¹ Ilyo Modekai auimfwile pali fyonse ifya citikile, alepwil insalu shakwe no kufwala ifyamasaka mo kuisuba imito. Aingila mukati ka musumba, nokulila umusowa uukalamba. ² Aya fika fye ku mpongolo ya mfumu pantu takwali nangu umo untu balesuminisha ukupita na malaya yamasaka. ³ Mu citungu conse, umwafikile icipope ca lmfumu ne funde lya mfumu, mwali imisowa iikalamba nganshi mu ba Yuda, no kufunga ukulya, ukulosha, nokulila. Nabengi basendeme mu masaka ne mito. ⁴ Ilyo abakashana bakwa Esta nababomfi bakwe baisa nokumweba na mfumu aikatwa nobulanda nganshi. Atumina Mordekai ifyakufwala ifyakumufwika (pakuti engafula icakufwala ce saka) , lelo alikene. ⁵ Elyo Esta aita Ataki, umo pali bacilolo ba mfumu uo basalile ukumutumika. Amweba ukuya kuli Modekai pakwisa mweba ifyalecitika ne calengele ne ficitike. ⁶ Eico Ataku aya kuli Modekai mu lubansa lwa musumba pa ntanshi ya mpongolo ya mfumu. ⁷ Modekai amweba fyonse ifya mucitikile, amweba necipendo ca ndalama ico Hamani alaile ukulipila ku cipao ca mfumu pakuti epaye aba Yuda. ⁸ Modekai amupele icikope cacikope ialembelwe noku salanganya mu Susa icakonaula aba Yuda. Acitile ico pakuti Ataki aye langa Esta, kabili nokuti benga mupa insambu ishakuya ku mfumu mukulomba ububile, kabli nokupapatilako abantu. ⁹ Eico Ataki aya nokweba Esta ifyo Modekai amwebele. ¹⁰ Elyo Esta asosele kuli Ataki no mukukonkomesha uku bwelela kuli Modekai. ¹¹ Asosele ati, "bonse ababomfi ba mfumu na bantu bakwe mu fitungu fya calo cakwe fyonse balishiba ukuti nga cakutila mwaume nanagu umwanakasgu uwaingila mu lubansa lwa mukati ukwabula ukumwita, pakabafye ifunde limo; ilyakuti ali nokwipaiwa-kani fye kuli onse untu imfumu yatambika inkonto ya golide ewakuba no mweo. Nshaitwapo ukwisa ku mfumu papita inshiku amakumi yatatu." ¹² Eico Ataki atwele ulusebo lwa mashiwi yakwa ESta kuli Modekai. ¹³ Modekai epakwasuka Esta ati, "witontokanya ukuti ifi ulu mwisano lya mfumu, ukapusuka kucikaponena aba Yuda. ¹⁴ Nga iwe wikale tondolo pali ino nshita, ukupusuka no kuluba kwaba Yuda kukema ukufuma ku ncende imbi, lelo iwe naba nganda yakwa wiso mukaloba. Bushe ninani wishibe limbi eco wabelele na mfumu nipa mulandu wa nshita nga iyi?" ¹⁵ Elyo Esta atumine amashiwi aya kuli Modekai, ¹⁶ "kabiye, ulonganike aba Yuda bonse abekala mu Susa, kabili noku mfungilako. Mwikalya nangula ukunwa amenshi pa nshiku shitatu akasuba no bushiku. Abakashana naine wine tukafunga muni mwine. Elyo panuma nkaya ku mfumu nangu line nkatoba ifunde, kabili nga kufwa kankafwe." ¹⁷ Modekai aya cita fyonse ifyo Esta amwebele ukucita.