1 Panuma yafintu fyonse nalilolekeshe, kabili namwene icibi icaisuka mumulu. Neshiwi lya ntanshi ilyo naumfwile lyalelanda kwati lipenga, lilelanda ati, ''Isa pamulu pano, naine inkulange ifikacitika panuma waifi fintu.'' 2 Napopenefye nali mu Mupashi, nokumona icipuna icabufumu icapikwa mu mulu, naumo naikalapo. 3 Nowaikele pacipuna cabufumu alemoneka nge libwe lya yasipi ne lya sardi. Kwali nomukola mfula ukushunguluka icipuna cabufumu. Umukola mfula walemoneka nga ameradi. 4 Ukushinguluka icipuna cabufumu kwali ifipuna amakumi yabili na fine, elyo pafipuna paikele abakalamba amakumi yabili nafine, bafwele amalaya ayabuta notusote twa golide kumitwe yabo. 5 Kucipuna cabufumu kwalefuma ukubyata kwankuba namashiwi, nefibulukutu. Kwali ne nyali cine lubali shalebilimuka kuntanshi yacipuna cabufumu, isho ishali mipashi cine lubali ishakwa Lesa. 6 Nakuntanshi yacipuna cabufumu kwali na bemba uwalemoneka kwati cilola, kabili uwalebeka kwati libwe lya Krustali, Napakati kacipuna cabufu nokucishinguluka icipuna ca bufumu kwali ifibumbwa fine ifya mweo ifyaiswilemo amenso, kuntanshi na kunuma. 7 Necibunbwa camweo cantanshi cali kwati ninkalamu, necibumbwa camweo icabubili cali kwati ning'ombe iilume, necibumbwa ca mweo icabutatu cakwete pa menso icacine cali kwati ni lubambe ulepupuka. 8 Ifibumbwa fine ifya mweo cila cimo fyali kwete amapindo mutanda, ayaiswilemo amenso pamulu na panshi. Ubushiku nakasuba tafileka ukulanda ukutila, ''Wamushilo, wamushilo, wamushilo Shikulu Lesa wamaka yonse, uwaliko nouliko, noukesa bako.'' 9 Ilyo lyonse ifibumbwa fya mweo fibela ubukata, umucinshi, namatotelo kuwaikala pacipuna ica bufumu, uwaikala umuyayaya umuyayaya, 10 abakalamba amakumi yabili nabane, bapona panshi kuntanshi yawaikala pabufumu no kumupepa uwaikala umuyayaya umuyayaya. Bafula notusote twabufumu bapika ntanshi yacipuna cabufumu balelanda ati, 11 ''Walilinga mwemfumu kabili Lesa wesu, ukupokelela ubukata nomucinshi namaka, pantu nimwe mwabumba ifintu fyonse, nakubufwayo bwenu eko fyabelako kabili efyo fytabumbilwe.