1 Mwebana, ndelembela ifif fintu kuli imwe pakuti, mwilabembuka. Lelo umo ngabembuka, twalikwata ndubulwila pamo na wishi, Yesu Kristu, umo umulungami. 2 Ecikonsolwelo camumbu shesu, kabli tepamembu fye shesu sheka, lelo nesha calo conse. 3 Talishiba ukuti twalisa mwishiba, ngacakuti twasunga amafunde yakwe. 4 Uyo Usosa, "nalimwishiba Lesa" lelo tasunga amafunde yakwe ninshi wabufi, kabili necishinka muli ena tamwaba. 5 Lelo uyo onse uusunga icebo cakwe, cine cine muli ena icitemwiko cakwe Lesa calipwililika. Mui ici emo twishibila ukuti twaliba muli ena: 6 Uyo onse uusosa ati aliba muli Lesa afwile umwine ukwenda ngefyo ale enda. 7 Mwebatemwikwa, nshilelelemba ifunde lipya kuli imwe, lelo ifunde lyakale ilyo mwakwata ukufuma kukutendeka. Ifunde lyakale ecebo ico mwaumfwile. 8 Lelo nalemba ifunde lipya kuli imwe, ilyacishinka muli Kristu na muli imwe, pantu imfifi ilepita, nolubuto lwacishinka nalutendeka ukusanika. 9 Uyo onse uusosa ukuti aba mulubuto leo alipata munyina ninshi aba mumfifi ukufika nanomba. 10 Uyo onse uwatemwa munyina ena aba mu lubuto kabili muli ena tamwaba nangu cimo icakumupunnuna. 11 Nomba uyo onse uwapata munyina aba mumfifi kabili endela mumfifi; taishiba neko aleya pantu imfifi yalimupofusha amenso yakwe. 12 Ndelemba kuli imwe, mwebana, apntu imembu shenu shalyelelwa pamulandu neshina lyakwe. 13 Ndelemba kuli imwe, bshifwe, pantu mwalimwishiba uyo uwabako ukufuma kukutendeka. Ndelemba kuli imwe, mwebalumendo, pantu mwalicimfwa umubifi. Namilembela imwe, mwebaice, pantu mwalishiba tata. Ndembele kuli imwe, bashifwe, pantu mwalishiba uyo uwabako ukufuma kukutendeka. 14 Ndembele kuli imwe, mwebalumendo, pantu mwalishiba, necebp cakwa Lesa caikala muli imwe, kabili mwalicimmfya umubifi. 15 Mwilatemwa icalo nangu ifintu fya pano calo. Nga cakuti umwatemwa icalo, ninshi ukutemwa kwakwa tata tamwaba muli ena. 16 Pantu ifintu fyonse ifyaba pano calo-ulunkumbwa lwamubili, ulunkumbwa lwamenso, elyo nomweo wacilumba - tafifuma, kuli tata lelo fifuma mu calo. 17 Icalo nefyo cifwaya filepita. Lelo uyo onse uucita ubufwayo bwwalwa Lesa akekalilila umuyayaya. 18 Mwebana, ino nishita yakulekelesha. Ngefyo mwaumfwa ati mukana Kristu aleisa, nomba bamukana Kristu nabasa abengi, muli twalishiba ukuti ninshita yakulekelesha. 19 Balifuma kuli ifwe. lelo tabafumine muli baifwe. Pantu ngafumine muli ifwe ngabalikala naifwe. Lelo kilto bafumine, ico calangile ukuti tabafumine muli ifwe. 20 Lelo imwe mwalikwata ubusubo ukufuma kuwashila, kabili bnse mwalishiba. 21 Nshilemilembela imwe pamulandu tamwaishiba icishinka, lelo ni pamulandu mwalishiba kabili ni pamulandu takwaba ubufi ubufuma mu cishinka. 22 Ninani uwabufi lelo no uyo uukana ati Yesu ni Kristu? Uyo muntu nimukana Kristu, apntu alakana wishi no mwana. 23 Pantu takwaba uukana umwana uwakwata wishi. Lelo uyo onse uulumbula umwana ninshi nawishi nao alikwata. 24 Nomba imwe, lekeni ifyo mwaumfwile ukufuma kukutendeka fikale muli imwe. Nga cakuti ifyo mwaumfwa ukufuma kukutendeka fyakala muli imwe, ninshi muli nokwikala mumwana namulu wishi. 25 Ici ecilayo ico atupeele - umweo wamuyayaya. 26 Ndembele ifi fintu kuli imwe pamulandu wa abo abengamilufya. 27 lelo imwe, ubusubo ubo mwapokelela ukufuma kuli ena bwikala muli imwe, kabili tamufwile mwafwaya umbi uwakumisambilisha fyonse kabili fyacishinka elfyo tefyabufi, ngefyo mwasambilishiwe, mwikale muli ena. 28 Eico mwebana, ikaleni muliena pakuti ilto akaba abapama kabili tatwakabe nensoni [acinnco cakwe pakwisa kwakwe. 29 Ngamwaishiba ati mulungami, ninshi mwaishiba ukuti uyo onse uucita ifisuma ninshhi afyalwa ukufuma kuli ena.