1 Caishile kuba nomba ukuti pampela yanyaka ibili iituntulu Farao alilotele. Boneni, aliminine pambali yamulonga wa Naile. 2 Boneni, Ing'ombe cine lubali shikofuma mumulonga wa Naile, ishabune elo ishakwina, elo shali kulya mufisonge. 3 Boneni, shimbi ng'ombe cine lubali shikofuma panuma iyaisho mumulonga wa Naile, isgabubi elo isgakonda. Shaliminine lubali lwa ng'ombe shinankwe mumbali ya mulonga wa Naile. 4 Eluntu ing'ombe ishibi elo ishakonda shalile ing'ombe cine lubali ishabune elo ishisuma. Eluntu Farao ahibukile. 5 Awe alilele nokulota umuku wa bubili. Boneni, Imitwe yang'ano cine lubali ikofuma mulupimbili lumo, iyaluteku elo iyabune. 6 Boneni, imitwe cine lubali, iyakonda elo iyaululwa kumwela wakukabanga, ikomena panuma yashena 7 Imitwe cine lubali iyakonda yaliminine iyo mitwe cine lubali iyaluteku elo iyabune. Farao aishile kubuka, elo, boneni, cali ciloto. 8 Caishile kuba nomba ukuti mulucelo umupashi wakwe walikucushiwa. Alitumine nokukuta baonse bashng'anga na baume bamano abamu Egypto. Farao aishile kubeba ifiloto fyakwe, nomba takwali nangu umo uwakushimbwila Farao. 9 Eluntu mushika waba kasumika aishile kulanda kuli Farao, ''Lelo nkoibukisha imilandu yandi. 10 Farao alikalipile ababomfi bakwe, nokubabikwa mukulindwa mung'anda yakwa mushika wa basole, mushika waba kafumbika nandi. 11 Fwebo twalilotele iciloto mubushiku bumo bwine, elo nandi. Fwebo twalilotele cilamuntu umwalolele ukushimbulwa kwa ciloto cakwe. 12 Kulya pamo namfwe kwali umulumendo umu Yuda, umubomfi wakwa mushika waba sole. Fwebo twalimwebele ena elo alishimbwile kuli fwebo iciloto ukulola kuli cilamuntu. 13 Caishile kuba nomba ulo atushimbwilile ifiloto fyesu. Efyo caishile kuba. Farao alimbweseshe pacifulo candi, nomba umunandi alimukulikile.'' 14 Eluntu Farao atumine nokukuta Yosefu. Balimufumishe lubilolubilo mucilindi. Aliibeyele umwine, alifwele nefyakufwala fimbi, nokuyaingila kuli Farao. 15 Farao alandile kuli Yosefu, ''nalilotele iciloto, nomba tapali tapali nangu umo uwakushimbula. Nomba ndyumfwile palwa webo, ukuti uluntu waumfwa iciloto kuti wacishimbula.'' 16 Yosefu alyasukile Farao, alandile, ''Tali candi. Lesa akoyasuka Farao nomutende.'' 17 Farao aishile kulanda kuli Yosefu, ''Muciloto candi. boneni, nebo nalitalame mu mbali yamulonga wa Naile. 18 Boneni, ing'ombe cine lubali shalikufuma mumulonga wa Naile, ishakwina elo ishabune, elo shalikulya mumulemfwe wafisonge. 19 Boneni, shimbi ng'ombe cine lubali shaisa kukonkapo, ishakunakuka, ishabipisha, elo ishakonda. Nebo ntatalamona mona mucalo conse ica Egypto ishakuba ngefi kububi. 20 Ing'ombe shakonda elo ishabubi shalilile ing'ombe cine lubali ishakwina. 21 Uluntu shalile shena, tekuti cishibwe ukuti shena shililile, pantu shalifye ishibi nga pakubala. Eluntu nashibukile. 22 Nebo nabwene muciloto candi, elo boneni, imitwe cine lubali shaisa kufuma mulupimbili lumo, iyaisula elo iisuma. 23 Boneni, shimbi mitwe cine lubali--- iyakuma, iyakonda, elo iyakululwa kumwela wakukabanga--- yaisa kwiminina pali shena. 24 Nemitwe shakonda shaliminine imitwe cine lubali ishabune. Nalilanda ifi filoto kuli bashing'anda, nomba tapaba nangu umo uwakunondolwela.'' 25 Yosefu aishile kulanda kuli Farao, ''Ifiloto fyakwa Farao fimi fine. Ico lesa akocita, ena alilangile kuli Farao. 26 Ing'ombe cine lubali ishabune myaka cine lubali, elo imitwe cine lubali iyabune myaka cine lubali. Ifiloto fimo fine. 27 Neng'ombe cine lubali ishakonda elo ishabubi ishaishile kwisa panuma yashena myaka cine lubali, elo nemitwe cine lubali ishakonda ishaululwa kumwela wakukabanga yakuba myaka cine lubali iya cipowe. 28 Ifi enfintu Nalandile kuli Farao. ico lesa akocita alisokolwele kuli Farao. 29 Boneni, imyaka cine lubali ikoisa yacikushi icikulu mucalo conse ica Egypto. 30 Imyaka cine lubali iyacipowe yakwisa kwima panuma, elo necikushi conse cakulabwa mucalo ca Egypto, ne cipowe cakupwishishasha calo. 31 Necikushi tacakebukishiwe mucalo pantu icipowe cakwisa kukonkapo, ico cakuba icafinisha. 32 Ico iciloto pakubwekeshiwapo kuli Farao nipamulandu wakuti ciliteyanishiwilwe kuli Lesa, elo na Lesa akoyangufyanya ukucita. 33 Nomba lekeni Farao abone umuntu wailuka elo uwamano, nokumubika pacalo ca Egypto. 34 Lekeni Farao asonte bacilolo pacalo, elo babule icapali fisano ifisabo fyacalo ca Egypto mu myaka cine lubali iyacikushi. 35 Lekeni bena bakolonganike ifilyo fyonse ifyamyaka iyi iyabune iyo iikoisa nokusunga ing'anda mwisamba lyamaka yakwa Farao, kukuba icakulya mumishi. Bena bafwile bashisunge shena. 36 Ifyakulya fikabe fyakupela icalo pamyaka cine lubali iya cipowe iikesa kuba mucalo ca Egypto. Namuli iinshila icalo tacakese konaulwa ku cipowe.'' 37 Uku kupandwa amano kwaliweme mumenso yakwa Farao namumenso yababomfi bakwe. 38 Farao aishile kulanda kubabomfi bakwe, ''Bushe fwebo kuti twasanga umuntu wamano ngoyu, uo umupashi wakwa Lesa ulimo?'' 39 Elo Farao aishile kulanda kuli Yosefu, ''Apo Lesa alikulangile webo fyonse fi, takuli nangu umo uwailuka elo uwamano nga webo. 40 Webo ukoba pang'anda yandi, eo kwishiwi lyobe eko abantu bandi bakalakumfwa. Pacipuna cabufumu peka epo nebo nkoba umukulu.'' 41 Farao aishile kulanda kuli Yosefu, ''Bona nebo ndikubikile pacalo conse ica Egypto.'' 42 Farao aishile kufula ininda minwe yakwe kukuboko elo aishile kuibika kukuboko kwakwa Yosefu. Aishile kumufwika ifyakufwala fya kolokondwe, nokumubika umunyololo wa golide mumukoshi wakwe. 43 Ena amucitile ukwenda mwiceleta lya cibili ilyo akwete. Abantu balibilikishe pali ena, fukameni. ''Farao alimubikile pacalo conse ica Egypto. 44 Farao aishile kulanda kuli Yosefu, ''Nebo nine Farao elo ukwabula webo, takuli umuntu uwingatumpula ukuboko kwakwe nangula ukuulu kwakwe mucalo conse ica Egpto.'' 45 Farao aishile kwinika ishina lyakwa Yosefu'' Safenati---Paneah.'' Alimupele Asenati, umwana mwanakashi wakwa Potifere shimapepo waku One, ukuba umukashi. Yosefu alifumine akoendauka mucalo ca Egypto. 46 Yosefu ali nemyaka amakumi yatatu uluntu atampile ukwiminina kucinso cakwa Farao, imfumu ya Egypto. Yosefu aishile kufuma pacinso cakwa Farao, nokupita mucalo conse ica Egypto. 47 Mu myaka cine lubali iya cikushi icalo calipeele ifisabo ifingi. 48 Aishile kukolonganika fyonse ifyakulya fyamyaka cine lubali iyo iyali mu Egypto elo atutile ifyakulya mumushi. Alibikile muli cila mushi ifilyo ifyali kufuma mufilime ifyo fyashingulwikeko. 49 Yosefu alitutile ing'ano ngo mucanga wapali bemba, shalifulile nganshi icakuti alilekele nokupenda, pantu takwali kupendwa. 50 Yosefu alikwete abana baume babili ulo imyaka yacipowe tailati kwisa, abo, Asenati, umwana mwanakashi wakwa Potifera shimapepo waku One, afyele kuli ena. 51 Yosefu ainikile ishina lyabubeli bwakwe Manase, pantu aishile kulanda, ''Lesa alilengele nebo ukulaba amacushi yandi yonse elo ne ng'anda yakwa tata.'' 52 Ainikile ishina lyakwa cikomka ibeli Efraim, pantu aishile kulanda, ''Lesa alilengele nebo ukufyala mucalo cakucula kwandi.'' 53 Ne myaka cine lubali iya cikushi iyo iyali mu Egypto yalipwile. 54 Ne myaka cine lubali iya cipowe yalitampile, ifyo Yosefu alandile. Mwali cipowe nucalo conse, lelo mucalo conse ica Egypto mwali ifilyo. 55 Uluntu icalo conse ica Egypto caishile kuponenwa ne nsala, abantu balikulilila ifyakulya kuli Farao. Farao aishile kulanda kubena Egypto bonse, ''Kabuyeni kuli Yosefu elo mucito ifyo akolanda. 56 Necipowe caishile kuba ponse pacalo. Yosefu aishile kwisula kumatala yonse no kushitisha kubena Egypto. Necipowe calilumine mucalo ca Egypto. 57 Icalo conse calikwisa ku Egypto kukushita ing'ano kuli Yosefu, pantu icipowe calikumine mucalo conse.