1 Ili ilyo Yeremia kasesema aebele Baruki umwana mwaume wakwa Neria. ici cacitike ilyo alambele mwi buku aya amashiwi ukufuma kukanwa kakwa Yeremia mumwaka wabune uwakwa Yehoyakimu umwana mwaume wakwa Yoshia, imfumu yakwa Yuda. Atile, 2 Yawe, Lesa wakwa Israeli, alandile ici kuli iwe Baruki. 3 Watile, 'Akalanda kuli ine, Pantu Yawe nalundapo ubukali kukukalipwa kwandi. Ukuteta kwandi nakumfusa ine; nshisanga kutusha.' 4 Ici eco ufwile ukulanda kuli ena : 'Yawe alandile ici: Mona, ifyo nakulile, nomba ndefitobaula. ifyo nabyele, nomba ndefinukaula -Nkacita ici kwisonde lyonse. 5 Nomba ulesubila ifintu ifikalamba kuli wemwine? Wilasubila kuli ifyo. Pantu mona, ifinkunka pamutundu wamuntunse Onse -uku ekulanda kwakwa Yawe -lelo ndepela ubumi bobe ngecitapwa konse uko uli nokuya.'''