¹ Panuma ya ifi fintu, imfumu Ahasuerusi asumbwilee Hamani umwana mwaume wakwa Hamedata umwina Agagi, kabili abikile icipuna cakwe nolipaka pamulu wabashilika bonse abo ali nabo pamo naena. ² Bonse ababomfi ba ku mfumu abo abali ku mpongolo ya kumfumu balefukama panshi no kukontama panshi kuli Hamani, pantu imfumu yakonkomeshe ukulacita, lelo Mordekai tafukeme nangu kukontama panshi. ³ Elyo ababomfi bakumfumu abo abali ku mpongolo ya kumfumu balandile kuli Mordekai ati, nga cinshi taulenakila icipope ca mfumu?" ⁴ Balelanda kuli ena akasuba lelo balekana ukumfwa kuli bena. Eico epakweba Hamani pakuti bamone ngacakuti pali Mordekai ngalatwalilila ukukana, pantu ena alibebele ukuti ndi mu Yuda. ⁵ Ilyo Hamani amwene ukuti Mordekai telefukama kabili talepela umucinshi kuli ena, Hamani epakwisulamo icipyu. ⁶ Lelo alikwete amapange aya kwipaya Mordekai ekafye pantu nababomfi ba kumfumu bali mwebele pali Mordekai nabantu bakwe. Hamani atampile ukupanga ifyo akalofya abayuda bonse, nabantu bakwa Mordekai abo abali mubufumu bakwa Ahasuerusi. ⁷ Mu mwenshi wa ntanshi (uyu emwenshi wa Nisoni), mumwaka uwalenga ikumi limo naibili kumfumu ya Ahasuerusi, Puri-eico ecakupendwilapo- pa cipuna ca cinso cakwa Hamani, pakufwailisha ukwishiba ubushiku no mwenshi, kanshi capendwile no kupendwila ukufikafye naku mwenshi we kumi limo naibili uuli mwenshi wa Adari. ⁸ Elyo Hamani alandile kumfumu, Ahasueruso ati, "kuli ibumba lya bantu bamo abaipatulako no kusalangana mukati kafitungu fyonse ifya bufumu bobe. Amafunde yabo yalipusana naya bantu bambi, kabili tabakonka namafunde ya mfumu, eico tacilingile kumfumu ukwikala nabo mulifi. ⁹ Ngacakuti casansamusha imfumu, peleni icipope cakubepaya, kabili kapela nokufunya amatalanti amakana amakumi aya Silfere mu maboko yabalebomba uyu mulimo ku mfumu kuli bena ukubika kucipao ca mfumu." ¹⁰ Elyo imfumu yabulile indalaminwe yaiko ukufuma kukuboko kwakwe nokupela Hamani umwana mwaume wakwa Hamadaa umwina Agogite, umulwani waba Yuda. ¹¹ Imfumu yalandile kuli ati, "ndinokumona ukuti indalama shabwelelo kuli iwe na kubantu bobe, ucitile emo ulefwaila." ¹² Elyo bakalemba wakufuma balitilwe mumwenshi wantanshi mubushiku bwalenga ikumi na shitatu, ifyalembelwe fyonse ifyo Hamani akonkomeshe ukulembela kumfumu ifyalembelwe kubalashi bamufitungu abo aba mufitungu fyonse, kubalashi bonse abantu abalekanalekana kabili kubakalamba bonse aba bantu, nakucitungu conse ukulingana mumalembo yabo, nakubantu bonse mululimi lwabo lwine. Calembelwe mwishina lya mfumu Ahasuerusi babikilepo nembala minwe yaiko. ¹³ Amakalata batumine mukuboko kwakwa kapaso mufitungu fyonse, ifya bu fumu, yalembelwe ukutila ati, kwipaya nokonaula bonse aba Yuda ukufuma kumulumendo, kumwaice nabanakashi ubushiku bumo-mu bushiku bwalenga ikumi limo naibili (uuli mwenshi wa Adari)-kabili nokusenda ifikwatwa fyabo. ¹⁴ Icikope cankalata capangilwe ifunde muli cila citungu, muli cila citungu pakuti beshibe nokuipekanya pali bulya bushiku. ¹⁵ Inkombe shafumine, kabili ukuya shilebutukisha ukusalanganya icipope ca mfumu amafunde yalipelwe na citungu ca Susa. Imfumu na Hamani balikele panshi nokulanwa, lelo umusumba wa Susa walifye mucimfulunganya.