¹ Kuli Moabu, yawe wamabumba, Lesa wakwa Israeli, alandile ici, "Kalanada kuli Nebo, pantu naonaula . Kiriatamu naulengwe insoni nokwikatwa. ² Umucinshi wakwa Moabu taulipo kabili. Abalwani bakwe mu Heshebone babika ifinkunka pali ena. Batile, 'Isa nokuleka tumunaule ngoluko. Abantu abafulungana bali nokufwa -ulupanga lukamikonka panuma yenu.' ³ Kutike! Iciunda cakulila cileisa ukufuma ku Horonaimu uko ukuli ukolofya nobonaushi ubukalamba. ⁴ Moabu naonaulwa. Abana bakwe nabalenga imisowa yabo ukumfwikwa. ⁵ Bakanina ulupili lwa Luhiti balelila, kunshila ukutentemulila ku Horonaimu, ukupunda luleumfwika pamulandu wabonaushi. ⁶ Fyukeni! Pususheni imyeo yenu nokuba pamo nga icifuti mumatololo. ⁷ Pantu pamulandu wacitemwiko cenu muficitwa fyenu namufikwatwa fyenu naimwe mukekatwa. Elyo kemoshe akaya muli bunkole pamo nabashimapepo nentungulushi shakwe. ⁸ Pantu uwakonaula akesa kuli cila musumba; takuli umusumba ukafyuka. Eico umupokapoka ukonaulwa na pabatama pakonaulwa, ngefyo Yawe alandile. ⁹ Pelelni amapindo kuli Moabu, pantu limbi kuti apupuka aya. Imisumba yakwe ikasanguka icibolya, umo tamwakabe nangu umo uwakwikalamo. ¹⁰ Shi uli onse uli umunangani mukucita incito yakwa Yawe abe uwatipwa. Shi uli onse ulefumya ulupanga mukusumya umulopa abe uwatipwa! ¹¹ Moabu aletusha kumatwi tondolo ilyofye ali umwaice. Aba ngo mwanakashi ushatala etulwilwa ukufuma icipe ne cipe. Tatala ayamo muli bunkole. Kanshi omfwikwa bwino lyonsefye ; necinushi cakwe tacicinja. ¹² Eico mona, inshiku shileisa -uku ekusosa kwakwa Yawe -Ilyo inkamutumina balya abakamusulika ena nokwitulula shonse impoto shakwe nokutobaula imitondo yakwe. ¹³ Elyo Moabu akomfwila insoni Kemoshe ngefyo inganda yakwa Israeli yaumfwile insoni Betele, icakutetekelamo cabo. ¹⁴ Kuti walanda shani, Tulibashilika, abaume bamaka mukulwa'? ¹⁵ Moabu ali nokonaulwa nemisumba yauko ukusunswa. Pantu abaume bakwe abaice nabatentemukila kucifulo cakwipailwapo. uku ekusosa kwa mfumu! Yawe wamabumba eshina lyakwe. ¹⁶ Icinkunka ca Moabu calacitika ililine; ububi buleya ngufyanya. ¹⁷ Bonse abo abashinguluka Moabu, bakuta; nabonse abaishibe ukulumbuka kwauko, babilishe ici, 'Akalanda, kubamaka, inkonto yamucinshi, naitobaulwa.' ¹⁸ Fuma pacifulo camucinshi nokwikala pamushili wauma, imwe mwebanakashi abekala mu Diboni pantu konaula wa Moabu akesa pali iwe, akonaula ifyamaka fyobe. ¹⁹ Iminineni pamusebo nokucefya, imwe mwebantu abekala mu Aroele. Ipusheni abo abalebuka nokufyuka. Mutile, 'Cinshi cacitike?' ²⁰ Moabu ali ne nsoni, pantu calitobawilwe. Welesheni noku kuta bilisheni kukwafwiwa. Ebeni kubantu baliku mumana wa Arione ukuti Moabu naonaulwa. ²¹ Nomba ukupanikwa nakwisa kumusumba ukalamba wakulupili, ku Holone, Yasana Mefaati, ²² ku Dibone, Nebo, naku Bete-diblataimi, ²³ ku Kiriataimu, Bet-gamuli, na Betemaone, ²⁴ ku Keriote na Besere, nakumisumba yonse mucalo ca Moabu -iya kutali neipalamineko imisumba. ²⁵ Ulusengo lwa Moabu naluputulwako; ukuboko kwakuko nakufunika -uku ekulanda kwakwa Yawe. ²⁶ Mulengeni ukukolwa, pamulandu abombela mukusamwa pali Yawe. Lekeni Moabu alale mumalushi yakwe, kabili lekeni ena abe icipe cakutumpa. ²⁷ Pantu bushe Israeli tasangwike icipe cakuseka kuli imwe? Bushe tasangilwe pakati kabango, mukuti winga pukunya umutwe pali ena lyonse ilyo mwalanda pali ena ²⁸ Ukusha imisumba nenkambi palibwe ilya sansuka, mwebekashi ba Moabu. Sangukeni nge nkunda iyo ili pa cinsa pamulu wakanwa ka cilindi mulibwe. ²⁹ Twali umfwa palwa filumba fyakwa Moabu -ukuitutumuna kwakwe, ukuikatamika kwakwe nokuikusha kwakwe mumutima wakwe. ³⁰ Uku ekusosa kwakwa Yawe-ine nemwine nalishiba ukulanda kwamataki kwakwe, aya shimucita kantu, ngemilimo yakwe. ³¹ Kanshi nakulaloshafye Moabu, elyo Nkabilisha mubulanda kuli bonse abena Moabu. Nkalosha abantu baku KiriHareseti. ³² Nkalosha imwe sana ukucila ifyo naloseshe Yaseri, umusumba wa Sibuma! Imisambo yenu yacilwike bemba wamucele nokufika ukucila Yeseri. ³³ Kanshi ukucefya nokusekela nafifumishiwapo ukufuma kufitwalo fyafimuti mu mpanga ya Moabu. Nimfumyapo umwakukamina umwangashi. Tabakabilishe ukubilisha kwa nsansa. Ukubilisha konse takwakabe kwansansa. ³⁴ Ukufuma kukubilisha kwapa Heshiboni nabena Eleale iciunda nacumfwika pa Yahasi, ukufuma ku Soa ku Holonaimu na Egilati shelishiya, ilyofye amenshi ya Nimurimu yakamine. ³⁵ Pantu nkalesha onse mu Moabu upela amalambo pancende isha sansuka nokoca ifyacena cisuma kuli tulesa twakwe -uku ekulanda kwakwa Yawe. ³⁶ Eico umutima wandi ulelila Moabu kwati mutolilo. Umutima wandi ulelila kwati mutolilo ku bantu bakwa Kiri Hakeseti. Ifyuma ifyo basanga nafiya. ³⁷ Pantu cilamutwe lipala nomwefu onse kubeya. Ifyakutetelako fili pamaboko yabo. Insalu shama saka shili mumisana yabo. ³⁸ Kulio ukulosha konsekonse, pali calamutnge wabatama ku uwa Moabu na mumisolo ya Moabu. Pantu ningonaula Moabu nge mpoto isho nangu umo alefwaya- uku ekusosa kwakwa Yawe. Ifyo caonaulwa! Wenkuta shakulosha kwabo! ³⁹ Moabu alukila munsoni! Eico Moabu, akasanguka icintu cakuwela kabili icakutina kuli bonse abo abashinguluka ena." ⁴⁰ Pantu Yawe alanda ici, "Mona, Umulwani akesa alepupuka kwati nikapumpe, naasa amapindo yakwe pali Moabu. Kerite naikatwa, nefyamaka yakwe nafikatwa. ⁴¹ Pantu mulibulya bushiku imitima yabashilika ba Moabu yakaba nge mitima yabanakashi abali mukupapa ⁴² Eico Moabu akaonulwa nokukanda umuntu, Pamulandu aibikile Umwine umukalamba pali Yawe. ⁴³ Icintiinya, ubulanda, neciteyo fileisa pali iwe abekashi bakwa Moabu -uku ekulanda kwakwa Yawe. ⁴⁴ Onse uwafulumuka pamulandu wacintinya akawila mucilindi naonse uwaabuka mucilindi akeketwa muciteyo pantu nkaleta ici pali ena, abantu bakwa Moabu, mumwaka wacilandushi pali bena -uku ekulanda kwakwa Yawe. ⁴⁵ Bamo abafulumuka bakeminina mucinshingwa ca Heshiboni ukwabula amaka ayali yonse, pantu umulilo ukapuka ukufuma mu Heshiboni, Icipuki ukufuma pakati ka Sihone. Ukoca insenseshamatwi shabakwa Moabu nemitwe yabantu abaitutumuna. ⁴⁶ Akalanda kuli iwe Moabu! Abantu bakwa Kemoshe nabonaulwa, pantu abana bobe abaume nabasendwa nga bankole nabana bobe abanakashi muli bu nkole. ⁴⁷ Lelo nkabwesha bunkole kuli Moabu munshiku sha shakushalikisha - uku ekulanda kwa Yawe." Umupingushi pali Moabu bwapwila pano.