¹ Palwa bantu bakwa Amoni, Yawe asose fi "Bushe Israeli takwata abana Bushe takuli nangu umo uwakupyana icintu conse mu Israeli? Bushe Mulandu nshi Moleki apyana mu Gadi, nabantu bakwe baikala mu misumba yakwe? ² Eco moneni, inshiku shileisa, uku kusosa kwakwa Yawe, ilyo nkalenga ipenga ukwita ubulwi na Raba ukumfwikwa pakati kabantu bakwa Amoni, eco akaluka umwina uwasulwa ne mishi ya musumba iko cewa no mulilo. Pantu Israeli akapokolola icalo kuli balya bene bamupokele," ³ Welesha imisowa, Heshiboni, pantu Ai nabongoloka! Akupundeni, mwe bana banakashi bakwa Raba! Fwaleni insalu shabulanda. Akulosheni nokubutauta mu kati ka cikulwa pantu moleki alesendwa muli bu nkole, pamo pene na ba shimapepo bakwe naba cilolo bakwe. ⁴ Cinshi ico ulatakishisha pa mulandu wa mipokapoka yobe, imipokapoka yobe iyafisabo, umwana mwanakashi uwabula icishinka ⁵ Mona, ndi mupepi nokuleta umwenso pali iwe, uku ekusosa kwakwa shikulu Yawe uwa mabumba, uyu mwenso ukesa ukufumunina kuli bonse abashinguluka. Imwe bonse bakamusalanganya takwakabe nangu umo uwakulonganika abalebutuka. ⁶ Lelo panuma ya ifi nkabwesha bu nkole bwa bantu baku Amoni, uku kusosa kwakwa Yawe." ⁷ Palwa kwa Edomu, Yawe wamabumba efyo asosa, " Bushe tamwaba amano kabili ayenga sangwa mu Temani? Bushe ukupanda amano kwaliloba kuli abo abakwata ukumfwa? Bushe bumpanda mano bwabo mwalingila amafisakanwa? ⁸ Fulumukeni! pilibukeni! mwikale mu filindi panshi, mwebekashi bamu Dedan. Pantu ndeleta icinkunka cakwa Esau pali ena panshita iya kumukanda. ⁹ Abakusombola ififwalo ngabaisa kuli iwe, bushe tekuti bakushileko finono? bushe aba pupu ngabaishile mubushiku, tekuti bonaulefye umo balefwaila? ¹⁰ Lelo ine napokolola Esau fyonse, Nasokolola no mwakubelama mwakwe. Eco takabelame nakabili. Abana bakwe, ba munyina, na bena mupalamano bakwe nabonaulwa, nokuloba na loba. ¹¹ Bushe abana ba nshiwa bobe, Ine nkabasunga, nabamukamfwilwa benu babike ukucetekela muli ine." ¹² Pantu Yawe asosafi, "Mona, abashalingile kunwa bali nokunwa mu lukombo. bushe iwe uletontonkanya ukuti tekuti ukandwe? Iwe teti ukane ukukandwa, pantu cinefye ukanwa. ¹³ Pantu ine nalilapa, uku kusosa kwakwa Yawe, ukuti Bosra akaba ica makankamike, ica musebanya icibolya, elyo icintu icatipwa. Yonse imisumba yakwe ikaba ifibolya umuyayaya. ¹⁴ Ine ni ngumfwa ilyashi kuli Yawe, ne nkombe naitumwa ku nko, 'Longaneni pamo noku musansa. Ipekanyeni ku bulwi.' ¹⁵ Pantu mona, ine ninkulenga ukucepa ku nko shimbi, ukusulwa ku bantu ¹⁶ Ukutinya kobe, icilumba camu mumutima obe nafikutumpaika, uwaikala mu fyakubamo mumabwe, waikala mutupili utwalepesha pakuti winga panga icinsa cobe apasansama nga kapumpe. Ine nkakutemuna ukufuma palya, uku kusosa kwakwa Yawe. ¹⁷ Edomu akaluka icakutinya kuli onse uulepitamo. umuntu onse akala papa nokutensha umutwe pa finkunka fikamuponena. ¹⁸ Ngafilya cali kuli Sodoma na Gomora nebene mupalamano babo, efyo asosa Yawe, takuli nangu umo ukukula kulya; takuli muntu ukekalamo kulya, ¹⁹ Mona, akema pamulu nge nkalamo ya lompoka mu mushitu wa Yordani pakuya ku mulemfwe uko abantu bacemena ifitekwa. Pantu Ine nkangufyanya ukulenga Edomu ukubutukamo, nokubikamo umbi ukusalwa ukuteka. Pantu ninani uwaba nga ine, elyo nani uuka njita kukundubulwisha? mucemi nshi uwinga shansha kuli ine? ²⁰ Eco umfwa kumapange ayo Yawe akwatile Edomu, amapange ayo apekenye ku bekashi bakwa Temani. Bakaba kulaula ukubasenda pamo na bana bacepesha. Mulya bacemena ifitekwa fyabo mukalulwa ifibolya. ²¹ Iciunda cakuwa kwabo cakutensha isonde. Iciunda ca ukuta yabo caumfwika kuli bemba. ²² Moneni, umo akasansa nga kapumpe, no kululumina panshi na ansa na mapindo yakwe pali Bosra. Elyo pali bulya bushiku, imitima ya bashilika ba mucalo ca Edomu ikaba ngo mutima wa mwanakashi uuli pa kupapa. ²³ Palwa Damasco: "Hamati na arpadi bakekatwa insoni, pantu ninshi nabomfwa ilyashi lya pa bonaushi. Basunguluka! Imitima yaima nga matamba pali bemba. Teti yabe tondolo. ²⁴ Damasco amaka nayapwa. Napilibuka ukuti afulumuke; akafwa ku mwenso. Ukulunguluka no bukali fyaikata umutima, ngobukali ku mwanakashi uuli pa kupapa. ²⁵ Bushe umusumba uwalulumbi washala shani icibolya, umusumba wakusekelela? ²⁶ Eico abalumendo ba mumusumba bakawa mu misebo ya mulya, na bashilika bonse bakaloba pali bulya bushiku, uku ekusosa kwakwa Yawe wamabumba." ²⁷ "Pantu nkasha umulilo ku fibumba fya mu Damasco, nokocela kumo na mayanda ya ba kakula aya mu Ben-Hadadi." ²⁸ Palwa Kedani no bufumu bwa kwa Hasari, Yawe asosa fif kuli Nebukadinesari imfumu yaku Babiloni; "Ima no kusansa Kedari nokonaula abantu aba kukabanga. ²⁹ Amatenti yabo ne fitekwa fyabo fikasendwa, kumo ne nsalu shaku cinga muma tenti ne fintu gfyonse; Ingamila shabo shikasendwa na banntu bakala ba pundilila abati, "Icintinya cilifye konse konse!" ³⁰ Fulumukeni! endeleni ukutali! ikaleni mu filindi panshi mwe bekashi ba mu Hasari uku eku sosa kwakwa Yawe, pantu Nebukadinesari imfumu ya Babiloni na mukwatila amapange. Fulumekini! Pilibukeni! ³¹ Imeni! sanseni uliko ulwaikala mu mutelelwe, ulwaikala mumutende" efyo asosa Yawe. "Talwakwata impomgolo nangu mipilikisho, abantu babamo baikalilafye abene. ³² Pantu ingamila shabo shikaba ishakutapa no bwingi bwa fipe fyabo bukaba ifyakuta fya bulwi. Elyo Ine nkasalanganya ku mwela onse abo abateya inkusu, kabili nkaleta pali bena ubonaushi ukufuma monse monse, uku kusosa kwakwa Yawe. ³³ Hasari akaba icakwikalmo ba mumbwe, akaba icibolya cakwikalamo. Takuli nangu umo ukelamo; takuli umutundu wa muntunse ukulaikala mulya." ³⁴ Ili eshiwi lya kwa Yawe ilyaishile kuli Yeremia kasesema palwa kwa Elam. ici cali pa kutendeka kwa buteko bwakwa Sedekia imfumu yakwa yuda, no kusosa ukuti, ³⁵ "Yawe wa mabumba asosa fi, Moneni Ine ndi mupepi no kwipaya abaume balwa ne mifwi mu Elamu, umutwe wabu mpalume bwabo. ³⁶ Pantu ndeleta imyela ine ukufuma mutupinda tune utwa calo, kabili nkasanganya abantu ba mu Elam ku myela yonse ine. Takuli uko tabakaye abo nkasalanganya ukufuma mu Elam. ³⁷ Eico Ine nkabaletela umwenso abena Elam pa nshita yabalwani babo, pantu nkaleta abo abafwaya imyeo yabo, pantu nkaleta ubonaushi pali bena, icipyu ca cifukushi, uku kusosa kwakwa Yawe, kabili nkatume mifwi panuma yabo mpakafye nkabapwishishe. ³⁸ Elyo Ine nkabika icipuna candi cabufumu muli Elamu nokonaula imfumu na cilolo ukufuma kulya, Uku ekusosa kwakwa Yawe. ³⁹ Kibili akacita mu nshiku shikesa ukuti nkabwe bu nkole bwa kwa Elamu, uku ekusosa kwakwa Yawe."