¹ Mwebatemwikwa, mwisumina mu mupashi uli onse. Mucifulo cakuti, yesheni iyi imipashi mumone nga cakuti ifumine kuli Lesa, pamulandu wakuti abengi bakasesema babufi nabaya mwi sonde. ² Pali ici mukeshiba ukuti Yesu Kristu uwaisa muli bumubili afuma kuli Lesa, ³ kabili onse umupashi uushisuminisha ukuti Yesu tafuma kuli Lesa. uyu e mupashi uupinkana na Kristu, uyo mwaumfwa ukuti ukesa, kabili nomba uli na mwi sonde. ⁴ Mwafuma kuli Lesa, mwebana, kabili mwali bacinfya, pantu uyo aba muli imwe mukulu ukucila uyo aba mwi sonde. ⁵ Bafuma mwi sonde; eico ifyo balanda fya mwi sonde, kabili na sonde lilomfwa kuli bena. ⁶ Twafuma kuli Lesa. Uyo onse uwaishiba Lesa omfwa kuli ifwe. Uyo uushili wakuli Lesa tomfwa kuli ifwe. pali ici twalishiba umupashi wa cishinka no mupashi wa cilubo. ⁷ Mwebatemwikwa, lekeni tutemwane umo no mubiye, pantu ukutemwa kwafuma kuli Lesa, kabili onse uwatemwa ici afyalwa kuli Lesa kabili aishiba Lesa. ⁸ Umuntu uushitemwa taishiba Lesa, pantu Lesa kutemwa. ⁹ Pa mulandu waici ukutemwa kwa kwa Lesa kwasojolwelwe pali ifwe, ukuti Lesa atumine umwana wakwe fye umo mwi sonde pakuti twingekala pa mulandu wakwe. ¹⁰ Muli uku kutemwa, te mulandu wakuti twatemwa Lesa nico alitutemwa ifwe, kabili atumine umwana wakwe ukuti abe icikonsolwelo ca membu shesu. ¹¹ Mwebatemwikwa, ngaa Lesa atemenwe ifwe, naifwe tufwile twatemwana umo no mubiye. ¹² Tapali nagu umo uwa monapo Lesa. Nga twatemwana umo no mubiye, Lesa akekalilila muli ifwe, nokutemwa kuntu kwapwililika muli ifwe. ¹³ Pali ici natwishiba ukuti tuli muli ena, naena ali muli ifwe, pantu alitupelako umo umupashi wakwe. ¹⁴ Kabili twalimona no kushininkasha ukuti wishi atumine umwana ukuti eba kalubula we sonde. ¹⁵ Uyo onse uwasumina ukuti Yesu mwana wakwa Lesa, Lesa akekala muli ena naena muli Lesa. ¹⁶ Kabili, natwishiba nokusumina icitemwiko ico Lesa akwata pali ifwe. Lesa kutemwa kwali pangwa, onse uyo uwaikala muli uku kutemwa aikala muli Lesa, na Lesa aikala muli ena. ¹⁷ Pa mulandu waici, uku kutemwa kwali pangwa ukwa pwililika pali ifwe, pakuti tukabe abapama pa bushi bwa bupingushi , ngefyo aba, ifyo fine bushe tuli mu calo. ¹⁸ Tamwaba mwenso kututemwa, mucifulo cakuti ukutemwa kwapwililika kulafumya umwenso, pantu umwenso wendela pamo no kukandwa, Lelo onse uutina taba uwapwililika mu citemwiko. ¹⁹ Tutatemwa pantu Lesa alitutemwmwe pakubala. ²⁰ Nga onse alanda ati, "nalitemwa Lesa" lelo apata munyina, ninshi wa bufi. Pantu onse uusha tenwa nunyina, uyo amona, teti atemwe Lesa, uyo ashamona. ²¹ Napamo, ili lifunde ilyafuma kuli ena: Uyo onse uwatemwa Lea afwile atemwa na munyina.