¹ Awe Agrippa atile kuli Paulo, ''Ale ilandile we mwine.'' Elyo Paulo atambalike ukuboko kwakwe nokuipokolola. ² ''Ine naba uwansansa, Mwe mfumu Agrippa, pa kuleta umulandu wandi kuli imwe ilelo pali fyonse ifyo aba Yuda bampela imilandu, ³ Makanakala pantu imwe mwalishibisha mufishilamo na mepusho yaba Yuda. Eico ine namipapata ukuti mungumfwe no kutekanya. ⁴ Icine fye aba Yuda bonse balishiba ifyo ine naikala ukufuma fye kubwaice bwandi mu calo candi na mu Yerusalemu. ⁵ Balingishiba ukufuma fye na pa kutendeka, nga cakuti bali fye abakucisumina, ukuti naikele ngo mufalise, impuka ya banta abasakamana nganshi ukubaka amafunde yampepele yesu ukucila bantu bonse. ⁶ Nomba naiminina pano ukuti mpingulwe pe subilo lyandi mucilayo ico Lesa apangile kuli ba shifwe. ⁷ Nici cine cilayo ico imikowa yesu ikumi nga bena bashinshimuna Lesa muli bucishinka ubushiku na kasuba, elyo mi muli ililine sabilo, mwe mfumu, elyo aba Yuda balempelelapo umulandu. ⁸ Chinshi ico mushinga suminina ukuti Lesa alabusha kubafwa? ⁹ Nomba icinecine, ine naletontonkanya ukuti nkacita ifintu ifingi ifya kulwisha pe shina lya kwa Yesu wa ku Nazareti. ¹⁰ Nacitile ifi mu Yerusalemu. Naisashile mucifungo abantu bamushilo abengi abakwa Lesa ukupitila munsamba isho wapokele kuli ba shimapepo bakalamba; elyo ilyo ba bepeye, ine nshasuminisheko pali bena. Nalibakandile inshila ishingi mu ma synagogues elyo naeseshe ukubapatikisha ukupontela Lesa. ¹¹ Nali uwa fulwa no kukalipa pali bena elyo nali bapakashile ukufika fye na ku misumba ya mu fyalo fimbi. ¹² Ilyo fye nalecita ifi, Naile ku Damascus ne nsambu no lupaka ukufuma kuli ba shimapepo bakalamba. ¹³ Elyo ilyo naleya munshila kulya, akasuba pakati, mwe mfumu, Namwene ulubuto ukufuma mumulu lwali ulwabutisha ukucila akasuba, elyo lwabalikile ukushinguluka bonse ine nabaume abali naine palwendo. ¹⁴ Elyo bonse twawile panshi, ine naumfwile ishiwi lilelanda kuli ine ilyo ilyasosele mu lulimi lwa ci Hebele, ''Sauli, Sauli, cinshi ico iwe umpakashila tecintu cayanguka ukupanta icakusoswelako. ¹⁵ Elya ine natile ati, 'Nimwe bani shikulu?' shikulu ayaswike ati, 'nine Yesu uyo iwe upakasa. ¹⁶ Nomba ima iminina na ku makasa yobe; Pantu nipali uyu mulandu ine namonekela kuli iwe, ku kusonta iwe ukuba umubomfi elyo kambone ukulingana ne fintu ifyo iwe waishipo pali ine nomba elyo nefintu ifyo nkalanga kuli iwe inshita imbi; ¹⁷ Elyo ine ndi no kukupokolola ukufuma kubantu no kufuma kubena fyalo uko ine ndekutuma. ¹⁸ Mu kubesula amenso yabo elyo no kubafumya ku mfimfi ukuya ku lubuto elyo no kupilibula ku maka yakwa Satana baye kuli Lesa, eico ukuti bena bapokelele ukubelelwa uluse kumasambi ukufuma kuli Lesa elyo no kupyaninina uko napele kuli abo abasangululwe ukupitila mu citetekelo muli ine.'' ¹⁹ Eico kanshi mwe mfumu Agrippa, ine nshaksns ku cimonwa ca mumulu, ²⁰ Lelo ukutendekela kuba mu Damascus, elyo kabili mu Yerusalemu, elyo ukupita monse mufyalo fya Yuda elyo pamo na mubena fyalo, ine nabapele imbila ukuti bafwile ukulapila no kupilibukila kuli Lesa, ukucita imwicitile iilelanga ukulapila. ²¹ Pali uyu mulandu aba Yuda balingikete mwitempele no kufwaya ukungipaya. ²² Eico kanshi ine napokelele ubwafwilisho ubo ubwafumine kuli Lesa ukufika na kuli buno bushiku, elyo ine ni ngiminina elyo no kapela bukambone kuli bonse abanono na ku bakalamba pa fyo takuti nelyo cimo ica kucelapo pa fyo bakasesema na Mose basosele icikacitika- ²³ Ukuti Klistu ali no ku cula elyo napakuba uwa kutampilapo ukubuka ukufuma ku bafwa ali no kubilisha ulubuto kubantu bwsu elyo na kubena fyalo.'' ²⁴ Ilyo Paulo apwile ifyakuipokolola Festus asosele ne shiwi ilya kupundisha ati, ''Paulo iwe walipena; ukusambilila kobe ku kalamba kwakulenga iwe ukupena.'' ²⁵ Lelo Paulo asosele ati, ''Ine nshapena, mwe ba cindama abapulamo ba Festus, lelo ndesosa ifyebo fya cine ifisuma ifya bupingushi. ²⁶ Pantu imfumu yaishiba pali ifi fintu; Kabili eico ine ndesosela no kupama kuli imwe, pantu ine ndesubila ukuti takuli nelyo cimo ica muli ifi icafiswa ukufuma kuli yena; pantu ifi tafyacitilwe kumbali. ²⁷ Bushe imwe mulesumine bakasesema, mwe mfumu Agrippa? ine ningishiba ukuti na musumina.'' ²⁸ Agrippa asosele kuli Paulo ati, ''munshita iinono ulefwaya ukuncita umwina Klistu?'' ²⁹ Paulo atile, ''Ine ndepepa kuli Lesa, ukeeti nelyo cibe munshita upi nelyo munshita utali teiwe weka, lelo nabonse abo abalengumfwa pano ilelo, bengaba nga ine, lelo ukwabula ifi imunyololo ya ku cifungo.'' ³⁰ Elyo imfumu yaiminineko, elyo no mulashi, elyo na Bernice pamo, nabo abaikele pamo nabo; ³¹ Ilyo bafumine pa nse ya cikulwa balelanda kuli umo no nankwe batile, ''uyu muntu tacita nelyo cimo ica wamina ukufwa nangu ukukakwa.'' ³² Agrippa asosele kuli Festus ati, ''Uyu muntu nga tekutwala umulandu kuli kaisale nga akakulwa.''