¹ Lembela na malaika wa mucilonganino ca musardisi: Amashiwi uwaba nemipashi cine lubali iya kwa Lesa ne ntanda cine lubali, ''Nali shiba ifyo ucita. Walishibikwa ukuti uli uwa mweo, lelo wali fwa. ² Buka kabili koselesha abashala abali mupepi nokufwa, pantu nimona ukuti imilimo yobe taifikilepo ku cinso cakwa Lesa wandi. ³ Ibukisha, ukuti ifyo wapokelele nefyo wa umfwile. Nokucikonka, nokulapila leelo ngataushibwike, ndinokwisa ngo mupupu, kabili tawakeshibe ne nshita nkakwishila. ⁴ Leelo eko yali amashiwi yamo musardis abashakowesha amalaya yabo. Kabili abli nokwenda naine ninshi nabafwala amalaya ayabuta. Pantu balilinga. ⁵ Uwacimfya akafwala umwingila uwabuta. Kabili usha kafute ishina lyakwe mwibuku lyamweo, leelo nkalimbula ishina lyakwe kuli Tata, nakuli ba malaika. ⁶ Uuli na matwi, omfwe ico umupashi ulesosa kufilonganino.'' ⁷ ''Lembela na malaika wa mucilonganino camu Philadelphia: Ifi efya sosa uwa Mushilo kabili uwacine-- uuli nemfungulo yakwa Dabidi, uwisu lako ica kuti takuli uwingesalako, kabili uwisalako. ⁸ ''Nalishiba ifyo ucita. Mona, ninkwiswila icibi ico umuntu ashingesala nalishiba ukuti tawakwatisha amaka, leelo kwena walisunga amashiwi yandi neshina lyandi tawali kana iyo. ⁹ Mona! nkapeela aba mwisunagodi iya kwa ciwa, abatila ba Yuda leeloabashili ba Yuda iyo, leelo ababepafye-- ndinokubalenga ukwisa kufukanina pamakasa yobe, elyo bakeshiba ukuti nali kutemwa. ¹⁰ Apo walikonkele palwa kushipikisha, naine nkakupususha munshita yakwesha iileisa pabantu bonse aba pano isonde lyonse ukwesha bonse abekala pa calo. ¹¹ Ndeisa bwangu. Wikatishe ico ukwete wileka umuntu nangu umo akupokolole icisote cobe. ¹² Uukacimfya nkamulenga ukuba uluceshi mwitempele lya kwa Lesa wandi. Nao talinakufumamo nakabili, naine ndinokulemba ishina lya kwa Lesa wandi, neshina lya musumba wakwa Lesawandi (Yerusalemu mupya uuleika mu mulu ukufuma kuli Lesa wandi) neshina lya ndi ilipya. ¹³ Uli namatwi omfwe ico umupashi ulesosa ku filonganino. ¹⁴ ''Lembela na malaika wa mucilonganino camu Laodikea: ati fif efyo asosa Ameni, inte yacishinka, kabili iya cine uo Lesa abalilepo ukupanga. ¹⁵ ''Nalishiba ifyo ucita ukuti taeatalala kabili ukukaba tawakaba. (kutinatemwa) kanshi ngawali uwatalala nangu uwakabafye! ¹⁶ Leelo ico ululifye icifulefule--kabili tawakaba nangu ukutalala-- ndimukukufwisa ukufuma mukamwa kandi. ¹⁷ pantu utila, ndimukankala, kabili nalinonka ifyuma, kabili nshikabila kanta nangu kamo. Leelo tawaishiba ukuti uliwankumba bulili kabili umulanda kabili umupina kabili impofu, kabili uwendobwamba. ¹⁸ Ndekupanda ko amano: shita kuli ine golide iyalopololwa kumulilo pakuti ube umukankala, kabili ufwale ifya kufwala ifya buta pakuti wienda ubwamba, kabili ushite nomuti wakubika mumenso yobe pakuti uu;emona. ¹⁹ Ndabafunda nokubasalapula bonse abo natemwa. Eico, ube uwa cincila nokulapila. ²⁰ Mona, ninjiminina pacibi kabili ndekonkonsha. Ngomuntu nga umfwa ishiwi lyandi nokwisulako icibi, ndeingila mung'anda yakwe nokulya nankwe, nao aleliila pamo naine. ²¹ Uwacimfya nkamusuminisha ukwikalapamo naine pacipuna candi ica bufumu, ifyo naine na cimfishe nokwikala pamo natata pacipuna cakwe ica bufumu. ²² Uuli namatwi, omfwe ico Umupashi ulesosa kufilonganino.