1 Ili eshiwi lyakwa Yawe ilyaishile kuli kasesema Jeremia palwa bena Philistin. Ili shiwi lyaishile kuli ena ilyo Farao talasansa Gaza. 2 Yawe asosefi; "Moneni amenshi yalya yaleimika kukapinda kaku kuso. Yeleba ngo mumana uwabunda! Elyo yalebunsha icalo na fyonse ifyabamo, imisumba na bantu baikalamo! Elyo umuntu onse akakuta mutule, nabantu bonse abaikala mu calo bakapumwina imisowa. 3 Pa ciunda ca nshindo sha fibondo fyaba lume babakabalwe, pa mkubuluma kwa maceleta yabo ne congo ca mipeto yayako, ba wishi tabakafwe abana babo pamulandu wakunaka kwa maboko yabo. 4 Pantu ubushiku buleisa ubo bakaloba bonse abena Philistin, ukususukako ukufuma ku Tyre na Sidom kafwa onse uwa shalako ku cinshi ca Caphtor. 5 Ubulanda bukesa pali Gaza. Ashkelon naikala tondolo. Imwe mwebashala mumupokapoka wabo, kufika nshitanshi mukaiputulako? 6 Akalanda ku lupanga lwakwa Yawe! ninshita nshi uleba tondolo? Bwelela mu citubo cobe! emo wikale utusheko. 7 Kuti lwatusha shani ilyo Yawe nalu konkomesha, ilyo Yawe nalupela umulimo wakusansa Ashkelon no lulamba lwa bemba?