¹ Ili eshiwi lyakwa Yawe ilya ishile kuli kasesema ukulola kunko. ² Kuli Egiputi: '''Icimpa mushilika wakwa Farao Neko, imfumu ya Egiputi iyo iyali pa Karikemishii pambali wa mumana wa Yufrate. Uyu ali mushilika uo Nebukadisari imfumu ya Babiloni yacimfinshe mu mwaka wa bune wakwa Yehoakimu umwana mwaume wakwa Yoshia, imfumu ya kwa Yuda: ³ Buleni inkwela ishinono kukupekanya inkwela ishikalamba, nokuya kuntanshi kukulwa. ⁴ Bikeni amalamba pali ba kafwalo; nineni pali ba kafwalo nokusenda ifimpopo fya mukuba mufwale; noneni imifwi nokufwala ifya kucingilila umubili. ⁵ Finshi ndemona kuno? Naba tutuma ilyo balebutuka ukuya, pantu abashilika babo naba bonaula umupwilapo. Bale butukila kububutushi elyo tabalelolesha kunuma. Icintinya cilifye konse-uku ekulanda kwakwa Yawe- ⁶ abayangufyanya teti babutuke, nabashilika teti bafyuke. Batala nsunkila kukapinda kakuso nokuwila pambali wa mumana wa Yufrati. ⁷ Nani uyu uwaima nga Nailo, uo amenshi yaposwa pamulu napanshi nge mimana? ⁸ Egiputi aima nga Nailo. nge mimana ya menshi ayo yema nokupona. Egipti atile, Nkaya pamulu elyo nkafimba isonde. Nkonaula imisumba nabekashi babo. ⁹ Nineni, bakafwalo. Fulweni, imwe mwe maceleta. Lekeni abashilika bafume, Kushi nabena Puti, abantu abakanshiwa nenkwela nabena Ludi, abantu abakanshiwa mukupeteka ututamfunda twabo. ¹⁰ Bulya bushiku bukaba bushiku bwa cilandushi cakwa shikulu Yawe wamabumba, elyo akailandula umwine pa balwani bakwe. Ulupanga lukepaya nokuba ulwaikuta. Lukanwa ukwisushiwa kwa mulopa wabo. Pantu kukaba ilambo kuli shikulu Yawe wamabumba mumpanga yakukapinda kaku kukuso palulamba lwa mumana wa Yufrati ¹¹ Kabiye ku Gileadi nokupoka umuti, abana banakashi bana cisungu baku Egupti. Cafyefye ukuti wabika umuti uwingi pali wemwine. Takuli kupola kuli iwe. ¹² Inko shalyumfwa ulwa luse lobe. Isonde nalisushiwa kukulila kwakucula, bonse bene bawa pamo." ¹³ Ili eshiwi ilyo Yawe aebele Yeremia kasesema ilyo Nebukadinesari imfumu ya Babiloni yaishile mukusansa icalo ca Egupti: ¹⁴ "Bilisha mu Egupti, nokutila, nokutila mu Migidole, Memfisi na Tapanesi. ' Buleni icifulo cenu nokuipekanya mwebene, pantu ulupanga lukepaya abo abali naimwe. ¹⁵ Cinshi ico abamaka benu benamine panshi?Tabakeminine, pamulandu Yawe nabasunkila ku mushili. ¹⁶ Nafusha impendwa ya abo abaletutuma. Cila mushilika aleponena ku umukonkelepo. Baletila, 'Ima. Katuleya ku nganda. Katubwelele ku bantu besu, kucalo twafyalilweko, nokutaluka kulupanga lwa mulwani.' ¹⁷ Babilile kulya, ' Farao imfumu ya Egupti alifye congo, umo uwalengele inshita yakwe ukusela.' ^{18 19} Napalifye ine umumi-ifyasosele imfumu, uo ishina ,lyakwe ni Yawe wamabaumba- umo akesa ngo lupili lwa Tabo no lupili lwa Kameli pamabali lwa bemba. Ilongeni ifipe fyakusenda ku calo ca bweni, imwe mwebekela mu Egupti, pantu Memfisi alesanguka icinangwa; akocewa kabili takuli nangu umo ukekala mulya. ²⁰ Egupti ni ngombe isuma sana inono, lelo akashishi kabusungu kaleisa ukufuma kuka pinda kakukuso. Kaleisa. ²¹ Abashilika bakobola mu citeyo cakwe bali nge ngombe ilume iyaina, lelo nabo bakapilibuka nokubutuka ukuya. Tabakeminine pamo, pantu ubushiku bwacinkunka cabo cileisa pali bene, ubushiku bwakukandwa kwabo. ²² Egupti alila nge nsoka aongoloka aya, pantu abalwani bakwe bale mukonka pali ena. Balemukonka kuntanshi nga abatemi namasembe. ²³ Bakatema umutengo- uk ekulanda kwakwa Yawe- nangu walitikama. Pantu abalwani bakafulapo ukucila makanta, bashingapendwa. ²⁴ Abana banakashi bakwa Farao bakalengwe insoni. Akapelwa muminwe yabantu ukufuma kukapinda kakukuso.'' ²⁵ Yawe wamabumba, Lesa wakwa Israeli, atile, "moneni, ndimukulimuna Amoni uwaku Tebesi, Farao, Egupti natulesa twakwe, ishamfumu nshakwa Farao, nabonse ba abacetekela muli bena. ²⁶ Ndebapela mumaboko yaabo abalefwailisha imweo yabo, na mumaboko yakwa Nebukadinesari imfumu yaku Babiloni nababomfi bakwe. Elyo panuma ya ifi Egupti akekala nga munshiku sha kale- uku ekulanda kwakwa Yawe. ²⁷ Lelo iwe, wemubomfi wandi Yakobo, witina. Witutuma, Israeli, pafyo wamona, Ndimukukupususha iwe ukufuma ukucifulo cakutali, nemfyalwa yobe ukufuma kucalo cabunkole bwabo. Yakobo ali nokubwela nokuteka umutima; akatusha, ilyo takwakabe kabili ukutinishiwa. ²⁸ Iwe, we mubomfi wandi Yakobo, witina -uku ekulanda kwakwa Yawe -pantu ndi nobe, eico nkaleta ubonausha pakati kashonse inko uko namisalanganishishe iwe. Lelo imwe mumulinganya elyo limbi nshakamishe imwe ukwabula ukukandwa."