¹ Nomba ilyo Yeremia alekele ukusabankanya ku bantu bonse ifyebo fya kwa Yawe Lesa wabo elyo Yawe Lesa wabo amwebele ukuti, ² Asaria umwana mwaume wakwa Hoshaia, Yoanani umwana mwaume wakwa kalea, na baume bonse abakatutumushi batile kuli Yeremia, "Iwe ulelanda ifya bufi.Yawe lesa wesu takutuma ukusosa, 'Mwiya ku Egiputi mukwikala kulya.' ³ Pantu Baluki umwana mwaume wakwa Nelia alakusongelekanya iwe kuli ifwe ukutupela kuminwe yabena Kaldi, pantu iwe uletulenga ukufwa nokutu panga bankole nu Babiloni." ⁴ Eico Yoanani umwana mwaume wakwa Kalea, ba cilolo bonse aba mumpuka, nabantu bonse bakene ukumfwa kwi shiwi lya kwa Yawe ukwikala mu caalo ca Yuda. ⁵ Yoanani umwana mwaume wakwa Kalea na bakalamba ba bashilika bonse basendele bonse abashele mu yuda ababwelulwike ukufuma ku nko shonse uko basalanganishiwe ukwikala mu caalo ca Yuda. ⁶ Basendele abaume na banakashi, abaana nabaana abanakashi abamfumu no muntu onse untu Nebusaradani, umukalamba waba kacingilila wa mfumu, abo alekele ukushala pamo na Gedalia umwana mwaume wakwa Aikumu umwana mwaume wakwa Shafani. Besendele kasesema Yeremia na Baluki umwana umwaume wakwa Nelia. ⁷ Baile ku caalo ca Egiputi, ku Tapanesi, pantu tabaumfwile kwishiwi lyakwa Lesa. ⁸ Eico iceebo ca kwa Yawe caishile kuli Yeremia mu Tapanesi, ukuti, ⁹ "Senda amabwe yamo mu minwe yobe kabili, mu finso fya baume bamo abena Yuda, yafiseni mu ndaka mumbali ya lubansa ulwakambatikweko amabwe pa mwisnhi wa nganda yakwa Falao mu Tapanesi." ¹⁰ Eico sosa kuli bena, Yawe uwamabumba, Lesa wakwa Israeli, asosa ifi, 'Moneni, ine ndi mupepi nokutuma intumi ukuleta Nebukadinesari imfumu ya Babiloni, umubomfi wandi. ine nkabiika icipuna cakwe pamulu wa aya amabwe yantu iwe Yeremia, ushikile. Nebukadinesari akabika itenti lyakwe pamulu wa yako. ¹¹ Pantu akesa no ku sansa icaalo ca Egiputi. Uuli onse uwa pingulwa ukufwa akapelwa kukufwa. Uuli onse uwapingulwa ukutwalwa muli bunkole akasendwa muli bunkole. Uuli onse uwa pingulwa ku lupanga akapelwa ku lupanga. ¹² Elyo ine nkakosha umulilo muma tempele yatu lesa twa mu Egiputi. Nebukadinesari akaboca nagu ukubekata. Akawamya icaalo ca Egiputi nga filya bakacema bakaunta ifissumi ku malaya yabo.akafuma kuli ilya incende nokufumfya. ¹³ Akatoba icaimikwa ica mabwe pa Heliopolisi mu caalo ca Egiputi. Akaooca amatempele yatu lesa twa Egiputi."