¹ Uyo onse uwacetekela ukuti Yesu ni Kristu afyalwa ukufuma kuli Lesa, kabili noyo onse uwatemwa wishi nao atemwa umwana uwafyaalwa kuli wene. ² Ifi efyo twaishiba ukuti twatemwa abana bakwa Lesa: Ilyo twatemwa Lesa nokumfwila kuma funde yakwe. ³ Pantu uku ekutemwa Lesa: Ukuri tusunge amafunde yakwe. Na mafunde yakwe tayaba ayakutitikisha. ⁴ Pantu onse uwafyalwa kuli Lesa alacimfya isonde. Kabili uku ekucimfya ukwa cimfya isonde, ne cicetekelo cesu. Ni nina uyo ucimfya isonde? ⁵ Ni uyo uwacetekela ukuti Yesu mwana wakwa Lesa. ⁶ Ni uyo uwaishile na menshi no mulopa: Yesu Kristu. Taishile fye na menshi yeka, lelo na menshi no mulopa. Umupashi eupela ubunte, pantu umupashi e cine. ⁷ Pantu kwaba fotatu ifipela ubunte: ⁸ umupashi, amenshi, no mulopa ifi fitatu fyali suminishanya. ⁹ Ngatwa pokelela ubunte bwa bantu, ubunte bwakwa Lesa bukalamba. Pantu ubu e bunte bwakwa Lesa ubo apela pa mwana wakwe. ¹⁰ Uli onse uwa cetekela mu mwana wakwa Lesa nakwatw ubunte mu mwine eka. Uli onse usha cetekela Lesa umalenga ena ukuba uwa bufi, pantu tacetekela ubunte ubo Lesa apela pa mwana wakwe. ¹¹ No bunte ni ubu: Lesa atupele umweo wa muyayaya, no uyu mweo uli mu mwana wakwe. ¹² Uyo ukwete umwana nakwata umweo. Uyo ushikwete umwana wakwa Lesa takwete umweo. ¹³ Namulembela ifi fintu ukuti mwishibe ukuti na mukwata umweo wa muyayaya kuli imwe mwe bacetekela mwi shina lya mwana wakwa Lesa. ¹⁴ Nokuekupama uko twakwata pali wene, ukutila nga twalimba icili conse ukulingana no bufwayo bwakwe, ala tumfwa. ¹⁵ Kabili, nga twaishiba ukuti alatumfwa - ico conse ico twalomba kuli wene - natwishiba ukuti natukwata ico conse ico twalomba kuli wene. ¹⁶ Nga umo amona munyina acita ulubebembu ulushilekuma ku imfwa, afwile apepe, na lesa aka mupela umweo. Nalosha kuli abo ulubembu lwabo talulekuma imfwa. Kwaliba ulubembu ulukuma ku imfwa; nshilelanda ati afwile apepa pali ici. ¹⁷ Konse ukukanalungama lubembu, lelo kwaba ulubembu ukushikuma ku imfwa. ¹⁸ Twalishiba ukuti uyo onse uwafyalwa kuli Lesa tabembuka. Lelo uyo uwafywlwe kuli Lesa ala musunga nokumucilingilila, no mubifi teti amucene. ¹⁹ Twalishiba ukuti twafuma kuli Lesa, kabili twalishiba ukuti isonda lyonse lyalala pa maka ya mubifi. ²⁰ Lelo twalishiba ukuti umwana wakwa Lesa alisa kabili alitupela ukwiluka ukuti twinga mwishiba uwa cishinka. Kabili twaba muli ena uwa cishinka, mu mwana wakwe Yesu Kristu. Uyu ena ni Lesa wa cishinka no mweo w muyayaya. ²¹ Mwe bana, italusheni mwebene ku tulubi.