¹ Moneni umusango wacitemiwiko tat apel akuli ifwe, ukutila tuleitwa bakwa Lesa, kabili nefi efyo twaba. Napamulandu waici icalo tacatwishi, pantu tacamwishibe wene. ² Mwebatemwikwa, nomba tuli bana bakwa Lesa, kabili yacilati cisokololwe ifyo tuli nokuba. Twalishiba ukutila ilyo Kristu akamoneka, tukaba ifyo aba, pantu tukamumona ifyo wene aba. ³ Uyo onse uwaba neli subilo muli wene aiwaniya ku kupwililika umwine ifyo fye wene aba uwapwililika. ⁴ Uyo onse uubembuka acita imilimo ya bupulumushi pantu ulubembu bupulumushi. ⁵ Mwaishiba ukutila Kristu asokolwelwe pakutila asende ulubembu, kabili muli wene tamwaba lubembu. ⁶ Takwaba uwikalilila muli wene uutwalilila ukubembembuka. Takuli nangu umo uyo utwalilila ukubembuka uwamwishiba nangu ukumumona. ⁷ Mwebana, mwileka nangu umo amilufye. Uyo uucita ubulungami amulungami, ifyo fye Kristu aba uwalungama. ⁸ Uyo uucita ulubembu afuma kuli ciwa, pantu ciwa aba uwabembuka ukutula kukutendeka. Pamulandu wa ici umwana wa kwa Lesa asokolwelwe, pakutila wene anaule imilimo ua kwa ciwa. ⁹ uyo onse uwafyalwa kuli Lesa tatwalilila ukubembuka, pantu uluseke lwakwa Lesa lwaikalilila muli wene. Wene teti atwalilile ukubembuka pantu wene afyalwa kuli Lesa. ¹⁰ Nimuli ci emo abana bakwa Lesa kabili na bana ba kwa ciwa basokolwelwa: uyo onse uusjicita bulungami tafuma kuli Lesa, nangufye ni uyo ushatemwa munyinane. ¹¹ Pantu iyi embila iyo mwaumfwile ukutula ku kutendeka: Tube abatemwana umo no mu nankwe. ¹² Tatuli nokuba nga Kaine, uyo wafumine kuli ciwa no kwipaya munyina wakwe cinshi ico amwipaile? Pantu imilimo yakwe yali iyabipa neyakwa munyina iyalungama. ¹³ Mwipapa. mwe bamunyinane, nga isonde lya mipata. ¹⁴ Twalishiba ukutila twalifuma mu mfwa no kuba mu mweo, pantu twalitemwa ababwananyina. Onse uushitemwa aikalilila mu mfwa. ¹⁵ Onse uwapata munyina ni kepaya wabantu mwaishiba ukutila takwaba kepaya wabantu untu umweo wa muyayaya waikala muli wene. ¹⁶ Ni kui ci twaishibila ukutemwa, pantu Kristu atulile umweo wakwe pali ifwe. Naifwebene tuli nokutulila imyeo yesu ba munyinane. ¹⁷ Lelo uyo onse uukewte ifikwatwa fya mu calo, ena nga amona munyina ali mukukabila, kabili wene akana ukubomfya umutima wa nkumbu kuli wene, nimu nshilanshi ukutemwa kwa kwa Lesa kwingekalilila muli wene? ¹⁸ Mwebana banndi, twitemwafye mu mashiwi nangu pa lulimi, lelo mu ficitwa na mu cine. ¹⁹ Ni pali ci twaishibila ukutila tuli bamucine, kabili twatula imitima yesu kuli wene. ²⁰ Pantu imitima yesu nga ilatuseka Lesa mukalamba ukucila imitima yesu, kabili alishiba ifintu fyonse. ²¹ Mwebatemwikwa, nga cakuti imitima yesu tayituseka, twaba no kupama kuli Lesa. ²² Conse ico tulomba tuli nokupokelela ukufuma kuli wene, pantu tusunga amafumnde yakwe kabili nokucita ifinti ifyo ifimusekesha. ²³ Neli efunde lya kwe: Ukutila tuli no kusumina mu mwana wakwe Ysu Kristu kabili no kutemwa umo nomunankwe, ngefyo fye wene atupele ili funde. ²⁴ Uyo usunga anafunde ya kwa Lesa aikalilila muli wene, na Lesa aikalilila muli wene. Ni kuli ci twaishibila ukutila aikalilila muli ifwe, ku mupashi uyo apele kuli ifwe.