¹ Iceebo caishile ku Yeremia ukukuma kuba Yuda bonse abaikele mu calo ca Egypti, abo abaleika mu Migidoli, Tapanesi, Memfisi, wapa mulundu wa Egypti: ² "Yawe wamabumba, Lesa wakwa Israeli, atila, 'Imwe mwebene mwalimona amasanso yense ayo ine naletele ku Yerusalemu ne misumba yonse iya Yuda. Moneni, fyonse fyalyonaika ileelo. Takuli nangu umo uwingekala muli fyena. ³ Nipamulandu wa fintu ifyabipa bacitile ukunsonsomba ine ukukalipa ukupitila mu kooca ububani nokupepa tu lesa tumbi. Uto twali nitu lesa uto nangu ni bena nangu imwe nangu ifikolwe fyenu tafyaishibe'. ⁴ Eico ine naletuma ilingi ababomfi bandi bonse bakasesema kuli bena. Ine nabatumine ukukusosa, 'Lekeni ukucita ifi ifya muselu ifyo napata: Leelo tabaumfwile. Balikene ukusakamana nangu ⁵ ukuleka ububifi bwabo pakula futumwina ububani kuli tu lesa tumbi. ⁶ Eico icipyu candi no bukali bwandi fyalipongolwele nokukosha umulilo mu misumba ya Yuda na mumisebo ya Yerusalemu. Eico fyasangwike ifibolya kabili fyalyonaika, ukufika pabushiku ubwalelo ⁷ Eico nomba Yawe, Lesa wamabumba na Lesa wakwa Israeli atila, 'Mulandu nshi mulecitila ububi ubwabipisha mwebene beka?mulandu nshi muliengele mwebene mweka ukuputulwako ukufuma kuli Yuda -abaume nabanaakshi, abaakano tunya? Takuli pabashala uwa muli iwe uukashala. ⁸ Pabubifi bwenu na munsonsomba ukukapa pamicitile ya minwe yenu, pakula oca ububani kuli tu lesa tumbi mu caalo ca Egypti uko mwaya mukwikala. Imwe mwaliya kulya pakuti mukonaulwe, pakati ka nko shonse isha pe sonde. ⁹ Bushe ububifi bwacitilwe ne fikolwe fyenu no bubifi bwacitilwe na basha ba mfumuba Yuda nabakashi babo? Bushe mwalilaba ububi bwacitilwe naimwe bene nabakashi benu mu caalo ca Yuda na mumisebo ya Yerusalemu? ¹⁰ Ukufika na leelo, tabaicefya. Tabacindika amafunde yandi nangu ifipope ifyo nabikile kuntanshi yabo nefikolwe fyabo, nangu ukwenda muli fyena ¹¹ Eico Yawe uwamabumba, Lesa wakwa Israeli, atila, 'Moneni, Ine ndimupepi ukutonta impumi yandi kuli imwe ukuleta ubonaushi kuli imwe nokonaula Yuda onse. ¹² Pantu ine nkasenda abashalapo mu Yuda abo abapekenye ukuya ku Egypti nokuya ikala kuya. Ine nkacita ifi pakuti bakalobele bonse mucaalo ca egypti.Bakawa kulupanga ne cipowe. Bakafwa kabili bakaba icatipwa, icipe icakuseka -icatipwa kabili icasalulwa. ¹³ Pantu nkakanda abantu abaleikala mu caalo ca Egypti pamo ngefyo ine nakandile Yerusamu kulupanga, ne cipowe, ne cikuko ¹⁴ eico takwakabe uwashala mu Yuda uwaya mukuya ikala mu caalo ca Egypti uukabutuka nangu ukupusuka nangu ukubwelela ku caalo ca Yuda, ukobale fwaya ukubwelela no kwikala; kabili takuli nangu umo uukabwela kanofye abanono abafulumwike ukufuma kulya.'' ¹⁵ Eico abaume bonse abaishibe ukuti abakashi babo balefutumwina ububani kuli tu lesa tumbi, nabanakashi bonse abali mukulongana kwa cintubwingi, nabantu bonse abaleikala mumukonko napa mulundu wa Egypti, bayaswike Yeremia. ¹⁶ Batile, "pamulandu necebo ico utwebele ifwe mwishina lyakwa Yawe -ifwe tatwaumfwe kuli iwe. ¹⁷ Pantu ifwe icine cine tulecita ifintu ifyo twatile tukacita -ukoca ububani kuli namfumu wa mumulu nokupongolwela umutuulo wacakunwa kuli ena pamo ngefyo ifwe, ifikolwe fyesu, imfumu shesu, nentugnulushi shesu shacitile mu misumba ya Yudana mumisebop ya Yerusalemunefya kulya kabili tukaya pantanshi, ukwabula. Ukupita mubusanso. ¹⁸ Ilyo twalekele ukucita ifi fintu, ukuleka ukupeela ububani kuli na mfumu wamumulu no kukana pongolwela amalumbo yacakunwa kuli ena, ifwe bonse twalecushiwa ne nsala kabili twalefwa kulupanga ne cipowe." ¹⁹ Abanakashi batile, "Ilyo twalepeela umutuulo wabubani kuli namfumu wamumulu no kupongolwela umutuulo wa cakunwa kuli ena, bushe ici cali nokupusana nokufwaya kwa balume besu eco twalecitila ifi fintu, ukupanga ifipapatu mucimpasho cakwe nokupongolola icakunwa cesu ica mutuulo kuli ena?" ²⁰ Elyo Yeremia atile kubantu bonse -kubaume nabanakshi, nabantu bonse abamwaswike ena -asabenkenye nokuti, ²¹ "Bushe Yawe taibukishe ububani buntu mwaocele mumisumba ya Yuda ne misebo yamu Yerusalemu -imwe ne fikolwe fyenu, basha mfumu benu ne ntungulushi, na bantu bamu caalo? Pantu Yawe alebukisha ifi; cilesa ku matontonkanyo yakwe. ²² Eico alifililwe ukushipikisha pamulandu wabubi ubwamicitile yenu, pamulandu wafya muselu ifyo mwacitile. Eico icaalo cenu casangwike icaonaika, icabulwamo kabili icatipwa eico takwali umwikashi nangu umo ukufika pali bumo bushiku. ²³ Pamulandu wakuti mwaocele ububani no kubembukila Yawe, kabili pamulandu wakuti imwe tamwaumfwile kwishiwi lyakwe, amafunde yakwe, amalango yakwe, nangu ifipope fya luse, ubu busanso kuli imwe bwalicitike ngefyo cili pali bumo bushiku." ²⁴ Elyo Yeremia atlile ku bantu bonse nabanakashi bonse, "Umfweni iceebo cakwa Yawe, mwebena Yuda bonse abab mu caalo ca Egypti. ²⁵ Yawe wamabumba, Lesa wakwa Israeli, atila ifi, 'Imwe nabakashi benu bonse namuposa mutunwa twenu nokufikilishamumaboko yenu ifyo mwasosele, "Ifwe icine cine tukakonka amalayo ayo twapangile ayakupepa namfumu wa mumulu ukulapongolwela umutuulo wafay kunwa kuli ena." Nomba fikilisheni amalayo yenu; yakonkeni.' ²⁶ Eico nomba, umfweni iceebo cakwa Yawe, mwebena Yuda bonse abaleikala mu caalo ca Egypti, 'Moneni, Ine nindapa mwishina lyandi ilikalamba -efyatila Yawe. Ishina talya kabomfiwe mutunwa twamwaume uuli onse umwina Yuda mu caalo conse ica Egypti, imwe mutila nomba, "Shikulu Yawe abe no mweo." ²⁷ Moneni, Ine nakulalolela ubusanso kabili tebusuma. Umuntu onse mu Yuda mu caalo ca Egypti akaloba kumpanga ne cipowe mpaka bonse bakapwe. ²⁸ Elyo abakapusuka kulupanga bakabweluluka ukufuma ku caalo Egypti ukuya ikala kulya bakeshiba unyu iceebo cikeminina -icandi nangu icabo. ²⁹ Ici cikaba icishibilo kuli imwe -uku ekusosa kwakwa Yawe -ukuti ine ndemilungama imwe muli iincende, pakuti mukeshibe ukuti ifyebo fyandi icine cine fikamisansa imwe nokumiletelela ubusanso.' ³⁰ Yawe atila ifi, 'Moneni, Ine ndimupepi nokupeela Farao Hofara imfumu ya ku Egupti mukuboko yabalwani bakwe kabili mukuboko kwa abo abafwaya ukumwipaya. Cikaba cimo cine nga filya napeele Sedekia imfumu ya Yuda kukuboko kwakwa Nebukadinesari imfumu ya Babiloni umulwani wakwe uwafwaile umweo wakwe."