¹ Elyo namwene icitabo icapombwa mu minwe yakuboko kwa kulyo kwa waikele pa cipuna ca mfumu. Ico citabo calembelwe mukati na kunse, kabili pakucifunga cakambatikwepo inamba cine lubali. ² Elyo namwene malaika uwamaka alebilikisha ne shiwi likalamba aleti, '''Nani engalinga ukukakatulapo inamba no kukupukulapo icitabo?'' ³ Leelo tapali nangu umo mu mulu nangu nipe sonde uwa kuti akupukule icitabo nangu ukuloleshamo. ⁴ Awe nalilile nobulanda pantu takwasangilwe nangu umo uwalingile ukukakatula ifikakatikilo fya citaabo ca pombwa nangu ukubelengamo. ⁵ Leelo umo pa bakalamba atile kuliine, ''Leka ukulila. Mona! Inkalamo ya mu mukowa wakwa Yuda, uwa mulupwa lwa kwa Dabidi, uwalumbuka na cimfya. Kabili ena kuti akakatula ifikakatikilo cine lubali ifyacitabo.'' ⁶ Namwene umwana wa mpanga eminine pakati kacipuna ca mfumu ne fya mweo fine na fishinguluka pamo na bakalamba. Peminine umwana wa mpanga ali kwati untu bepeye. Umwana wa mpanga ali ne sengo cine lubali na menso nayo cine lubali, iyi emipashi ya kwa Lesa cine lubali iya tumwa isonde lyonse. ⁷ Nao alileko nokupoka icitabo capombwa icali mukuboko kwa kulyo ku waikele pacipuna cabufumu. ⁸ Ilyo apokele icitabo icapombwa, ifya mweo fine pamo na bakalamba amakumi ya bili nabane fyawile panshi ku cinso ca mwana wa mpanga. Bonse bali namasesene mbale sha golide isha iswilemo ifya nunkila, nefya nunkila mapepo yabantu ba Mushilo abakwa Lesa. ⁹ Baimbile ulwimbo ulupya abti, ''Mwalilinga ukupoka icitabo nokukakatulapo inamba shilipo. Pantu bali kwipeye, kabili ku mulopa obe eko washitila Lesa abantu ukufuma ku mitundu yonse, nakubabandimi shonse abantu, nenko. ¹⁰ Kabili Mwabalengele ukuba ishamfumu kabili bashimapepo bakwa Lesa wesu, kabili ba kab bashamfumu aba kalateka isonde.'' ¹¹ Kabili na loleshe nokumfwa ishiwi lya ba malaika abengi abashingulwike icipuna cabufumu nefya mweo nabakalamba. Nempendwa yabo bali amakana ikumi uku fushiwa ku makana ikumi na makana ya makana. ¹² Balesosa ishiwi ilikalamba abati, ''Umwana wa mpanga uo baipeye, nalinga ukukwata amaka, nobucindami, namano, nobukose, nomucinshi, nobukata, na malumbo.'' ¹³ Baumfwile ifibumbwa fyonse ifyaba mu mulu nape sonde na panshi yesonde napali bemba nafyonse ifyabamo fileti, '' kuwaikala pa cipuna cabufumu nakumwana wa mpanga kube amalumbo, nomucinshi, nobukata, namaka penape.'' ¹⁴ Nefya mweo fine fya sosele afiti, ''Ameni!'' Nabakalamba aba wile panshi nokupepa.