¹ Panuma yaifi fintu, ilyo ubukali bwa mfumu Ahasuerusi bswacepele, aibukishe pali Bashiti ne fyo acitile. Kabili aibukishe ubupingushi apangile pali ena. ² Elyo abalumendo ba mfumu abaleibombela batile, "lekeni bafwile imfumu abakashana bana cisungu abasuma. ³ Lekeni imfumu isonte ba cilolo mu fitungu fyonse ifyo bufumu bwaiko ukulonganiak pamo abakashana bana ciusungu bonse abasuma pe sano lya mu Susa. Balekeni balesungwa na Hegeli, cilolo wa mfumu kangalila waba namayo, kabili abapele ifya kubayemfya fyabo. ⁴ Lekeni umukashana uwasekesha imfumu abe namfumu ukupyana Bashiti." Ici cebo casekeshe imfumu, kabili yacitile umo mwine. ⁵ Mwali umu Yuda umo mwisano mu Susa ishina lyakwe ni Modekai umwana mwaume wakwa Yairi umwana mwaume wakwa Shimeli umwana mwaume wakwa Kishi, umwina Benjamini. ⁶ Alisendelwe muli bunkole ukufuma ku Yerusalemu na bunkole pamo nabo abasendelwe uli bunkole na Yeoakimu, imfumu ya Yuda, uo Nebukadnesari imfumu yaku Babiloni yasendele muli bunkole. ⁷ Ewalesunga Hadasa, ekutila, Estere umwana mwanakashi wakwa munyina wakwa wishi, pantu takwete wishi nangu nyina. Umukasha aali uwayemba icata kabili umusuma mukumoneka. Modekai amubulile ngo mana mwanakashi wakwe. ⁸ Ilyo fyabilikishiwe icipope ne cebo camfumu abakashana abengi baliletelwe kwisano lyaku Susa. Babikilwe mu kuboko kwa kwa Hegai. Kabili Estere nao atwelwe ku cipango camfumu no kubikwa mu minwe ya kwa Hegai, kangalial wa banakashi. ⁹ Umukashana alimusekeshe, kabili asangile ububile kuli ena. Bwangu bwangu amupele nefya kumufyemfya ne cakulya cakwe ico bamupumine. Abikile kuli ena abakasha ababomfi cine lubali ukufuma mu cioango ca mfumu, kabili amuseseshe na bakashana ababomfi ku ncende iya wamisha mu nganda ya banakashi. ¹⁰ Estere taebele nangu umo abantu bakwe nangu ulupwa lwakwe bali nibani, pantu Modekai amukonkomeshe ukukanalanda. ¹¹ Cila bushiku Modekai ale enda pantanshi yalubansa lwa nganda yabanakashi, ku kwishiba ifo Estere ali kabili ne fingacitwa kuli ena. ¹² Ilyo inshita yafika kuli cila mukashana iya kuya ku mfumu Ahasuerusi- panuam nabeela ifyalekonkwa ku banakashi pa myeshi ikumi na ibili, pantu ifi efyalepita inshita yakuiyemfeshamo kwabo; myeshi mutanda baalesubwa amafuta ya Muri na imbi mutanda na mafuta ya balsamu ne fyakui yemfya- ¹³ Ilyo umukashana aleya ku mfumu, conse ico akabile ukufuma mu nganda ya banakashi calepelwa kuli ena pakuti ena asende ku cipango. ¹⁴ Mu cungulo aaleingilako, kabili mu lucelo aalebwelela ku nganda yacibili iya banakashi, ku muputule wakwa Shaashgasi, mutungulushi wa mfumu, uwali kangalila wa banakashi. Taali nokubwelela ku mfumu nakabili kanofye nga yamutemwisha apakalamba no kumwita pe shina lyakwe. ¹⁵ Nomba ilyo inshita yafikile kuli Estere (umwana mwanakshi wakwa Abihaili, munyina wakwa wishi Modekai, uwa mubulile ngo mwana mwanakashi wakwe) Iya kwingilila ku mfumu, taipwishe nangu cino kanofye ico Hegai mutungwi wamfumu, uwali kangalial wa banakashi, alandile. Nomba Estere apokelele ububile bwa bonse abamumwenbe. ¹⁶ Estere atwelwe umwaleikala imfumu Ahasuerusi mu mweshi we kumi, ekutila umweshi wa Tebeti, mu mwaka wa cine lubali uwa kuteeka kwakwe. ¹⁷ Imfumu yatemenwe Estere ukucial abanakashi bambi bonse kabili apokelele ububile ne cikuku pa cinso caiko, ukucila bana ciungu bambi bonse. Eico ya mubikile icilongwe ca bufumu ku mutwe wakwe no kumucita namfumu ukupyana Bashiti. ¹⁸ Imfumu yapele umutebeto ukalamba kuli bacilolo baiko bonse na kubabomfi baiko, "umutebeto wakwa Estere," kabili yapele nokutuusha kwa misonko ku fitungu. Kabili apeele ne fyabupe ukulingana ne cuma cabufumu. ¹⁹ Nomba ilyo bana cisungu balongene pamo umuku wacibili, Modekai aikele pa mpongolo ya mfumu. ²⁰ Estere aali talaebako nangu umo mpalwa lupwa lwakwe nangu abantu bakwe, ngefyo Modekai amukonkomeshe. Akonkenyepo ukukonka ukupanda kwakwa Modekai, ngefyo acitile ilyo alemusunga. ²¹ Muli shilya nshiku, ilyo Modekai aleikala pa mpongolo ya mfumu, bacilolo ba mfumu babili Bigitana na Tereshi, abalelonda umwindhi balikalipile noku panga ukucita uboni ku mfumu Ahasuerusi. ²² Ilyo umulandu waishibikilwe kuli Modekai, aebele Estere na mfumu, nao Estere asosele ku mfumu mwishina lyakwa Modekai. ²³ Ilyashi lyalifwailishiwe no kusanga ukuti ca cine kabili abaume bonse babili bakulikwe pa fimuti. Uyu mulandu walilembelwe, pa cinso ca mfumu, mwi buuku lya fyalecitika mu kuteeka kwakwe.