1 Nomba Yakobo aishile kwishiba ukuti kuli ing'ano ku Egypto. Aishile kulanda kubana bakwe ati, ''Cindo mwebo mukololeshanishisha?'' 2 Aishile kulanda, ''boneni kuno, Nebo ndyumfwile ukuti kuli ing'ano ku Egypto. Kabuyeni kulya elo nokutushitila ukutila tube abamweo nokukana ukufwa.'' 3 Bamunyina ikumi abakwa Yosefu baishile kuya kukushita ing'ano ku Egypto. 4 Nomba yakobo tatumine Benjamini, munyina wakwa Yosefu, naba munyina, pantu aishile kulanda, Nebo nditinine ukuti epali icabipisha caisa paliye. 5 Abana baume bakwa Israeli baishile kuya kukushita mukati kabali kuyako, pantu icipowe cali mu calo ca Kenani. 6 Nomba Yosefu ali nikateeka pacalo. Ewalikushitisha kubantu bonse abamucalo. Ba munyina Yosefu baishile nokufuma kuli ena nefinso fyabo panshi. 7 Yosefu abwene bamunyina elo alibeshibile, lelo alilufyenye kulibo no kulanda bukalibukali nabo. Aishile kulanda kulibo ati, ''Nikwisa mwebo mufumine?'' Baishile kulanda, ''Kucalo ca Kenani twishile mukushita ifilyo.'' 8 Yosefu alibeshibile bamunyina, lelo bena tabamwishibile ena. 9 Eluntu Yosefu aishile kwibukisha ifiloto ena alikubalotela, elo aishile kulanda kulibo, ''Mwebo muli nengu! Mwiashile mukubona incende shimo isha calo ishitacingililwa.'' 10 Baishile kulanda kuliye, ''Iyo, mweshikulu. Ababomfi benu beshile kukushita ifyakulya. 11 Fwebo bonse tuli bana bamuntu umo. Tuli bantu bacishinka. Ababomfi benu tabali nengu.'' 12 Aishile kulanda kulibo, ''Iyo mwebo mwishile kukubona incende ishitacingililwa ishacalo.'' 13 Fwebabomfi benu tuli babwananyina ikumi nababili, abana baume bamuntu umo mucalo ca Kenani. Boneni, umwaice buno bushiku ali pamo nabatata, elo idume imo tailipo.'' 14 Yosefu aishile kulanda kulibo, ''eico ndilandile kuli mwebo ati; mwebo muli nengu. 15 Muli ci mwebo mwakweshiwa. ubumi bwakwa Farao, tamwakafume pano, kano munyinenwe umwaice akese kuno. 16 Tumeni umo muli mwebo nokuleka aye ku bula wenu. Mwebo mukoshala mucifungo, ukuti amashiwi yenu yeshiwe, ngacakuti muli cishinka muli mwebo. Ngatalifyo, umweo wakwa Farao, icinefye mwebo muli nengu. 17 Aishile kubabika bonse mukulindwa panshiku shitatu. 18 Yosefu aishile kulanda kulibo pabushiku bwakulenga shitatu, ''Citeni ci nokuba nomweo, pantu nebo nditinine Lesa. 19 Ngamuli bantu bacishinka, lekeni wenu umo akakwe mucifungo umu, lelo mwebo mulekuya, mupite ing'ano shansala yamu mayanda yenu. 20 Mulete umwaice wenu kuli nebo ukutila amashiwi yenu yakaboneke ukuti yacishinka elo mwebo tamwakafwe. ''Efyo bena baishile kucita. 21 Bena balikulanda kumunankwe ati, ''Icinefye tuli nomulandu pali wesu ukuti fwebo twalibwene ukumanama kwa mutima wakwe uluntu alikutupapatila elo tatwaumfwile. Eco ukukumanama kwaishila pali fwebo.'' 22 Rubeni aishile kuubeba ati, ''Bushe ntamyebele mwebo ukuti, 'mwibembuka ku mwaice,' lelo mwebo tamwali kumfwa? Nomba, boneni, umulopa wakwe ukofwaikwa. 23 Bena tabaishibile ukuti Yosefu alikubomfwa, ico pali kapilibula pakati kabo. 24 Alifutatikile ukufuma kulibo nokuya kulila. Aishile kubwelulukila kulibo nokulanda kulibo. Aishile kubula Simon ukufuma muli bo nokumukaka pamenso yabo. 25 Eluntu Yosefu aishile kweba ababomfi bakwe ukwisusha ifipe fyaba munyina ing'ano, elo elo nokubwesesha indalama shamuntu nomuntu mulitumba wakwe, nokubapela impao shamunshila. Efyo caishile kucitwa kulibo. 26 Naba munyina balilongele impunda shabo ing'ano shabo elo baishile kufumako kulya. 27 Kabili umo palibo aliswile tumba wakwe kukupeela mpunda wakwe icakulya pancende balikulala, ena abwene indalama shakwe. Boneni, shali mukanwa kakwa tumba wakwe. 28 Aishile kulanda kuli bamunyina, ''Indalama shandi shili bweshiwe. Boneni; shili muli tumba wandi.'' Nemitima yabo yaishile kutunta elo balatutuma nokwalukilana, baishile kulanda, ''Cindo ici ico Lesa acita kuli fwebo. 29 Bena baishile kuli Yakobo, shibo mucalo ca Kenani elo baishile kumweba fyonse ifyaba ponene kulibo. Bena baishile kulanda, 30 Umuntu uyo, cibinda wa calo, alikulanda namfwe bukalibukali elo alikutontonkanya ukuti fwebo tuli nengu mucalo. 31 Namfwe twaishile kulanda kuliye, 'fwebo tuli bacishinka. Tatuli nengu. 32 Tuli babwananyina ikumi limo nababili, abana baume bakwa tata. Umo tabapo, nomwaice munonshiku ali natata mucalo ca Kenani.' 33 Umuntu uyo, cibinda wacalo, aishile kulanda kulifwebo, 'mulici nebo emo nakwishibila ukutila mwebo muli bacishinka. Sheni umo wenu nanebo, mupite neng'ano shansala ya mumayanda yenu, elo muye. 34 Mukayekulleta wenu umwaice kuli nebo. Eluntu nebo nakwishiba ukutila mwebo tamuli nengu, lelo ukutila mwebo muli bantu bacishinka. eluntu nakulekelelako wenu kuli mwebo, elo mwebo mwakusulwisha mucalo.''' 35 Caishile kuba nomba ulo bena baishile kwisula batumba wabo, kabili, boneni, umuntu nomuntu akafunda ka silfere kali muli tumba wakwe. Uluntu bena shibo baishile kubona utufunda twabo utwa silfere, bena balitinine. 36 Yakobo wishibo aishile kulanda kulibo, ''Mwanjipaishisha abana. Yosefu tabapo, Simoni aliya, elo mwebo mukampitile na Benjamini. Fyonse ifi fiponene pali nebo.'' 37 Rubeni aishile kulanda kuli wishi, ati, ''mwemukepaye abana bandi abaume babili nga ntakabweshe Benjamini kuli mwebo. Mubikeni mumaboko yandi, na nebo nakumubwesha kuli mwebo nakambi.'' 38 Yakobo aishile kulanda, ''umwana wandi takaye nemwe. Pantu wabo munyina alifwa elo ashala eka. Nga icibi camuponena munshila umo mwakuya, eluntu mwakutentemushisha imfwi shandi kumbo mubulanda.''