¹ Panuma ya nshiku shitatu, Esta afwele ifyakufwala fyakwe ifya bufumu nokuya iminina mu lubansa lwa mwisano lya mfumu, apalungatene ne nganda ya mfumu. Imfumu yaikele pa cipuna caiko icabufumu mu nganda ya bufumu, ukulungatana no mwinshi wa nganda. ² Ilyo Imfumu ya mwene Esta na mfumu naiminina mu lubansa asangile ububile mu menso yaiko. Yamutambike inkonto iyali mu minwe yaiko. Eico Esta alipaleme no ku kumya mulutwe lwa nkonto. ³ Elyo imfumu yatile kuli ena, "finshi ifyo ulefwaya, na mfumu ESta? Cinshi ico uleipusha? Ukufika kuli citika wa bufumu bwandi, cikapelwa kuli iwe." ⁴ Esta atile, "ngacakuti casekesha imfumu, lekeni imfumu na Hamani bese lelo ku mutebeto uo mipekanisishe." ⁵ Elyo imfumu yatile, "leteni Hamani bwangu bwangu, kukucita ifyo Esta asosele." Eico imfumu na Hamani baile ku mutebeto uo Esta apekenye. ⁶ Ilyo bacili balepekanya umwangashi pa mutebeto, imfumu yatile kuli Esta, "bushe cinshi icakulomba cobe? Cikapelwa kuli iwe. Bushe cinshi icakufwaya cobe? Ukufika pali citika wa bufumu, cikapelwa kuli iwe. ⁷ Esta ayaswike ati, "icakulomba kwandi ne cakufwaya kwandi nici, ⁸ nga cakuti ine nasanga uluse mu menso ya mfumu kabili nga cakuti casekesha imfumu kukupeela ukulomba kwandi no kucindika ukufwaya kwandi, lekeni imfumu na Hamani bakese ku mutebeto uo nkabapekanisisha mailo elyo nkasuka ukwipousha kwa mfumu." ⁹ Hamani afumine nasamwa bulya bushiku no kusansamuko mutima. Lelo ilyo Hamani amwene Mordekai ali pa mpongolo ya mfumu, ico Mordekai taimine nangu ukututuma pa cinso cakwe ukwabula umwenso, aiswilemo no bukali pali Mordekai. ¹⁰ Lelo, Hamani afulilwefye umwine eka elyo aile ku nganda yakwe. Atumine abakuyaita abanankwe no kubalonganika capamo, na Sereshe umukashi wakwe. ¹¹ Hamani alondolwele kuli bene ubwingi bwa fyuma fyakwe, ubwingi bwa mpendwa ya bana baume bakwe, napakusumbulwa uko kimfumu mu yamucindikileko, nefyo yamusansabike pali ba cilolo bonse napa babomfi ba mfumu. ¹² Hamani alandile ati, "namfumu Esat taciita nangu umo lelo ine kukuya nemfumu ku mutebeto uo acipekanya. Nangu mailo nakabili nindalikwa kuli wene pamo ne mfumu. ¹³ Lelo ifi fyonse tafilewama kuli ine ilyo lyonse namona Mordekai umu Yuda naikala pa mpongolo ya mfumu." ¹⁴ Elyo Sereshi umukashi wakwe atile kuli Hamani na banankwe bonse, uleke bapange icimuti icalepa imikono amakumi yasano. Mulucelo ukasose ku mfumu na bena ukukobeka Mordekai pali cena. Elyo ukengile ne mfumu kumutebeto ulesekelela." Awe ici casekeshe Hamani nao alengele icimuti ukucitwa.