilolo ba mfumu. Lekeni ba mufwike umuntu uyo imfumu ilesekelamo mukumucindika, kabili lekeni bamuninike pali kabalwe ukupita mutumisebo twa mu musumba. Lekei babile ku cinso cakwe, ifi eficitwa kuli um uyo imfumu ilesekelamo mukumu cindika!"' ¹⁰ Elyo imfumu yalandile kuli Hamani ati, "angufyanya, kasende amalaya na kabalwe, ngefyo ulandile, kabili ucite ifi pali Mordekai umu Yuda uyo uwikala pa mpongolo ya mfumu. wifilwapofye nangu cimo pafyo ulandile." ¹¹ Elyo Hamani abuulile ilaya na kabalwe. Afwikile Mordekai no kumuninika pali kabalwe ukumupishanya ukupita mutumisebo twa mumusumba. Alebilikisha ku cinso cakwe ati, "ifi eficitwa pa muntu, uwo imfumu isekelamo mukumucindika!" ¹² Mordekai ayalulwike ku mpongolo ya mfumu. Nomba Hamani alyangufyenye ukuya ku nganda yakwe, aleloosha, ninshi nafiimba na kumutwe wakwe. ¹³ Hamani aebele Sereshe umukashi wakwe na ba cibusa vakwe bonse ifintu fyonse ifyo ifya citike kuli ena. Elyo abaume bakwe abo abaishibe pa mano yabo, na Sereshe umukashi wakwe, alandile kuli ena ati, "nga cakutila ati Mordekai, acimfya ku cinso ca uyo uwatendeke ukukuponya, mu Yuda, tawaka mu cimfye, nomba niwe uuli noku cimfiwa ukupona ku cinso cakwe." ¹⁴ Elyo fye balelanda na ena, abalashi ba mfumu bali fikile. Balyangufyenye ukuleta Hamani ku mutebeto uwo Estere apekenye.